Uusu-uusu A Pol Hurula'aa Hunie Mo Rom 1:23 - Tataroha Diana

²³ Aana kire sereꞌi palo-paloa tohungei God e manikuluꞌe na e iiꞌo huu, oto kire ko si paloa mola mo nunui ola nge kire asuiꞌi huni lio mala mo iinoni, wa mo menu, wa mo mwaa, wa mo ola ni meꞌesu.

Uusu-uusu A Pol Hurula'aa Hunie Mo Rom 1:23 Iomraidhean Croise

Palonga 10:12

Na taꞌena nga ola mauri oto mola e iiꞌo i laona mei sala paine ngeena—taꞌe-taꞌena nga lulusane, na taꞌe-taꞌena nga mwaa, na taꞌe-taꞌena nga manu oto mola nge kire aapu hunie mo Jiu.

Palonga 17:29

Oto aena a God e niie mauringe hunikie mala mo mwela ingeie, nge kie ke suꞌuri neꞌi-neꞌisae uri a God nga ola kie sai eedumie mola aani kol wa aani siliva wa aani heu. Aana a God e kaꞌa urihana ike ola nge nimana iinoni wa saenanaunge iinoni e sai esuie.

Uusu-uusu A Pol Hurula'aa Hunie Mo Rom 1:25

Kire ko oolisie mola walaimolinge i sulie a God hunie eeronga. Oto kire ko haꞌaweora mola maraada aani palolana walu ola nge a God e haꞌaholaꞌi, na kire kaꞌa paloa ike iini e haꞌaholaa walu ola ngeena wa kire ke tola i sulie walana. Taꞌe ingeie a Haꞌahola maraana, iini nge lahelana ke lae taraꞌasi oto huu ni ngeena. Iau, ke urine oto.

1 Korinit 12:2

Omu saie taane uri maholo omu oꞌoꞌo ni puꞌo ue, kire naꞌomiu huni talei lae-lae mola i sulie mo tala hunge aaela huni palo-paloa mola mo nunui ola nge hule aana kire kaꞌa sai ere ike.

1 Pita 4:3

Holaꞌinaꞌo, omu tohungei lae tewa aani lulu i sulilana tolahana mo puꞌo aana omu mai-mesi kaꞌu peꞌie taꞌena nga iini, na omu heri-heri hunie kaꞌu mola aaelanga. Omu mehiri kaꞌu tarau aani inu wei ni pweunge, na omu euꞌesuie kaꞌu mo houlaa paine huni inu-inu ni pweu na huni deu aaela mola aani. Na omu lae noꞌone peꞌie tolahai ola e lio mamaꞌelaꞌa ngeena aana omu palo-paloa kaꞌu mo god eero-eero.

Haataꞌinge 9:20

Taꞌe ahutana mo iinoni loꞌu i lalona walumalau nge horoꞌilada e kaꞌa lae ike aana mo aaelanga ngeena, kire kaꞌa oonisae ike mwaanie mo takalonga ikire. Kire kaꞌa mamalo ike mwaanie palolana mo liꞌoa aaela na mo nunui ola kire asuiꞌi mola aani kol, na siliva, na bras, na hau, na aani ei. Mo god eero-eero ngeena kire kaꞌa sai lio ike aana maada wa kire ke rorongo aana aalingada wa kire ke lae-lae aana aeꞌaeda.