Pilipae 4:4 - Tataroha Diana

⁴ Omu ke ile-ilenimwaꞌe tarau haahie a Aalaha. Na no ko heꞌi unue loꞌu uri omu ke ile-ilenimwaꞌe.

Pilipae 4:4 Iomraidhean Croise

Matiu 5:12

Omu kei ile-ilenimwaꞌe oto loꞌu liutaa, aena aana waaitemiu e paine oto taꞌau i Lengi. Na urine e haataꞌi diana aana uri omu urihana mo propet a God oto i naꞌo, aana mwala i naꞌo kire taungeꞌinire noꞌone urine.”

Palonga 16:25

Oto i upui rodo a Pol na Saelas kirerue ko aarengaꞌi peꞌie kananga ni lahea God. Na mo iini nge kire iiꞌo noꞌone i nume ni hoꞌo kire ko rorongo mola i sulirerue.

Palonga 5:41

Mo hurulaꞌaa kire lae mwaanie pulitaa ni lei-lei, kire ko tohungei ilenimwaꞌe oto liutaa, aena aana a Jisas e haataꞌinie uri kire ado taane huni sapesalu i tehulaꞌana satana.

Uusu-uusu A Pol Hurula'aa Hunie Mo Rom 12:12

Omu ke ile-ilenimwaꞌe tarau haahie mo heiholotaꞌinge a God huniꞌomu. Maholo siꞌohaꞌanga ko hite aamiu, omu ke hele maꞌutaꞌa mola aana hiiwalaimolinge, na omu ke iiꞌo peꞌi aarengaꞌinge mola tarau.

2 Korinit 6:10

Aena aana mo aasanga ngeena, e malisine oto melu ke sae-saehuu, taꞌe melu ilenimwaꞌe mola tarau. Melu sai meitale taane, taꞌe melu ko peꞌie mola mwala hunge hunie kire ke toꞌo-toꞌo loꞌu. Melu kaꞌa toꞌo aana ike taane nga mei ola, taꞌe melu ko si toꞌo aana mola ahutana walu ola mango.

Kalesia 1:8

Taꞌe mala uri nga iini, wa maꞌalana uri iꞌemeelu, wa nga ensel uure taꞌau i Lengi ko tarohaꞌinie loꞌu nga tataroha diana aaopa mwaanie iini nge melu tarohaꞌinie kaꞌu oto huniꞌomu, nge e malisine lei-maesilana ke lae aana dunge ni haꞌamotaahinge.

Pilipae 2:18

Oto mala nga mei ola urine kei reu eeku, nge omu ke ilenimwaꞌe mola peꞌieu.

Pilipae 3:1

Na ngaeta leu loꞌu, maeni eesiku, omu ke ile-ilenimwaꞌe mola aena aana iꞌomu mo iinoni a Aalaha. Ineu, nou saꞌa weo ike huni haꞌarongoꞌomu loꞌu aana mo ola nge nou uusuꞌi keꞌu huniꞌomu holaꞌi naꞌo. Aana mo olana ni kire kei kakalie hiiwalaimolinge iꞌomu.

1 Pita 4:13

E diana uri hunie omu ke ile-ilenimwaꞌe mola, aana omu ko sapesalu oto noꞌone mala a Kraes e sapesalu keꞌu. Aena leune omu kei ilenimwaꞌe noꞌone aana maholo a Kraes kei lae mai peꞌie manikuluhaꞌana God.