Pilipae 3:9 - Tataroha Diana

⁹ hunie ne ke iiꞌo ruru oto peꞌie a Kraes. Oto nou kaꞌa oodotaꞌi ike mola maraaku aani lulu i sulilana mo Haꞌatolanga a Mosis, taꞌe nou oodotaꞌi mola aana oodo-oodonga nge niilana e lae aani hiiwalaimolinge aana Kraes, oodo-oodonga nge e lae mai mwaanie a God i tehulaꞌana hiiwalaimolinge.

Pilipae 3:9 Iomraidhean Croise

Matiu 9:13

Oto omu ke haitalea loꞌu e ue ni mo Uusu-uusu Maaꞌi e unue uuri, Nou kaꞌa hari hunie ike uunu-olanga, taꞌe aamasinge hunie mo iinoni. Hosea 6:6 Aana nou lae mai huni haaraie mo iinoni oorahaꞌaa ke oonisae, na nou kaꞌa lae ike mai huni haaraie mo iini kire unue kire diana oto.”

Uusu-uusu A Pol Hurula'aa Hunie Mo Rom 1:17

Aana Tataroha Diana ngeena ko haataꞌinie hunie mwala uri a God e sai neꞌi oodohie mwala peꞌie maraana uri taa. Na tala ngeena mei ola aana hiiwalaimolinge mola, uure oto i aehotalana hunie haꞌamangolana. Na nga tala aaopa loꞌu, haꞌike oto ooꞌoo, mala mo Uusu-uusu Maaꞌi e unue uuri, Iinoni e oodotaꞌi i maana God i tehulaꞌana hiiwalaimolinge, nge haꞌalaa kei meuri huu. Habakuk 2:4

Uusu-uusu A Pol Hurula'aa Hunie Mo Rom 10:10

A God kei unue uri iꞌoe iinoni oodotaꞌi i maana na kei haꞌa-uuriꞌo mwaanie maenga huu, mala uri o ko hiiwalaimoli urine toꞌohuu na o ko houleꞌinie hunie mwala.

Uusu-uusu A Pol Hurula'aa Hunie Mo Rom 16:7

Na omu ke niie noꞌone mei wala ni saediananga ineu hunie a Andronikas na a Jiunia. A mwane ngeena na a keni ngeena, ikirerue ngaeta ro Jiu noꞌone mala ineu, na kirerue oꞌoꞌo kaꞌu peꞌieu i nume ni hoꞌo. Ikirerue ngaeta ro naꞌohai hurulaꞌaa, na ikirerue oto kire holaꞌi hiiwalaimoli aana a Kraes i naꞌoku.

Uusu-uusu A Pol Hurula'aa Hunie Mo Rom 5:21

Oto maꞌalana mo oorahaꞌaanga ikire ke toꞌo aana loꞌu nanamanga huni horo mae aada, taꞌe manata-diananga a God e nanama loꞌu liutaa. Na aena aana asunge a Jisas Kraes Aalaha ikie mone, nge a God e da hunie kie ke neꞌi iinoni oodotaꞌi i maana, na hunie kie ke si hele aana maurihe huu.

Uusu-uusu A Pol Hurula'aa Hunie Mo Rom 8:1

Oto ie a God e saꞌa lei mae aaka ike, aena aana kie lado oto peꞌie a Jisas Kraes.

Uusu-uusu A Pol Hurula'aa Hunie Mo Rom 8:3

Mo Haꞌatolanga a Mosis e kaꞌa toꞌo aana ike nga nanamanga huni taꞌaasie mo oorahaꞌaanga ikie urine, aena aana ikie mo iinoni kie kaꞌa sai tola i sulie ike mo Haꞌatolanga ngeena. Taꞌe a God e asuie leune hunikie maholo e uusungeꞌinie mai a Kalena hunie ke neꞌi iinoni oto mala ikie mo iinoni oorahaꞌaala, taꞌe mola aana ingeie e kaꞌa oorahaꞌaa ike. Oto aana a Kraes mone e kaꞌa oorahaꞌaa ike, nge leune e haataꞌinie uri e tohungei melisine oto a God ke lei maesikie mo iinoni oorahaꞌaala. Oto maꞌalana e urine, a God e kaꞌa lei maesikie ike, taꞌe e toliꞌaasie mola a Kraes hunie ke mae mala nga uunu-olanga huni taꞌaasie mo oorahaꞌaanga ikie.

1 Korinit 1:30

Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa.

2 Korinit 5:17

Oto iini nge e neꞌie iinoni a Kraes, nge a God ko haꞌahaalue oto iinoni ngeena hunie ke neꞌie iinoni haalu oto. Mo tolahai ola lalahuꞌe ko eiꞌaa oto mwaanie, na mo tolahai ola haalu ko lae oto mai.

2 Korinit 5:21

A Kraes ingeie e kaꞌa toꞌo aana ike nga mei oorahaꞌaanga, taꞌe a God e da mola hunie ke toꞌo aana mo oorahaꞌaanga ikie mo iini kie lado toꞌohuu peꞌie a Kraes, hunie ikie noꞌone kie ke si toꞌo aana oodotaꞌinge ingeie.

Kalesia 2:16

Oto maholo ie kolu manataꞌinie oto uri haꞌa-oodohilana iinoni e sai lae mola peꞌie a God aani hiiwalaimolinge aana a Jisas Kraes, na e kaꞌa ike i sulie lulu i sulilana mo Haꞌatolanga a Mosis. Aena ngeena ikolu noꞌone, kolu hiiwalaimoli aana a Jisas Kraes. Kolu hiiwalaimoli uri haꞌa-oodohilakaelu ke si lae peꞌie a God i tehulaꞌana hiiwalaimolinge ikolu aana Kraes, na e kaꞌa ike aani deu i sulilana mola mo Haꞌatolanga. Aana nga taꞌa-taꞌa iini haꞌa-oodohilana e saꞌa lae ike peꞌie a God aani deu i sulilana nga taa mo Haꞌatolanga e unue.

Pilipae 3:6

Aana aapa aana mo Haꞌatolanga a Mosis, nou kaꞌa dau huꞌisie ike taane nga mei ola. Na aena aana nou tohungei loꞌongaꞌi hiꞌe-hiꞌe oto liutaa huni lulu i sulie tolahameelu mo Jiu, oto no ko si haꞌasapesaluꞌaa mola mo iini e hiiwalaimoli aana a Jisas Kraes.

2 Timoti 1:9

Aana a God e haꞌa-uurikie na e lio hilisikie oto hunie kie ke neꞌi iinoni maaꞌi ingeie. E kaꞌa asuie ike mola leune aena aana kie malisi wa uri kie asuie nga mei ola diana adongana. !Haꞌike! Taꞌe e oalaꞌinie urine mola aana e tohungei sare haꞌadianaꞌakie. Uure oto wau i naꞌo na haꞌaholanga haꞌike ue, a God e oalaꞌinie oto uri a Jisas Kraes kei haꞌadianaꞌakie oto urine.

Taetas 3:5

aana e haꞌa-uurikie. Na e kaꞌa haꞌa-uurikie ike aena aana helelaka e diana, taꞌe e haꞌa-uurikie mola aena aana e aamasikie. Kie hute haalu aena aana Liꞌoa Maaꞌi e haꞌarereꞌakie hunie kie ke toꞌo aana mei meu-meuringe haalu i lalo aana.

Hibru 6:18

Oto kie toꞌo aana e ro mei wala nge kire saꞌa roroꞌa hai-oolisi ike loꞌu, aana a God e saꞌa eero ike aani heiholotaꞌinge, na e saꞌa eero ike noꞌone aani tohenga. Oto ikie mo iini nge kie tahi oto takoie a God hunie ke haꞌa-uurikie, a God ko ere haꞌasusue saeka, na urine kie sai hele maꞌutaꞌa aana maaꞌoohinge susutoꞌo hunie haiholotaꞌinge a God eena.

Jemes 3:2

Aana ahutaka, kie sai meni deu pele aana mo ola hunge. Na mala nga iini nge kaꞌa ere-ere aaela ike, nge e sai kinetaꞌinie oto ahutana sapena noꞌone.

2 Pita 1:1

Saediananga mwaanieu a Saemon Pita, koni-konihe na hurulaꞌaa a Jisas Kraes, huniꞌomu mo iini nge omu hiiwalaimoli noꞌone aana a Jisas Kraes mala iꞌemeelu. Ingeie oto a God na a Haꞌa-uuritaka, na aena aana e tohungei oodotaꞌi na ko sare dau diana mola hunie ahutaka, nge hiiwalaimolinge e niie mai huniꞌomu ngeena e sada mola peꞌie hiiwalaimolinge iꞌemeelu mo hurulaꞌaa.

1 Jon 3:4

Taꞌe-taꞌena nga oorahaꞌaa ko waelie mo haꞌatolanga a God, oto mo iini kire ko oorahaꞌaa kire ko heukama honosie a God eena.