Pilipae 3:2 - Tataroha Diana

² Oto omu ke lio talamiu aana mo usu aaela ngeena, mwala nge kire ko talei esu oto mola aana torihesiꞌonga. Ikire mo iinoni aaela, aena aana kire ko haꞌa-uusulie mwala uri kire ke torihesiꞌo haꞌalaa kire ko neꞌi iinoni a God.

Pilipae 3:2 Iomraidhean Croise

Matiu 24:10

Mo iini hunge aana mo iini nge ko lulu i sulieu kei toliꞌaasie hiiwalaimolinge ikire aana maholona, hule aana kire kei pwelora hailiu mola maraada, na kire kei maaleledire maraada hailiu.

Matiu 7:15

“Omu ke lio talamiu aana mo propet eero-eero, kire kei lae mai seemiu na kire kei lupweꞌi deu mala mo sipu e rako-rako, taꞌe i laona saeda, ikire mo wawaulo ni meꞌesu oto toꞌohuu.

Matiu 7:6

“Mwaanie omu nii-niie mo ola maaꞌi mala Tataroha Diana hunie mo iini kei heliwala mola hunie. Aana urine e urihana mola omu ko niie mo ola maaꞌi ana mo usu, oto kire kei eeliꞌu mola na kire kei alaiꞌomu. Na e urihana noꞌone omu ko aasie mo ola diana iꞌomu mala mo dehi i saana mo poo, na kire kei uuri puli-pulisiꞌi mola aana aeꞌaeda.”

Uusu-uusu A Pol Hurula'aa Hunie Mo Rom 2:28

?Oto kira tei nge mo tohungei iinoni ni Jiu? Mei ola mola poꞌoi sinaha haꞌike ni ngeena, aana iinoni nge ko iiꞌo i sulie tolahana mo Jiu, taꞌe ko lae huꞌisie mola mo Haꞌatolanga, ingeie nga tohungei iinoni ni Jiu haꞌike. Na tohungei haꞌa-ara mo iinoni a God e kaꞌa ola ike mola poꞌoi sinaha aana torihesiꞌonga ni sape.

2 Korinit 11:13

Aana mwala urine, ikire nga mo hurulaꞌaa toꞌohuu haꞌike na asunge ikire mei ola toꞌohuu haꞌike noꞌone. Ikire mwala eero-eero na kire ko lupweꞌi deu mola mala uri ikire mo hurulaꞌaa maaꞌi a Kraes.

Kalesia 5:13

Iꞌomu, maeni eesiku maaꞌi, a God e soiꞌomu uri hunie omu ke iiꞌo luhetaꞌi mwaanie mo Haꞌatolanga a Mosis. Taꞌe mwaanie omu loꞌongaꞌinie uri omu iiꞌo luhetaꞌi huni oorahaꞌaa mola mala saemiu. !Haꞌike! Omu ke peꞌiꞌomu aani manata-diananga huniꞌomu heiliu.

Kalesia 5:15

Taꞌe mala uri omu ko heꞌi polahiꞌomu loꞌu mola hailiu mala mo usu ni meꞌesu, nge omu ke lio talamiu, mwaanie omu horo suuheꞌiniꞌomu mola taꞌingelu.

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Pilipae 3:19

Mwala urine, haꞌamangolada mola i laona dunge ni haꞌamotaahinge, aana kire ko paloa mola mo heri-huninge ni sape mala god ikire. Kire ko talei alea mola haahie mo ola ni masanga, na saeda e honu mola aana walu ola ni welumalau.

Pilipae 3:3

Taꞌe ikolu, a God e asuie torihesiꞌonga toꞌohuu i saekaelu. Oto ikolu mo iinoni a God toꞌohuu, na ikire haꞌike, aena aana kolu ko paloa a God toꞌohuu aana peꞌinge a Liꞌoa Maaꞌi. Kolu norutoꞌo mola aana a Jisas Kraes huni haꞌa-uurikolu, na kolu kaꞌa norutoꞌo ike aana mo ola poꞌoi sinaha aana sape mala torihesiꞌonga.

1 Timoti 1:19

O ke hele susuleꞌi mola aana hiiwalaimolinge iꞌoe aana a Kraes, na o ke asuie mola tarau nga taa nge o manataꞌinie uri e oodotaꞌi. Ngaeta mwala kire ko talei deu huꞌisie mola nga taa nge manatada e unue hunire uri e oodotaꞌi, oto kire urihana mola haka e aape aana mwalo, na urine nge kire si tohungei waelie oto hiiwalaimolinge ikire.

Taetas 1:16

Maꞌalana kire ko unu-unue uri kire saie a God, taꞌe tolahada ko si haataꞌinie mola uri kire kaꞌa saie ike a God. Oto mo iini urine kire tohungei lio mamaꞌela i maana God aana kire ko heitohe mola na kire kaꞌa sai esuie ike nga mei ola diana.

2 Pita 2:22

Kire ko tohungei deu oto mala mei aalahuunge nge e unue uuri, Usu e moa kaꞌu, oto ko heꞌi ngeuꞌi loꞌu. Provebs 26:11 Na ngaeta mei wala e unue noꞌone uuri, “Maꞌalana kie ko loto rereꞌa kaꞌu aana poo, taꞌe kei heꞌi lae loꞌu mola i ipe aana pwii-pwii.”

Jiud 1:4

No ko ere urine, aena aana ngaeta mwala aaela kire ko sili mumuni mola mai i matolamiu. Mwala ngeena kire sereꞌi deu i sulie walana a God, oto kire oolisie mei wala i sulie manata-diananga ingeie hunikie. Kire ko unue uri aena aana a God e tohungei manata diana hunikie, nge e saꞌa haꞌaloikie ike na kie sai deu taꞌewau mola mala saeka. Oto urine kire ko heitohea taꞌa-taꞌa Poro Paine na Aalaha ikie, a Jisas Kraes. Mo propet kire uusu-uusu i sulie mwala ngeena oto mai waite, na kire unue uri leilada kei lae.

Haataꞌinge 2:9

“Nou saie taane mo aasanga iꞌomu na uri omu meitale. Taꞌe omu tohungei toꞌo-toꞌo taane aana hiiwalaimolinge. Nou saie taane mwala ko ere aaelasiꞌomu aana kire unue uri ikire oto mo iini a God e saetoꞌo aada. Taꞌe haꞌike. Ikire, kire ko haꞌapainaꞌaa mola a Satan ni ngeena.

Haataꞌinge 21:8

Taꞌe mwala kire ko meꞌuteꞌinie mola sapesalunge i tehulaꞌana Jisas, na mo iini kire ko eeliꞌu mola mwaanie a Jisas, na mo iini kire ko talei deu tataꞌala, na mo iini kire ko talei horo, na mo iini kire ko mei-mesi, na mo iini kire ko siꞌo-siꞌo, na mo iini kire ko palo-paloa mo god eero-eero, na mo iini kire ko eero-eero, kire kei meni iiꞌo mola i laona dunge ni haꞌamotaahinge aana mo heu eeso-eeso, na ruana nga maenga otona.”

Haataꞌinge 22:15

Taꞌe mo iinoni oorahaꞌaa kire saꞌa roroꞌa ni lae ike i laona Aalahanga a God, aana kire ko siꞌo-siꞌo, na kire ko mei-mesi, na kire ko talei horo, na kire ko palo-paloa mo god eero-eero, na kire saetoꞌo aana mo wala ni eeronga na kire ko euꞌesuie eeronga mola tarau.

Haataꞌinge 3:9

Omu saie taane mo iini aana pulitaa a Pwelu Eero-eero nge kire ko unue uri ikire oto mo iini a God e saetoꞌo aada. !Taꞌe haꞌike! Kire ko eero mola. !Omu ke rongo kaꞌu! Ne kei haro dau rarahire hunie kire ke lae mai pouruuru i naꞌomiu. Nge kire ke si saie uri iꞌomu oto nou saetoꞌo aamiu liutaa.