Palonga 8:7 - Tataroha Diana

⁷ Na mo iini nge mo liꞌoa aaela e iiꞌo i lalo aada, mo liꞌoa ngeena kire ko soi peine na kire ko iisitaa oto mwaanire. Na mo iini aeꞌaeda e rarasi na mo iini e toꞌu, haꞌa-uurilada e lae noꞌone.

Palonga 8:7 Iomraidhean Croise

Matiu 10:1

Oto e haaraie mai aawalai pwaarongoisuli mwana rue ingeie i saana, na ko niie nanamanga e saka hunire hunie kire ke oohe aasie ahutana mo liꞌoa aaela na huni haꞌa-uurie mwala peꞌie taꞌena nga maelaa hai aaopaꞌi.

Matiu 11:5

Aana mo ulu ko lio-lio oto, mo rarasi ko lae-lae diana oto loꞌu, mo iini ko sapesalu aana maelaa ni osa kire mola oto, mo iini e pungu ko rorongo oto loꞌu, na mo iini e mae kire ko meuri eelihoꞌi oto loꞌu. Na laeliwalanga aana Tataroha Diana ko lae oto hunie mo meitale.

Matiu 4:24

Oto tataroha aana a Jisas e taro oto i sulie ahutana mo henue aana poꞌo ni henue i Siria. Oto mwala ko toolea oto mai mwala hunge peꞌie mo maelaa hai aaopaꞌi i saana a Jisas, mo iini sapesalunge e paine aana sapeda, na mo iini mo liꞌoa aaela nge aada, na mo iini kire ko kokokoꞌa, na ngaeta mo iini sapeda e mae mango oto. Taꞌe a Jisas e haꞌa-uurire mango.

Tataroha Diana I Sulie A Jisas Kraes Nge A Mak E Uusue 9:26

Oto liꞌoa aaela ngeena ko aawara oto paine, ko haꞌa-aririe, ko si iisitaa oto mwaanie a mwaꞌune. Na a mwaꞌune e lio mala e mae oto, na ahutana mwala ko meni teꞌuri, “E mae oto ni ngeena.”

Tataroha Diana I Sulie A Jisas Kraes Nge A Luk E Uusue 10:17

Oto e hiu aawalai mwane mwana rue ngeena kire aalihoꞌi mei peꞌie ilenimwaꞌenga, na kire ko teꞌuri hunie a Jisas, “Aalaha iꞌemi, maholo melu sasaie satamu, hule aana mo liꞌoa aaela na kire maꞌuteꞌiniꞌemeelu oto peꞌi tola i sulilameelu.”

Tataroha Diana I Sulie A Jisas Kraes Nge A Jon E Uusue 14:12

No ko unue oto toꞌohuu huniꞌomu uri iini ko hiiwalaimoli eeku, e sai esuie noꞌone mola taungei esunge no ko esuie ie. Na hule aana e sai esuie mo esunge paine loꞌu liutaa aana mo iinine, aena aana no ko lae oto i saana a Mamaꞌa.

Palonga 5:16

Na mwala hunge aana mo kele huilume kali-kelie i Jerusalem kire ko lae noꞌone mai, aana kire ko too-toolea mai mo iini ko mweri na mo iini mo liꞌoa aaela e iiꞌo aada. Oto ahutada mango haꞌa-uurilada e si meni lae.

Palonga 8:6

Na maholo kire rongoa walana a Pilip, na kire leesie mo huꞌi-huꞌite e dauꞌi, oto kire ko si tohungei sare pwaarongo hunie.

Hibru 2:4

A God na e haataꞌinie noꞌone uri mei wala ngeena e toꞌohuu, aani esuilana mo huꞌi-huꞌite na mo ola ni pangataꞌinge oto hunge mala mo tolimaa i sulie walaimolinge aana. Na e haꞌawalaimoliꞌaa noꞌone aani niilana mo niinge a Liꞌoa Maaꞌi hunie mwala i sulie loꞌongaꞌinge ingeie maraana.