Palonga 8:1 - Tataroha Diana

^1-2 Ngaeta mo iini nge kire ko aare-aarea God toꞌohuu, kire ko si lai heitolingeꞌinie a Stivin peꞌie saehuunge na ngaranga, taꞌe a Sol ko ilenimwaꞌe mola haahie horoꞌilana. Aehota oto aana hai dinge a Stivin e mae, ahutana mwala ko tohungei waelie na kire ko horoꞌie oto mo iini aana soihaadaꞌinge i Jerusalem. Na ahutana mo iini kire hiiwalaimoli aana Jisas, kire tahi oto takoie mo huilume mwai-mwei aana mo poꞌo ni henue i Jiudia na i Samaria, taꞌe mo hurulaꞌaa mola nge kire oore i Jerusalem.

Palonga 8:1 Iomraidhean Croise

Matiu 22:6

Oto ngaeta mo iini kire tapolie mola mo koni-konihe ngeena, kire ko repusire na kire ko horo maesire oto.

Matiu 23:34

Oto no ko unue huniꞌomu uri, ne kei uusungeꞌinie huniꞌomu nga mo propet, na mwala saenanau, na nga mo haꞌa-uusuli. Taꞌe omu kei horo maesie ngaeta mo iini aada, nga mo iini omu kei repu taalengasire i lengine mo poꞌu-poꞌu, na nga mo iini omu kei repu lae-laeꞌi aada i laona mo nume ni palo-palo iꞌomu, na omu kei teungeꞌinire hailiu i suli henue.

Matiu 5:13

Oto a Jisas ko heꞌi teꞌuri loꞌu hunie mo pwaarongoisuli ingeie, “Iꞌomu oto domana ahaa hunie mo iinoni aana walumalau ie. Taꞌe omu ke saie uri dianahaꞌana ahaa nge kei eiꞌaa mwaanie, o saꞌa roroꞌa ni esuie loꞌu hunie ke ahaala. Mala ko urine oto, na e kaꞌa diana ike loꞌu hunie nga mei ola eena. Na aasilana kei lae oto mola i sulie tala na mwala kei uuri puli-pulisie oto.”

Tataroha Diana I Sulie A Jisas Kraes Nge A Jon E Uusue 15:20

Omu ke aamasitoꞌo aana mei wala nou unue kaꞌu huniꞌomu uri nga koni-konihe e kaꞌa paine ike loꞌu liutaa aana aalaha ingeie. Oto mala uri mwala aana walumalau ngeena ko teungeꞌinieu, nge kire kei teungeꞌiniꞌomu noꞌone. Mala uri kire ke tola i sulie mo haꞌatolanga ineu, haꞌalaa kire kei tola i sulie noꞌone mo haꞌatolanga iꞌomu.

Tataroha Diana I Sulie A Jisas Kraes Nge A Jon E Uusue 16:2

Aana kire kei ooheꞌomu mwaanie mo nume ni palo-palo mo Jiu, na aana maholoi sato ko lae maine, kire kei waeliꞌomu hiitoꞌo hule aana iini ko horoꞌiꞌomu kei loꞌongaꞌinie uri ko deu i sulie saena God.

Palonga 1:8

Taꞌe maholo Liꞌoa Maaꞌi kei siho oto mai haahiꞌomu, omu ke si honu aana nanamanga huni unu tahangaꞌinieu taꞌau i Jerusalem, na ahutana mo leu i Jiudia, na oto aana poꞌo ni henue i Samaria, na ahusie oto ahutana walumalau.”

Palonga 13:1

Aana soihaadaꞌinge i Antiok ngaeta mo propet na mo haꞌa-uusuli kire iiꞌo wau i leune. Na mo mwaena nge a Banabas, na a Simion nge ngaeta sata aana a Pulu-puluꞌe, na a Manaen iini nge e paine tararuru peꞌie a Herod Antipas Inemauri, na a Lusias mwane ni Saerin, na a Sol.

Palonga 13:36

Na kolu meni saie oto uri mei wala ienini e kaꞌa ere ike i sulie a Deved Inemauri. Aana kolu saie maholo a Deved e mauri ue, e dau i sulie nga taa a God e unue hunie ke asuie. Taꞌe maholo e mae, kire haitolingeꞌinie i saana mo weuwana na sapena e kasu oto.

Palonga 2:47

Na kire ko lahea God mola tarau, oto mwala ko tohungei neꞌisae paine aada. Na i suli hei dinge a Aalaha ko haꞌa-uurie loꞌu mo iini hunge mwaanie mo oorahaꞌaa ikire, na ko sapeire loꞌu mei i laona pulitaa ikire ngeena.

Palonga 22:20

Na maholo kire horoꞌie a Stivin, iini nge e tarohaꞌinie noꞌone walamu, na nou uure noꞌone peꞌie mo iini nge kire horo maesie. Ineu oto nou kakalie mo sala ikire sulie nou neꞌisae noꞌone mala ikire huni horoꞌie.’

Palonga 26:10

Na nga taa nge nou esuie taꞌau i Jerusalem ni ngeena. Nou toolea nanamanga mwaanie mo naꞌohai pris huni neꞌie hungelana mo iini maaꞌi i laona nume ni hoꞌo. Na maholo leilada e lae hunie maenga, ineu noꞌone nou unue uri e malisine kire ke mae.

Palonga 5:18

Oto kire lai tapolire, na kire si lai neꞌire i laona nume ni hoꞌo.

Palonga 5:20

“Omu ke lae wau i Nume Maaꞌi Peine, oto omu ko haꞌarongoa mwala aana walu ola i sulie maurihe ienini.”

Palonga 5:33

Oto maholo mwala aana pulitaa ni lei-lei kire rongoa mo wala a Pita e unuꞌi ngeena, kire ko si tohungei saewasu hule aana kire ko sare horo maesie oto mo hurulaꞌaa.

Palonga 5:40

Oto pulitaa ni lei-lei kire rongo hunie uri kire saꞌa horo maesire ike aana maholona. Taꞌe aana kire ko sae-saewasulie ue mo hurulaꞌaa, kire si unue mo hurulaꞌaa ke aalihoꞌi loꞌu mei. Oto kire rapusire na kire ere hiitoꞌo loꞌu hunire uri kire ke suꞌuri unue loꞌu nga mei wala i sulie a Jisas. Oto purihaꞌana kire si toliꞌaasire.

Palonga 7:38

Ingeie oto e oꞌoꞌo peꞌie mwala a God i laona hanuesala. Na ingeie oto e haꞌa-haꞌarongoa mo weuwaka, aana walu ola nge ensel e unuꞌi hunie i lengine toloi henue i Saenae. Na e rongoa mei wala ni meurihe a God, oto e niie mai hunikie.

Palonga 7:54

Oto maholo mwala aana pulitaa ni lei-lei kire rongoa a Stivin ko ere urine, saeda ko si tohungei mela oto mala dunge aana kire ko saewasu.

Palonga 7:58

na kire ko weꞌi ookea oto mwaanie huilume, na kire ko aehota huni uuꞌi maesie oto aani heu. Oto mo iini nge kire ko heliwala peꞌie a Stivin kire si haꞌa-oorea mo toꞌoni tetewa ikire i saana mwane satana a Sol hunie ke lio i suliꞌi.

Palonga 8:14

Oto mo hurulaꞌaa taꞌau i Jerusalem kire rongoa uri mwala i Samaria kire hiiwalaimoli oto aana God, kire si uusungeꞌinie a Pita na a Jon hao i saada.

Palonga 8:4

Oto mwala nge kire tahi mwaanie i Jerusalem, kire si lae peꞌie houleꞌinilana walana God aana ahutana mo leu kire ko lae aani.

Palonga 8:5

Na a Pilip e lae noꞌone hao aana ngaeta huilume i Samaria huni tarohaꞌinie a Kraes hunie mwala.

Palonga 9:31

Oto aana kele maholona nga iini hunie ke saunie kira hiiwalaimoli aana poꞌo ni henue i Jiudia na i Kalili na i Samaria haꞌike loꞌu. A Liꞌoa Maaꞌi ko tohungei peꞌire na ko da soihaadaꞌinge ko aꞌailaꞌa na ko haꞌahungeꞌaa mwala i laona soihaadaꞌinge. Oto kire ko si tohungei lahea Aalaha mola taraureꞌi.

Uusu-uusu A Pol Hurula'aa Hunie Mo Rom 1:32

Kire saie taane uri Haꞌatolanga a God e unue uri mwala nge iiꞌolada e urine kire malisine oto maenga. Taꞌe kaꞌa ike mola aana uri kire ko lae peꞌie asuilana walu ola aaela urine tarau, taꞌe hule aana kire ko ilenimwaꞌe huni peꞌie mwala loꞌu huni esuie mo aaelanga urine noꞌone peꞌire.

Pilipae 1:12

Maeni eesiku, nou saetoꞌo aana omu ke sai diana aana uri sapesalunge ineu i nume ni hoꞌo ie e kohi taane mola, aena aana leune mone, mwala hunge kire ko si rongoa Tataroha Diana.

Hibru 11:27

Aani hiiwalaimolinge mone, a Mosis e lae mwaanie i Ijip, na e uure aꞌailaꞌa honosie saewasunge a inemauri, aena aana ko tola i sulie mola Inemauri nge nga iini e kaꞌa sai leesie ike.