Palonga 5:2 - Tataroha Diana

² Taꞌe kirerue mani neꞌisae tararuru huni hele oorea ngaeta aapa aana mei toꞌoha ngeena. Oto a Ananaeas maraana e lae mai saana mo hurulaꞌaa, na ko unue uri ko nii taꞌingelu oto aana mei toꞌoha hunire.

Palonga 5:2 Iomraidhean Croise

Matiu 23:5

“Ahutana nga moi taa kire ko euꞌesuiꞌi, mo ola mola uri hunie mwala ke lee-leesire. E toꞌohuu, a God e unue taane uri kie ke hoꞌo-hoꞌosie mo toꞌoni lauleuniꞌe na ngaeta mo ola loꞌu huni aama-aamasitoꞌo aana mo haꞌatolanga ingeie. !Taꞌe lio kaꞌu! Ikire, kire ko esu peine loꞌu aana mo olana, hunie uri mwala ko leesiꞌi na kire ke unue uuri, ‘Ikire ni oto mwala maaꞌi.’

Tataroha Diana I Sulie A Jisas Kraes Nge A Jon E Uusue 12:6

A Jiudas e talei ere kaꞌu urine, taꞌe hule aana ingeie e kaꞌa neꞌi-neꞌisae ike aana mo iinoni meitale. E ere urine mola i sulie ingeie iinoni peli-peli. Mwaꞌii toꞌoha mo pwaarongoisuli mone aana, oto ko talei deu mala saena mola aana.

Palonga 2:44

Ahutana mo iini nge kire hiiwalaimoli aana a Jisas, kire iiꞌo mola peꞌie lokonga tararuru, na kire ko peꞌire hailiu aana toꞌo-toꞌolada.

Palonga 4:37

Ingeie e haꞌaholingeꞌinie ngaeta mei aano ingeie, oto e toolea mei toꞌoha aana, e si lai mai niie hunie mo hurulaꞌaa.

Palonga 5:1

Oto lae-lae ngaeta mwane satana a Ananaeas na huꞌe ingeie satana a Sapaera, kirerue ko haꞌaholingeꞌinie noꞌone ngaeta mei aano ikirerue.

Palonga 5:3

Oto a Pita ko teꞌuri hunie a Ananaeas, “?Ananaeas, e ue ni o toliꞌaasie a Pwelu Eero-eero ke naꞌomu huni eeroa Liꞌoa Maaꞌi? Aana iꞌoe, o hele oorea ngaeta aapa aana mei toꞌoha nge o terie aana mei aano o haꞌaholingeꞌinie.

Palonga 5:8

Oto a Pita ko dolosi aana ko teꞌuri, “?O ke unue kaꞌu, uri ahutana mei toꞌoha more tarie aana mei mwakano more haꞌaholingeꞌinie ni oto ie?” A huꞌena e aalamie a Pita oto ko teꞌuri, “Iau, ahuteni oto ngeena.”

Pilipae 2:3

Na omu ke suꞌuri da nga mei ola huni haꞌapainaꞌaꞌomu na huni toohaꞌiniꞌomu haahie. Taꞌe omu ke haꞌamwai-mweiꞌaꞌomu, na omu ke loꞌongaꞌinie uri ngaeta mwala kire roroꞌa liutaa aamiu.

1 Timoti 6:10

Na saehanalilana toꞌoha oto aahuꞌine taꞌena nga aaelanga. Na ngaeta mo iinoni kire toliꞌaasie oto hiiwalaimolinge ikire aena aana kire ko saehanalie mola uri toꞌo-toꞌolada ke paine loꞌu liutaa. Taꞌe aana kire ko teꞌurine, nge kire ko si esuie mola mo saehuunge ikire ko peine loꞌu liutaa.