Palonga 26:4 - Tataroha Diana

⁴ “Ahutana mo Jiu kire mani saie tolahai ola nge nou oꞌoꞌo aana i naꞌo, aehota oto aana maholo nou neꞌi mwela ue peꞌie mwala ineu, lai hule aana maholo nou hoꞌalaꞌi hunie i Jerusalem.

Palonga 26:4 Iomraidhean Croise

Palonga 22:3

“Ineu mwane ni Jiu ni ie. Nou hute aana huilume i Tasas aana poꞌo ni henue i Silisia, taꞌe nou peine oto mola i leu i Jerusalem. Haꞌa-haꞌa-uusuli ineu kaꞌu a Kamaliel nge kie ko meni haꞌa-haꞌamaꞌu aana, na e haꞌa-uusulieu hunie ne ke dau i sulie mo haꞌatolanga mo weuwaka. Na nou aꞌailaꞌa ni esu nana God, mala oto omu ko esuie siꞌiri.

Palonga 24:14

Taꞌe no ko unu oodo-oodo oto aana huniꞌo, uri e toꞌohuu no ko palo-paloa a God mo weuwe iꞌemi, aana ineu no ko lulu i sulie Tala Ni Meurihe. Ikire, kire unue mei hiiwalaimolinge ngeena e kaꞌa diana ike, maꞌalana ineu noꞌone nou hiiwalaimoli aana ahutana walu ola i laona mo Haꞌatolanga a Mosis na mo ola i laona mo Uusu-uusu Maaꞌi mo Propet.

Kalesia 1:13

Omu rongoa kaꞌu oto tolahaku i naꞌo aana maholo nou lae-lae i sulie tolahana mo Jiu. Na aena aana nou tohungei saetoꞌo aana haꞌa-uusulinge mo Jiu, nge nou tohungei leledie ahutana mo haꞌa-uusulinge aaopa. Oto liutaa, nou tohungei sereꞌinie haꞌa-uusulinge a Jisas, na nou lae peꞌie taungeꞌinilana soihaadaꞌinge a God oto hiitoꞌo, na nou eriꞌapasie ohoilana.

Pilipae 3:5

Ineu tohungei mwane ni Israel oto toꞌohuu. Nou hute mola aana komu a Benjamin, na ineu oto tohungei mei epu ni Hibru toꞌohuu. Aapa aana mo Haꞌatolanga a Mosis nou lulu i suliꞌi uure oto aana maholo nou mwei-mwei. Torihesiꞌonga ngeena kire asuie noꞌone aaku oto aana tohungana maholo hunie. Na nou tohungei lulu i sulie mo haꞌatolanga ngeena oto, hule aana nou neꞌie oto ngaeta Parise.

2 Timoti 3:10

Taꞌe iꞌoe, kaleku, o saie oto mo haꞌa-uusulinge ineu na iiꞌolaku e uri taa, na nga moi taa no ko sare asuiꞌi. O lio saie kaꞌu oto hiiwalaimolinge ineu, na toli-rakonga ineu, na manata-diananga ineu hunie ahutana mwala, na toli-susuleꞌinge ineu aana maholo e aasa oto hiitoꞌo.