Palonga 26:11 - Tataroha Diana

¹¹ Na nou lae tarau noꞌone i laona ahutana mo nume ni palo-palo aana taꞌena nga leu huni haꞌaloire na huni da kire ke ere aaelasie loꞌu a Jisas. Saewasunge ineu e tohungei peine oto hule aana nou lae noꞌone aana ngaeta mo poꞌo ni henue aaopa huni haꞌaloire.”

Palonga 26:11 Iomraidhean Croise

Matiu 10:17

Na loꞌu, omu ke lio talamiu aana mo iinoni, aena aana kire kei tooleꞌomu i laona leinge, na kire kei repusiꞌomu i laona mo nume ni palo-palo.

Tataroha Diana I Sulie A Jisas Kraes Nge A Mak E Uusue 13:9

“Oto omu ke lio talamiu aena aana mwala kei tooleꞌomu i laona leinge, na kire kei repusiꞌomu noꞌone i laona mo nume ni palo-palo, aena aana omu ko lulu i sulieu. Na kire kei tooleꞌomu i naꞌona mwala paine na mo inemauri haahie asunge ineu, hunie kire kei leiꞌomu. Aana maholo walu olana kei reu uurini, maholo iꞌomu otona huni unu diana aana Tataroha Diana hunire.

Tataroha Diana I Sulie A Jisas Kraes Nge A Mak E Uusue 3:28

“Toꞌohuu no ko unue huniꞌomu, a God e sai saeꞌaasie taꞌena nga oorahaꞌaa mo iinoni ko esuiꞌi, hule aana e sai saeꞌaasie mo iini ko ere mwakataꞌinie.

Tataroha Diana I Sulie A Jisas Kraes Nge A Luk E Uusue 15:17

A mwaꞌune e talei teteꞌurine, lae-lae na ko lai loꞌongaꞌi saie uri ingeie ni mola ko deu aaela. Oto ko si loꞌongaꞌi uuri, ‘Ahutana mwala nge ko esu nana aamaku kire toꞌo ngaulaa tarau mola, na kire ko ngeu-ngeu ni pote. Taꞌe ineu no ko si karaꞌi maesie mola hiolo.

Tataroha Diana I Sulie A Jisas Kraes Nge A Luk E Uusue 21:12

“Taꞌe i naꞌona walu ola ienini ke si reu, mwala kei tapoliꞌomu na kire kei teungeꞌiniꞌomu. Kire kei tooleꞌomu i laona mo nume ni palo-palo hunie mo mwane paine kei leiꞌomu. Na kire kei tooleꞌomu loꞌu i naꞌona mo aalaha na mo inemauri hunie kire kei leiꞌomu noꞌone. Na kire kei meni aasiꞌomu i laona mo nume ni hoꞌo aena aana omu ko lulu i sulieu.

Tataroha Diana I Sulie A Jisas Kraes Nge A Luk E Uusue 6:11

Oto mo Parise na mo haꞌa-uusuli aana mo Haꞌatolanga a Mosis kire ko tohungei saewasu, na kire ko aehota ere oto i matolada maraada uuri, “?Ohe kolu kei uaa kaꞌu a mwane ngeena?”

Palonga 13:45

Taꞌe maholo mo rato ni mwane ni Jiu kire leesie uri mwala hunge kire loko, kire ko tohungei heotaꞌinirerue, na kire ko ere aaelasirerue na kire ko neꞌi-neꞌie mola walana Pol aaopa.

Palonga 18:6

Taꞌe maholo mwala ni Jiu kire ko leledie na kire ko ere aaelasie, a Pol e si tataaꞌinie mola mo wasa-wasa aana toꞌoni ingeie mala nga tolimaa uri tolahada e tohungei aaela liutaa. Oto ko haꞌapasulire ko teꞌuri, “Mala uri a God ko haꞌaloiꞌomu, na roroꞌanga iꞌomu oto maraamiu eena. Nga roroꞌanga ineu haꞌike aana leune. Uure siꞌiri pwau weu ne kei lai tarohaꞌinie Tataroha Diana oto hunie mo Aapoloa Aaopa.”

Palonga 22:19

“Oto nou aalamie mola uuri, ‘Iau, Aalaha ineu. Aana saꞌa mola kire saie oto uri nou lae hailiu keꞌu i laona mo nume ni palo-palo huni tapolie mwala nge kire hiiwalaimoli eemu na huni repusire.

Palonga 22:5

A Naꞌohana Mo Naꞌohai Pris na pulitaa ni lei-lei kire sai haꞌawalaimoliꞌaa mola walaku. Na ikire nge kire niie mo uusu-uusu nge kire uusuꞌi hunie mo mwane ikolu ni Damaskas. Na ineu nge nou lae wau i Damaskas huni tapolie mwala, na ni hoꞌosire aani iieli heu na huni toolera mai i Jerusalem huni haꞌaloire.

Palonga 9:1

A Sol ko haro ere-ere haꞌamauꞌo ue uri ko horoꞌie ahutana mo pwaarongoisuli a Aalaha. Oto e lae i saana a Naꞌohana Mo Naꞌohai Pris,

Jemes 2:7

?Na kira tei nge kire ko unue mo ola kaꞌa ado takoie a Jisas, iini nge e paine haahiꞌomu? !Kira toꞌo-toꞌo! ?Oto aana e ue nge omu ko loꞌongaꞌi haꞌamaꞌu keꞌu aana ngaeta mo iini liutaa aana ngaeta mo iini?

2 Pita 2:16

Taꞌe dongki ingeie e uure honosie mwaanie e lae loꞌu i sulie tolahai ola aaela ingeie ngeena. Dongki ngeena e ere mala mo iinoni, na e ere aana a Belam oto hiitoꞌo haahie hero-heronga e oalaꞌinie ngeena.