Palonga 2:4 - Tataroha Diana

⁴ Na ahutada kire ko meni honu oto aana Liꞌoa Maaꞌi, na kire ko aehota ere oto aana mo erenga hai aaopaꞌi i sulie mo erenga nge Liꞌoa Maaꞌi e niiꞌi mei hunire huni ere aani.

Palonga 2:4 Iomraidhean Croise

Matiu 10:19

Maholo kire ko tooleꞌomu i laona leinge, omu ke suꞌuri tolahiꞌe hiitoꞌo aana nga taa omu kei unue wa omu kei ere luhesie uri taa, aena aana a God kei niie taane huniꞌomu nga taa ni unue iꞌomu aana maholona.

Tataroha Diana I Sulie A Jisas Kraes Nge A Mak E Uusue 16:17

Na mo iini ko hiiwalaimoli eeku, nge a God kei niie nanamanga hunire, huni esuie mo huꞌi-huꞌite. Kire kei sikeraꞌinie mo liꞌoa aaela mwaanie mo iinoni aana sataku, na kire kei ere aana mo erenga hai aaopaꞌi.

Tataroha Diana I Sulie A Jisas Kraes Nge A Luk E Uusue 1:15

A Jon kei neꞌie tohungei iinoni peine a God. Niilana kei lae hunie a God, na huni haataꞌinie urine aana mwala, e saꞌa roroꞌa ni inu waen ike wa nga mei wei ni mehiri. Kei honu oto aana Liꞌoa Maaꞌi uure i iiana nikana.

Tataroha Diana I Sulie A Jisas Kraes Nge A Luk E Uusue 1:41

Maholo a Elisabet e rongoa mola mei wala ni saediananga a Meri, oto kele mwela i iiana ko esuleꞌi na ko lalaaꞌi sape oto. Na maholona Liꞌoa Maaꞌi ko siho oto i lengine a Elisabet,

Tataroha Diana I Sulie A Jisas Kraes Nge A Luk E Uusue 1:67

Oto a Sekaraea, aamana a Jon, e honu aana Liꞌoa Maaꞌi, e si ere rarangana walana God uuri,

Tataroha Diana I Sulie A Jisas Kraes Nge A Luk E Uusue 12:12

Aana Liꞌoa Maaꞌi kei haataꞌinie taane aamiu nga taa ni unue aana maholona.”

Tataroha Diana I Sulie A Jisas Kraes Nge A Luk E Uusue 21:15

Ineu, ne kei haataꞌinie taane aamiu nga taa ni unue aana tohungana saenanaunge hule aana nga iini aana mo maelonga iꞌomu, na e saꞌa oolisie ike loꞌu nga mei wala aana erenga iꞌomu.

Tataroha Diana I Sulie A Jisas Kraes Nge A Luk E Uusue 4:1

Oto a Jisas e aalihoꞌi mwaanie wai i Jodan, na Liꞌoa Maaꞌi e iiꞌo oto peꞌie, e si toolea taꞌau i henuesala.

Tataroha Diana I Sulie A Jisas Kraes Nge A Jon E Uusue 14:26

Na iꞌemereꞌi a Mamaꞌa mere kei uusungeꞌinie mai nga iini huni peꞌiꞌomu, nge a Liꞌoa Maaꞌi eena. Ingeie ke si haꞌa-aamasitoꞌoꞌomu aana walu ola nou unuꞌi oto huniꞌomu, na ke haꞌasaiꞌomu aana ahutana mo ola ngeena.

Tataroha Diana I Sulie A Jisas Kraes Nge A Jon E Uusue 20:22

Maholo e ere urine, e si mango haahire na ko unue uuri, “Omu ke helesie a Liꞌoa Maaꞌi namiu,

Palonga 1:5

A Jon e loto maaꞌi eemiu eeni wei, taꞌe i purine loꞌu nga mo hei dinge, a God kei loto maaꞌi eemiu oto aana Liꞌoa Maaꞌi.”

Palonga 1:8

Taꞌe maholo Liꞌoa Maaꞌi kei siho oto mai haahiꞌomu, omu ke si honu aana nanamanga huni unu tahangaꞌinieu taꞌau i Jerusalem, na ahutana mo leu i Jiudia, na oto aana poꞌo ni henue i Samaria, na ahusie oto ahutana walumalau.”

Palonga 10:46

Na kire saie uri e toꞌohuu oto, aana kire rongoa mwala ko tohungei lahea a God aana taꞌena nga erenga hai aaopaꞌi. Oto a Pita ko teꞌuri hunie mo iini peꞌie,

Palonga 10:47

“Liꞌoa Maaꞌi e siho i lengide mala e siho kaꞌu i lengikaelu. ?Oto uri nga iini e sai uure honosie mola mwala ngeena mwaanie loto-maaꞌinge noꞌone aani wei?”

Palonga 11:15

“Oto nou lae peꞌire, na maholo no ko si aehota ere-ere ngeena na Liꞌoa Maaꞌi ko siho oto i lengide mala e siho kaꞌu i lengikaelu holaꞌi naꞌo.

Palonga 11:24

A Banabas ingeie mwane diana na e honu aana Liꞌoa Maaꞌi na hiiwalaimolinge ingeie e susu. Na maholona mo iini hunge kire ko aehota hiiwalaimoli oto aana a Aalaha.

Palonga 13:52

Taꞌe mo iini haalu kire hiiwalaimoli i Antiok kire ko tohungei ilenimwaꞌe na kire ko aꞌailaꞌa loꞌu aana Liꞌoa Maaꞌi.

Palonga 13:9

Oto a Sol, nge ngaeta sata aana a Pol, e honu mone aana Liꞌoa Maaꞌi, oto e toꞌo maaie wau a Elimas,

Palonga 15:8

A God mone e saie mola loꞌongaꞌinge taꞌena nga iinoni, na e haataꞌinie oto uri e saetoꞌo aana mo Aapoloa Aaopa noꞌone aena aana e niie noꞌone Liꞌoa Maaꞌi hunire mala e niie hunikolu mo Jiu.

Palonga 19:6

Na maholo a Pol e neꞌie nimana i pweude, nge Liꞌoa Maaꞌi e si siho i lengide, na kire ko ere oto aana taꞌena nga erenga hai aaopaꞌi na kire ko laengaꞌinie oto walana God.

Palonga 2:3

Na aana maholona kire ko leesie mo ola mala mo mela-melahai dunge ko eeso, na kire oopa hailiu na kire ko meni oa aada oto.

Palonga 4:31

Maholo kire aarengaꞌi mango, nge nume kire loko i laona ko si eenu-eenuleꞌi heiliu, na kire si honu oto aana Liꞌoa Maaꞌi. Oto purihaꞌana kire ko si tohungei aꞌailaꞌa loꞌu liutaa ni houleꞌinie walana God.

Palonga 4:8

A Pita mone e honu oto aana Liꞌoa Maaꞌi, e aalamire ko teꞌuri, “Mo aalaha ineu, iꞌomu mo iini nge omu ko naꞌona mo Jiu na iꞌomu mo rato ni mwane.

Palonga 6:3

Oto mo mwane, kei lae oto i diana liutaa hunie omu ke lio hilisie nga hiu mwane aamiu nge omu saie uri kire saenanau liutaa na kire honu aana Liꞌoa Maaꞌi hunie melu ke niie mei esunge ngeena hunire.

Palonga 6:5

Oto ahutana mwala kire rongoa mei wala ngeena kire ko si ilenimwaꞌe haahie. Oto kire si lio hilisie a Stivin, na a Pilip, na a Prokoras, na a Nikeno, na a Timon, na a Pamenas, na a Nikolas. Hiiwalaimolinge a Stivin ngeena e tohungei susu, na e honu aana Liꞌoa Maaꞌi. Na a Nikolas ngeena e hute aana mo Aapoloa Aaopa aana huilume i Antiok, taꞌe e talamaꞌinie tolahana mo Jiu na e neꞌie oto ngaeta iini aada.

Palonga 6:8

A God mone ko haꞌadianaꞌaa a Stivin na ko nii-niie nanamanga hunie, oto ko esuie mo huꞌi-huꞌite na mo ola ni pangataꞌinge i matolana mwala.

Palonga 7:55

Taꞌe a Stivin mone e honu aana Liꞌoa Maaꞌi, e lio taꞌau i Lengi na ko leesie manikuluhaꞌana God na ko leesie a Jisas e uure aana leu ni nanamanga i pwalo-pwalona God.

Palonga 8:17

Oto a Pita na a Jon kirerue hele i pweude aana nimadarue, nge Liꞌoa Maaꞌi e si siho i lengide.

Palonga 9:17

Oto a Ananaeas e lae oto, e lai sili weu i nume ngeena e si hele i pweune a Sol aana nimana, na ko teꞌuri, “!Aasiku, Sol! A Jisas nge e haataꞌi eemu maholo o lae mai sulie tala, ingeie oto a Aalaha na e uusungeꞌinieu mei ie hunie o ke lio-lio loꞌu, na hunie o ke honu aana Liꞌoa Maaꞌi.”

Uusu-uusu A Pol Hurula'aa Hunie Mo Rom 15:13

A God oto iini nge kie ko maaꞌoohi susutoꞌo hunie, na no ko eiꞌeitanaie hunie ke haꞌahonuꞌomu aana ilenimwaꞌenga na hanuelamanga paine aena aana omu hiiwalaimoli aana. Na no ko eiꞌeitanaie noꞌone hunie nanamanga aana Liꞌoa Maaꞌi ke tohungei haꞌa-aꞌailaꞌaa hiiwalaimolinge iꞌomu maholo omu ko maaꞌoohi susutoꞌo hunie nga taa e haiholotaꞌinie hunikie.

1 Korinit 12:10

Na Liꞌoa Maaꞌi ko niie nanamanga huni esuie mo huꞌi-huꞌite hunie ngaeta mwala, na hunie ngaeta mo iini ko niie hunire nanamanga huni unu tahangaꞌinie walana God. Na hule aana ngaeta mo iini Liꞌoa ko niie nanamanga hunire huni lio saie mo taungei nanamanga hai aaopaꞌi, na huni saie uri kire uure taane mwaanie a God wa haꞌike. Na hunie ngaeta mwala, Liꞌoa Maaꞌi ko niie nanamanga hunire huni ere aana mo taungei erenga hai aaopaꞌi. Na loꞌu hunie ngaeta mwala ko niie nanamanga hunire huni ere luhesie mo taungei erenga urine.

1 Korinit 13:1

Maꞌalana uri ne ke talei ere-ere loꞌu aani erenga hai aaopaꞌi mo iinoni na aana erenga mo ensel, taꞌe manata-diananga e kaꞌa iiꞌo aaku, erenga ineu e urihana mola aahuri ko eꞌengo wa pelo ko ngara-ngara.

1 Korinit 13:8

Manata-diananga e saꞌa suu ike oto ooꞌoo. Taꞌe mala mo niinge aani unu tahangaꞌinilana walana a God, mo ola kei haro eiꞌaa mola. Maꞌalana mo niinge ni erenga aani wala hai aaopaꞌi, mo ola kei haro mango mola. Maꞌalana mo niinge ni saenanaunge i sulie nga mei taa, taꞌe kire kei haro mango noꞌone mola.

1 Korinit 14:18

No ko paalahea God aana nou sai ere aana mo erenga hai aaopaꞌi liutaa aana taꞌena nga iini eemiu.

1 Korinit 14:5

Saeku uri ahutemiu omu ke mani ere-ere aani erenga hai aaopaꞌi, taꞌe oto liutaa nou saetoꞌo aana uri omu ke toꞌo aana niinge huni unu tahangaꞌinie walana God. Aana iini ko unu tahangaꞌinie walana God ko esuie mei ola e hiꞌe liutaa aana loꞌu iini ko ere mola aani erenga hai aaopaꞌi. Aana iini ko ere aana mo erenga hai aaopaꞌi e sai peꞌie taane ahutana soihaadaꞌinge mala uri nga iini e iiꞌo huni ere luhesie walana, taꞌe mala haꞌike, nge nga kele peꞌinge hunie soihaadaꞌinge na haꞌike loꞌu.

Epesas 3:19

Nga iini e saꞌa sai diana aana ike ahutana walu ola i sulie manata-diananga a Kraes hunie, taꞌe no ko eitanai talamiu uri omu ke sai diana aana manata-diananga a Kraes huniꞌomu. Urine nge omu kei honu aana nanamanga na tolahana a God.

Epesas 5:18

Mwaanie omu haꞌapweuꞌomu aana wai ni pweunge, ola e sai waeliꞌomu, taꞌe omu ke honu mola aana Liꞌoa Maaꞌi.

Epesas 6:18

Na omu ke aarengaꞌi tarau na omu ke suke aana a God hunie ke peꞌiꞌomu i suli maholo. Na omu ke iiꞌo aani aarengaꞌinge aana nanamanga a Liꞌoa Maaꞌi. Oto omu ke lio-lio diana, na mwaanie omu toitoliꞌaasie aarengaꞌinge tarau talana ahutana mo iinoni a God.

1 Pita 1:12

Oto a God e haataꞌinie hunie mo propet uri mei wala toꞌohuu nge kire ko lae peꞌi tarohaꞌinie ngeena, e kaꞌa mei ola ike mola huni peꞌire maraada, taꞌe mei ola oto huni peꞌilemiu aana ni ngeena. Na Liꞌoa Maaꞌi nge a God e uusungeꞌinie mai, e niie oto nanamanga hunie ngaeta mwala siꞌiri, uri hunie kire ke tarohaꞌinie Tataroha Diana ngeena huniꞌomu. Na aana walu ola ngeena e tohungei diana na e manikuluꞌe oto liutaa, nge hule aana mo ensel taꞌau i Lengi na ikire noꞌone kire ko sare sai diana aana Tataroha Diana ngeena.

2 Pita 1:21

Aana mo propet ngeena, kire kaꞌa unue ike nga taꞌa-taꞌa mei wala tohude, taꞌe a Liꞌoa Maaꞌi nge ko da kire ko unu tahangaꞌinie neꞌisaenga a God.