Palonga 19:1 - Tataroha Diana

¹ Maholo a Apolos e iiꞌo ue aana huilume i Korinit i laona poꞌo ni henue i Akaea, a Pol e hane holo i henue e si lai hule aana huilume paine i Epesas, na ko oodoie ngaeta mo pwaarongoisuli.

Palonga 19:1 Iomraidhean Croise

Palonga 18:1

Oto purihaꞌana a Pol e uure mwaanie i Atens, e si lae loꞌu hunie huilume i Korinit.

Palonga 18:8

Ahutana asunge ingeie peꞌie mo Jiu e kaꞌa waetaꞌi ike, aana naꞌohai mwane haahie nume ni palo-palo ngeena satana a Krispas na uluhe ni iinoni ingeie kire ko meni hiiwalaimoli oto aana a Aalaha. Na mo iini hunge loꞌu i Korinit kire ko loto maaꞌi oto, aana kire rongoa Tataroha Diana, na kire hiiwalaimoli oto aana.

Palonga 19:17

Maholo tataroha i sulie mei ola ienini e lai hule aana mwala ni Epesas, oto mo Jiu na mo Aapoloa Aaopa, kire ko meni meꞌu oto, na kire ko si haꞌamaꞌu aana satana Jisas Aalaha ikie.

Palonga 19:26

Oto mala omu leesie na omu rongoa oto maraamiu, a Pol ko laengaꞌinie uuri, ‘Mo god nge asuileni e lae aani nimana iinoni, nga mo god toꞌohuu haꞌike.’ Na a Pol e huꞌisie oto manatana ahutana mwala aana huilume ikolu i Epesas, na karaꞌinie oto noꞌone ahutana mwala aana mo henue i laona poꞌo ni henue ikolu i Esia ienini.

Palonga 20:16

A Pol e liue mola huilume i Epesas sulie e kaꞌa sare iiꞌo tewa ike aana poꞌo ni henue i Esia. Ko lae lau-leu hunie i Jerusalem sulie ko sare iiꞌo taꞌau i leune aana Houlaa Ni Pentekos.

Palonga 20:18

Maholo kire hule mai saana, oto ko teꞌuri hunire, “Omu saie oto tolahaku aana ahutana mo maholo nge no ko oꞌoꞌo peꞌiꞌomu, uure oto aana eetana nga hai dinge nge nou aehota hule aana poꞌo ni henue i Esia.

Palonga 21:29

Kire ko ere urine aena aana kire leesie kaꞌu a Tropimas, mwane aana mo Aapoloa Aaopa mwaanie huilume i Epesas, e lae-lae noꞌone peꞌie a Pol i laona huilume paine i Jerusalem. Oto kire ko loꞌongaꞌi takalo uri a Pol e toolea oto noꞌone mai a Tropimas i laona Nume Maaꞌi Peine.

1 Korinit 1:12

Ngaeta mo iini eemiu ko unu-unue uuri, “Ineu aana aapa a Pol.” Na ngaeta mo iini loꞌu uuri, “Ineu aana aapa a Apolos.” Na ngaeta mo iini loꞌu uuri, “Ineu aana aapa a Pita.” Na ngaeta mo iini loꞌu uuri, “Ineu aana aapa a Kraes.”

1 Korinit 15:32

Iau, ineu nou ooho kaꞌu oto peꞌie mo iinoni aaela mai Epesas, nge kire aaela liutaa urihana mo ola loo-looꞌa ni meꞌesu. ?Taꞌe mala uri ne ke ooho peꞌire urine i sulie loꞌongaꞌinge ni iinoni mola, haꞌalaa nga taa ni ne kei terie aana? !Nga taꞌa-taꞌa mei ola diana na haꞌike loꞌu! Mala uri mo iini e mae oto kire saꞌa heꞌi meuri loꞌu, nge ne ke neꞌisae mola i sulieu maraaku mala mei neꞌisaenga nge nga mo iini ko unu-unue uuri, Kolu ke ngau-ngeu mola na kolu ke inu-inu, aana kolu kei mae oto i hoꞌowa. Aesaea 22:13

1 Korinit 16:12

Aasikaelu maaꞌi, a Apolos, no ko unu-unue taane hunie uri ke lae kaꞌu peꞌie ngaeta mo iini hiiwalaimoli huni keliꞌomu, taꞌe e kaꞌa neꞌisae ike ue ni lae wau aana kele maholo ienini. Mala ko toto diana hunie aana nga maholo, nge ke si lae taane wau.

1 Korinit 16:8

Taꞌe ne kei iiꞌo kaꞌu i leu i Epesas hule aana dinge Pentekos.

1 Korinit 4:6

Maeni eesiku maaꞌi, walu ola ienini no ko unuꞌi i suliꞌemereꞌi a Apolos hunie omu ke saenanau aana tolahamereꞌi. Ngaeta mei wala e teꞌuri, “Mwaanie omu liue nga taa uusulana e lae i laona Uusu-uusu Maaꞌi.” Mala uri omu kei teꞌurine, nge omu saꞌa unu-unue ike uri nga iini e paine liutaa aana nga iini, na omu saꞌa toohaꞌiniꞌomu ike maraamiu aana omu ko lae i sulie iini nge omu unue e paine, na omu saꞌa ere aaelasie loꞌu nga iini.

Epesas 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. No ko uusu-uusu weu huniꞌomu mo iinoni a God wau aana huilume i Epesas, nge omu ko lulu i sulie a Jisas Kraes toꞌohuu na omu lado oto peꞌie.