Palonga 17:3 - Tataroha Diana

³ na ko lado luhesie mo neꞌisaenga hunire aana mo wala i laona mo Uusu-uusu Maaꞌi. Na e tohungei haataꞌi diana aana hunire uri a God e oalaꞌinie oto uri a Kraes kei sapesalu, na purihaꞌana kei heꞌi meuri eelihoꞌi loꞌu mwaanie maenga. Na e teꞌuri, “A Jisas nge no ko houleꞌinie huniꞌomu ienini, ingeie oto a Kraes nge omu ko maa-maaꞌoohie.”

Palonga 17:3 Iomraidhean Croise

Tataroha Diana I Sulie A Jisas Kraes Nge A Luk E Uusue 24:32

Oto kirerue ko si ere hailiu hunirerue uuri, “!Mwae! Maholo nge e ere-ere hunikure i sulie tala na e luhesie loꞌongaꞌinge i laona mo Uusu-uusu Maaꞌi, e tohungei rongo hai saiꞌi oto.”

Tataroha Diana I Sulie A Jisas Kraes Nge A Luk E Uusue 24:44

Oto ko teꞌuri hunire, “Mei ola nge e rau eeku ngeena, nou unu mangoa oto oodoiꞌomu maholo nge nou oꞌoꞌo ue peꞌiꞌomu. Aana nou unue uri ahutana walu ola uusuleni e lae i sulieu i laona Haꞌatolanga a Mosis na aana mo Uusu-uusu Maaꞌi mo propet na aana Puke ni Kana, kire kei saronai oa mango.”

Tataroha Diana I Sulie A Jisas Kraes Nge A Luk E Uusue 24:46

Na ko teꞌuri hunire, “Uusulana e lae oto uurini. A Kraes kei saronai sapesalu na kei saronai taꞌelaꞌi loꞌu mwaanie maenga aana oolune nga hai dinge.

Tataroha Diana I Sulie A Jisas Kraes Nge A Jon E Uusue 20:9

Uure oto wau i naꞌo kire kaꞌa hiiwalaimoli ike aana mo Uusu-uusu Maaꞌi nge e unue uri a Kraes kei saronai taꞌelaꞌi mwaanie maenga, taꞌe aana maholona nge kire si aehota hiiwalaimoli.

Palonga 1:4

Na ngaeta maholo a Jisas e ngau-ngeu peꞌie mo hurulaꞌaa oto ko teꞌuri hunire, “Omu ke suꞌuri lae-lae mwaanie i Jerusalem, taꞌe omu ke maaꞌoohie kaꞌu mei niinge nge a Mamaꞌa e haiholotaꞌinie huniꞌomu, oto mala nou unue kaꞌu noꞌone huniꞌomu.

Palonga 18:28

E tohungei peꞌire hiitoꞌo sulie e ere raramaa hunie mo Jiu i maana mwala, na ko haataꞌi diana aana mo leu nge loꞌongaꞌinge ikire e lae takalo. Na ko lado luhesie loꞌu mo wala i laona Uusu-uusu Maaꞌi huni haataꞌinie uri a Jisas oto a Kraes, a Haꞌa-uuri nge a God e haiholotaꞌi huni uusungeꞌinie mai.

Palonga 18:5

Oto maholo a Saelas na a Timoti kirerue hule mai saana a Pol aana kirerue uure i Masedonia, a Pol ko si aehota tarohaꞌinie Tataroha Diana mola i suli dinge. Na ko tarohaꞌinie hunie mo Jiu uri a Jisas oto a Kraes, a Haꞌa-uuri nge a God e haiholotaꞌinie kei lae mai.

Palonga 3:18

Taꞌe a God e unue oto wau i naꞌo aana mo propet uri Kraes, Haꞌa-uuri nge e haiholotaꞌinie kei lae mai, kei sapesalu oto urine. Na a God e haꞌa-oaie leune oto urine.

Palonga 9:22

Taꞌe walana Sol mone ko nanama loꞌu liutaa suli dinge, na e tohungei ere luhesie hunie mwala ni Jiu i Damaskas uri a Jisas oto a Kraes, hule aana e aasa hunie nga iini kei aalamie loꞌu.

Kalesia 3:1

!Iꞌomu mo mweꞌu-mweꞌule ni Kalesia! Haꞌarongolamiu e lae haadaꞌi kaꞌu taane oto i sulie maelana a Jisas i lengine poꞌu-poꞌu. ?Oto e ue omu ko si aatopuri aana? ?Ohe nga iini e siꞌohiꞌomu hunie pwaumiu ke aaela urine?