Palonga 12:1 - Tataroha Diana

¹ Aana maholona noꞌone nge a Herod Akripa Inemauri e aehota huni haꞌaloie ngaeta mo iini aana soihaadaꞌinge.

Palonga 12:1 Iomraidhean Croise

Matiu 14:1

Maholo a Herod Antipas, aalaha aana poꞌo ni henue i Kalili, e rongo tarohana a Jisas aana mo huꞌi-huꞌite ko esuiꞌi,

Matiu 14:3

A Herod e ere urine aena aana a Jon Loto Maaꞌi e mae oto. Na laladonga i sulie maelana a Jon e lae uuri. Holaꞌinaꞌo, keni satana a Herodias ingeie huꞌe a Pilip mwane aasine a Herod. Taꞌe lae-lae a Herod ko heꞌi toolea loꞌu a huꞌena mwaanie a Pilip aasine. Oto a Jon Loto Maaꞌi e unu-unue hunie a Herod uuri, “Aana Haꞌatolanga a Mosis, e kaꞌa adona ike uri hunie o ke toꞌo aana loꞌu a Herodias aena aana ingeie huꞌe a Pilip aasimu.” Oto a Herod e si unue kire ke tapolie a Jon Loto Maaꞌi na kire ke pwasue aani iieli heu na kire ke neꞌie i nume ni hoꞌo.

Matiu 14:6

Oto loꞌu mola i puri, a Herod Antipas e asuie ngauhe paine huni aamasitoꞌo aana hai dinge e hute. Na keni haalu kalena a Herodias ko mao i naꞌona ruruhaa. A Herod e tohungei ilenimwaꞌe oto liutaa haahie,

Matiu 24:9

“Aana maholona mo maelonga iꞌomu kire kei tapoliꞌomu, na kire kei haꞌaloiꞌomu, na kire kei horo maesiꞌomu. Ahutana mo iinoni kei maalelediꞌomu aena aana omu ko lulu i sulieu.

Tataroha Diana I Sulie A Jisas Kraes Nge A Luk E Uusue 22:53

Ahutana dinge kaꞌu no ko talei oꞌoꞌo mola peꞌi haꞌa-uusulinge taꞌau i laona Nume Maaꞌi Peine. ?Aana e ue kaꞌu omu kaꞌa tapolieu oto aana maholona? !Taꞌe neꞌewau! Maholoi sato iꞌomu hunie aalahanga ni rodohono ke paine oto ienini.”

Tataroha Diana I Sulie A Jisas Kraes Nge A Jon E Uusue 15:20

Omu ke aamasitoꞌo aana mei wala nou unue kaꞌu huniꞌomu uri nga koni-konihe e kaꞌa paine ike loꞌu liutaa aana aalaha ingeie. Oto mala uri mwala aana walumalau ngeena ko teungeꞌinieu, nge kire kei teungeꞌiniꞌomu noꞌone. Mala uri kire ke tola i sulie mo haꞌatolanga ineu, haꞌalaa kire kei tola i sulie noꞌone mo haꞌatolanga iꞌomu.

Tataroha Diana I Sulie A Jisas Kraes Nge A Jon E Uusue 16:2

Aana kire kei ooheꞌomu mwaanie mo nume ni palo-palo mo Jiu, na aana maholoi sato ko lae maine, kire kei waeliꞌomu hiitoꞌo hule aana iini ko horoꞌiꞌomu kei loꞌongaꞌinie uri ko deu i sulie saena God.

Palonga 11:30

Kire teꞌurine, nge kire si uusungeꞌinie a Banabas na a Sol hunie kirerue ke toolea mo niinge na kire ke niiꞌi hunie mo naꞌohai iinoni aana soihaadaꞌinge.

Palonga 12:2

E unue kire ke horo maesie a Jemes Hurulaꞌaa (aasine a Jon) aana naihi.

Palonga 4:30

Na o ke haataꞌinie nanamanga iꞌoe huni haꞌa-uurie mo iini ko mweri, na huni esuie mo huꞌi-huꞌite, na mo tolimaa aana satana Jisas koni-konihe maaꞌi iꞌoe.”

Palonga 9:31

Oto aana kele maholona nga iini hunie ke saunie kira hiiwalaimoli aana poꞌo ni henue i Jiudia na i Kalili na i Samaria haꞌike loꞌu. A Liꞌoa Maaꞌi ko tohungei peꞌire na ko da soihaadaꞌinge ko aꞌailaꞌa na ko haꞌahungeꞌaa mwala i laona soihaadaꞌinge. Oto kire ko si tohungei lahea Aalaha mola taraureꞌi.