Palonga 10:2 - Tataroha Diana

² Maꞌalana ingeie ngaeta mwane aana mo Aapoloa Aaopa, taꞌe e neꞌisae paine aana God na ahutana mwala aana uluhe ni iinoni ingeie kire ko lulu i sulie a God noꞌone. A mwaena ko nii-nii tarau hunie kira maitale, na ko aare-aarea God suli maholo.

Palonga 10:2 Iomraidhean Croise

Matiu 25:17

Iini e hele aana e ro mwaꞌii toꞌoha, na e urine loꞌu. E lai deu esunge noꞌone, oto ko terie loꞌu ngaeta ro mwaꞌi loꞌu haahie e ro iini e hele aani.

Tataroha Diana I Sulie A Jisas Kraes Nge A Luk E Uusue 18:1

Oto a Jisas e ere ni aalahuunge huni haataꞌinie aana mo pwaarongoisuli ingeie uri kire ke aarengaꞌi tarau mwaanie kire aakohe na mwaanie kire mou-mou mwaanie.

Tataroha Diana I Sulie A Jisas Kraes Nge A Luk E Uusue 2:25

Aana maholona, ngaeta mwane satana a Simeon e oꞌoꞌo noꞌone i Jerusalem. A mwane ngeena ingeie nga mwane oodotaꞌi, na e iiꞌo mola peꞌi palolana a God, na Liꞌoa Maaꞌi noꞌone peꞌie. A Simeon e maa-maaꞌoohie a Kraes nge a God e haiholotaꞌi huni uusungeꞌinie mai huni haꞌa-uurie mwala ni Israel.

Palonga 10:22

Oto ngaeta iini aadaelu ko teꞌuri hunie, “A Konilias nge e uusungeꞌiniꞌemeelu mei ie, ingeie poro paine haahie mae. Na ingeie mwane e oodotaꞌi, na ko palo-paloa noꞌone a God, na ahutana mwala ni Jiu kire tohungei haꞌamaꞌu aana. Na ngaeta ensel a God e unue hunie ke unue huniꞌo uri o ke lae kaꞌu weu i nume ingeie hunie ke rongoa nga taa o kei unue hunie.”

Palonga 10:31

Oto ko teꞌuri, ‘Konilias, a God e pwani rongoa oto aarengaꞌinge iꞌoe, na e lio saie oto nga taa o ko euꞌesuie huni peꞌie kira maitale.

Palonga 10:35

Mala uri nga iini ko haꞌamaꞌu aana a God na ko esuie mo ola oodotaꞌi, nge a God kei ilenimwaꞌe haahie, maꞌalana e uure aana taꞌena nga poꞌo ni iinoni uri taa loꞌu i laona walumalau.

Palonga 10:4

Oto a Konilias ko tohungei meꞌu, na ko lio hahuroto oto aana ensel ngeena, na ko teꞌuri, “?Nga taa eena, poro paine?” Oto ensel ko teꞌuri hunie, “A God e rongoa oto mo aarengaꞌinge iꞌoe, na ko leesie o ko peꞌie kira maitale, oto ko tohungei saemango haahiꞌo. Oto maholo ienini a God ko sare peꞌiꞌo noꞌone.

Palonga 10:7

Maholo ensel ngeena e lae, a Konilias e si soie mai ngaeta ro mwane auꞌesu ingeie na ngaeta ramo. Na ramo ngeena a Konilias e tohungei norutoꞌo aana, aana ingeie noꞌone e tohungei neꞌisae paine aana God.

Palonga 11:14

Na a Pita kei lae mai huni haataꞌinie tala ni meurihe huniꞌo na hunie mwala aana uluhe iꞌoe.’

Palonga 13:16

A Pol e uure i lengi, e salo haahire aana nimana hunie kire ke pwaarongo, oto ko si aehota ere uurini, “Iꞌomu mo Israel na iꞌomu mo Aapoloa Aaopa nge omu lae mai huni aarea God, omu ke pwaarongo diana kaꞌu hunieu.

Palonga 13:26

“Rongo kaꞌu, iꞌomu mo weuwana a Ebraham na mo Aapoloa Aaopa nge omu lae mai huni aarea God. Ikie oto, a God e lio hilisikie huni haataꞌi diana aana tala ni haꞌa-uuringe hunikie.

Palonga 13:50

Taꞌe mo rato ni Jiu kire ko haꞌa-olaa mo naꞌohai mwane aana huilume ngeena na mo naꞌohai keni nge kire ko hele maꞌutaꞌa aana palonga uri kire ke leledie noꞌone a Pol na Banabas. Oto aena mei olana nge mwala ko teungeꞌinirerue, na kire oohe aasirerue oto mwaanie poꞌo ni henue ngeena.

Palonga 18:8

Ahutana asunge ingeie peꞌie mo Jiu e kaꞌa waetaꞌi ike, aana naꞌohai mwane haahie nume ni palo-palo ngeena satana a Krispas na uluhe ni iinoni ingeie kire ko meni hiiwalaimoli oto aana a Aalaha. Na mo iini hunge loꞌu i Korinit kire ko loto maaꞌi oto, aana kire rongoa Tataroha Diana, na kire hiiwalaimoli oto aana.

Palonga 2:5

Na mo iini hunge aana mo Jiu kire mani loko poi Jerusalem aana dinge maaꞌi peine ikire ngeena uure mwaanie mo poꞌo ni henue hai aaopaꞌi i laona walumalau aena aana kire ko tohungei sare paloa God.

Palonga 22:12

Oto nga mwane satana a Ananaeas e lae mai seeku. Ingeie ko tohungei lulu i sulie mo Haꞌatolanga a Moses, na ahutana mo Jiu nge kire iiꞌo wau i Damaskas kire tohungei haꞌamaꞌu aana.

Palonga 9:11

Oto a Aalaha ko teꞌuri, “O ke lae wau i nume a Jiudas nge e iiꞌo aana tala kire haaraꞌinie Tala Oodo, na o ke dolosi ohie mwane ni Tasas, satana a Sol. Kele maholoi sato ienini ko aarengaꞌi oto.

Palonga 9:31

Oto aana kele maholona nga iini hunie ke saunie kira hiiwalaimoli aana poꞌo ni henue i Jiudia na i Kalili na i Samaria haꞌike loꞌu. A Liꞌoa Maaꞌi ko tohungei peꞌire na ko da soihaadaꞌinge ko aꞌailaꞌa na ko haꞌahungeꞌaa mwala i laona soihaadaꞌinge. Oto kire ko si tohungei lahea Aalaha mola taraureꞌi.

Palonga 9:36

Na ngaeta pwaarongoisuli e iiꞌo aana huilume i Jopa satana a Tabita na aana erenga ni Krik satana a Dokas. Helelana a huꞌe ngeena e tohungei diana suli maholo, na e iiꞌo mola huni peꞌie mo iini ko siꞌohaꞌa.

Kolosi 4:2

Mwaanie omu mou-mou mwaanie aarengaꞌinge taraureꞌi, na mwaanie omu poo-poosuaꞌa loꞌu aana, taꞌe omu ke aarengaꞌi peꞌi paalahenga hunie a God.

1 Tesalonaeka 5:17

na omu ke aarea God mola tarau.

Jemes 1:5

Taꞌe mala nga iini hikemiu ko saetoꞌo aana saenanaunge, nge ke suke aana a God. Sulie a God e mwaꞌe-mwaꞌe huni nii, na e sai niie saenanaunge huniꞌomu, na e saꞌa asuie ike omu ke hii aaela aani sukanga.

Haataꞌinge 15:4

?A tei e kaꞌa sai meꞌuteꞌiniꞌo, Aalaha? ?Na a tei e saꞌa haꞌamanikuluꞌaa satamu? Sulie taꞌe iꞌoe oto o maaꞌi, ahutana mwala kei meni paalaheꞌo aana o haataꞌinie oto oodotaꞌinge iꞌoe.”