Tataroha Diana I Sulie A Jisas Kraes Nge A Mak E Uusue 2:2 - Tataroha Diana

² Na mwala hunge kire loko mai saana, oto hule aana nga leu ni uure aana haꞌike loꞌu, maꞌalana poꞌoi sinaha. Oto a Jisas ko si lalado nada aana mei wala diana.

Tataroha Diana I Sulie A Jisas Kraes Nge A Mak E Uusue 2:2 Iomraidhean Croise

Matiu 5:2

Oto a Jisas ko aehota haꞌa-uusulire oto uuri:

Tataroha Diana I Sulie A Jisas Kraes Nge A Mak E Uusue 1:14

Oto i purine kire neꞌie a Jon i nume ni hoꞌo, a Jisas e lae hunie poꞌo ni henue i Kalili na ko tarohaꞌinie Tataroha Diana a God.

Tataroha Diana I Sulie A Jisas Kraes Nge A Mak E Uusue 1:33

Ahutana mwala ni Kapaneam kire loko tarakoni i maana nume.

Tataroha Diana I Sulie A Jisas Kraes Nge A Mak E Uusue 1:37

Oto maholo kire lio oodoie, kire ko teꞌuri hunie, “Ahutana mwala ko loꞌohiꞌo.”

Tataroha Diana I Sulie A Jisas Kraes Nge A Mak E Uusue 1:45

Taꞌe a mwaena e lae taꞌau ngeena na ko aehota tarohaꞌinie oto hailiu. Na aena ko tohungei ere hiitoꞌo i sulie leune, oto hule aana a Jisas e kaꞌa sai lae haadaꞌi ike loꞌu takoie nga huilume. A Jisas e lae mola aana mo henuesala nge nga mwala haꞌike aani, na mwala kire ko si lae mola mai saana uure mwaanie taꞌena nga leu.

Tataroha Diana I Sulie A Jisas Kraes Nge A Mak E Uusue 2:1

Oto ngaeta mo hei dinge loꞌu i puri, a Jisas e aalihoꞌi loꞌu hunie huilume i Kapaneam. Aana maholo e hule wau, oto tataroha aana e taro hailiu uri e hule loꞌu weu i nume.

Tataroha Diana I Sulie A Jisas Kraes Nge A Mak E Uusue 2:13

Oto a Jisas e heꞌi eelihoꞌi loꞌu weu i reune Aasi I Kalili, na mwala hunge kire hule loꞌu i saana, na ko aehota ere ni haꞌananaunge loꞌu hunire.

Tataroha Diana I Sulie A Jisas Kraes Nge A Mak E Uusue 6:34

Oto maholo a Jisas e siho mai oone mwaanie iiola, na ko leesie mwala hunge e loko, ko si aamasire aana kire lio siꞌohaꞌa mala amaa ni sipu nge nga iini huni lio i suliꞌi haꞌike. Oto e aehota huni haꞌa-uusulire aana mo neꞌisaenga hunge.

Tataroha Diana I Sulie A Jisas Kraes Nge A Luk E Uusue 12:1

Ngaeta maholo, mo sinolai iinoni oto hunge kire ruru mei saana a Jisas, na leune e lae wai honu aani iinoni hule aana nga leu ni uure haꞌike loꞌu. Oto a Jisas ko si holaꞌi teꞌuri hunie mo pwaarongoisuli ingeie, “Omu ke lio talamiu mwaanie tolahana mo Parise, aana ikire mwala eero-eero. Mala nga kele mei iis ko esuie nga nime pulaoa paine ke hane, nge tolahana eeronga ikire ko toꞌohie walu ola kire ko esuiꞌi.

Tataroha Diana I Sulie A Jisas Kraes Nge A Luk E Uusue 5:17

Aana ngaeta hai dinge a Jisas e haꞌa-uusulie mwala, na ngaeta mo Parise na mo haꞌa-uusuli aana mo Haꞌatolanga a Mosis, ikire noꞌone i leune. Kire uure noꞌone mai mwaanie i Jerusalem na ahutana mo huilume aana mo poꞌo ni henue i Kalili na i Jiudia. Na a Jisas e toꞌo aana nanamanga a God e waꞌu huni haꞌa-uurie mo iini ko mweri.

Tataroha Diana I Sulie A Jisas Kraes Nge A Luk E Uusue 8:1

Oto purihaꞌana walu olana e saro mango, a Jisas e si lae i sulie ahutana mo henue paine na mo kele huilume mwai-mwei aana poꞌo ni henuena, aana ko laengaꞌinie Tataroha Diana aana Aalahanga a God. Aawalai pwaarongoisuli mwana rue ingeie kire lae noꞌone peꞌie.

Tataroha Diana I Sulie A Jisas Kraes Nge A Luk E Uusue 8:11

Na a Jisas e heꞌi unue loꞌu uuri, “Loꞌongaꞌinge aana aalahuunge ienini e lae uuri. Mo lite walana God ni ngeena.

Palonga 11:19

Oto kira hiiwalaimoli nge kire tahi mwaanie i Jerusalem maholo kire horoꞌie a Stivin, kire ko si lae kalie noꞌone mo henue haꞌatau mala poꞌo ni henue i Ponisia na mala-malau i Saepras na huilume paine i Antiok aana poꞌo ni henue i Siria. Kire lae peꞌi tarohaꞌinie Tataroha Diana, taꞌe kire ko lae peꞌi unue tataroha ngeena oto mola hunie mo Jiu hahaiteli.

Palonga 14:25

Kirerue tarohaꞌinie Tataroha Diana hunie huilume i Pega, oto kire si lae loꞌu hunie huilume i Atalia.

Palonga 16:6

Kira Pol ko lai liuhie mo toꞌo-toꞌolana e ro poꞌo ni henue hai aaopaꞌi i Frijia na i Kalesia. Kire oalaꞌi huni eeliꞌu takoie poꞌo ni henue i Esia huni tarohaꞌinie Tataroha Diana i leune noꞌone, taꞌe Liꞌoa Maaꞌi e uure honosire.

Palonga 8:25

Oto maholo a Pita na a Jon kire unu mangoa walana Aalaha na mo erenga ikirerue, kire si lae loꞌu hunie i Jerusalem. Na i laona mo henue hunge nge kirerue ko liuhiꞌi i Samaria, kirerue ko houleꞌinie noꞌone walana God hunie mwala.

Uusu-uusu A Pol Hurula'aa Hunie Mo Rom 10:8

Taꞌe oodotaꞌinge nge ko uure mai aana hiiwalaimolinge aana a Kraes, e mwadaꞌu mola huni oodoie, aena aana mo Uusu-uusu Maaꞌi ko unue uuri, Mei wala a God e iiꞌo mola karaꞌiniꞌomu. Ingeie oto aana ngidumiu, na i laona manatamiu. Diutronomi 30:14 Ingeie oto Tataroha Diana melu ko tarohaꞌinie,

2 Timoti 4:2

uri o ke lae taraꞌasi oto peꞌie tarohaꞌinilana walana God. O ke laeliwala hunie mwala oto tarau, maꞌalana mwala kaꞌa sare rongo huniꞌo. O ke haꞌa-oodohie tolahada maholo kire ko lae takalo, na o ke haataꞌinie mo oorahaꞌaa ikire hunire hunie kire ke aaliꞌu mwaaniꞌi, na o ke ere haꞌasusure noꞌone. Walu ola ngeena o ke asuiꞌi peꞌi toli-rakonga, na peꞌi haꞌananaunge diana.