Matiu 9:2 - Tataroha Diana

² E hule taꞌau, oto kire aangaꞌinie mai ngaeta mwane e rarasi i lengine hulite i saana. Oto a Jisas e leesie hiiwalaimolinge ikire e paine, ko si teꞌuri hunie mwane e rarasi ngeena, “Kaleku, saemu ke dodo. Mo oorahaꞌaa iꞌoe saeꞌaasileni e lae oto.”

Matiu 9:2 Iomraidhean Croise

Matiu 14:27

Taꞌe a Jisas e tolana soi oto takoire na ko unue uuri, “Saemiu ke hahuroto. Ineu taane mola ni ie. Mwaanie omu meꞌu-meꞌu.”

Matiu 4:24

Oto tataroha aana a Jisas e taro oto i sulie ahutana mo henue aana poꞌo ni henue i Siria. Oto mwala ko toolea oto mai mwala hunge peꞌie mo maelaa hai aaopaꞌi i saana a Jisas, mo iini sapesalunge e paine aana sapeda, na mo iini mo liꞌoa aaela nge aada, na mo iini kire ko kokokoꞌa, na ngaeta mo iini sapeda e mae mango oto. Taꞌe a Jisas e haꞌa-uurire mango.

Matiu 6:12

Na o ke saeꞌaasie huniꞌemi mo oorahaꞌaa iꞌemi, mala iꞌemi noꞌone emi ko saeꞌaasie mo roroꞌanga ikire mo iini ko deu huꞌisiꞌemi.

Matiu 8:10

Maholo a Jisas e rongo urine, e si pangataꞌinie na ko teꞌuri hunie mo iini ko lae i sulie, “Toꞌohuu no ko unue huniꞌomu uri nou kaꞌa lio oodoie ike ue nga mwane ni Israel ke hiiwalaimoli eeku mala mwane ni Rom ie.

Matiu 8:16

Oto aana maholo ko seulehi oto, kire ko si toolea mai mo iini hunge mo liꞌoa aaela aada i saana a Jisas. Oto a Jisas e si oohe aasie mo liꞌoa aaela ngeena mola aani wala, na e haꞌa-uurie mo iini ko mweri.

Matiu 9:22

A Jisas e aaliꞌu na ko leesie a huꞌena, oto ko teꞌuri hunie, “Kaleku saemu ke dodo, hiiwalaimolinge iꞌoe e haꞌa-uuriꞌo oto.” Oto a huꞌena ko tolana awaa oto mwaanie maelaa ni epu aana maholoi satona.

Matiu 9:5

Omu saie kaꞌu uri erenga ni mola e mwadaꞌu na taꞌena nga iini e sai ere mola uuri, ‘Mo oorahaꞌaa iꞌoe saeꞌaasileni e lae oto.’ Na loꞌu uuri, ‘!Taꞌelaꞌi! O ke toolea hulite iꞌoe, na o ke lae-lae oto.’ Taꞌe huni esuie e ro mei neꞌisaenga ngeena kire aasa oto hiitoꞌo hunie iinoni.

Matiu 9:6

Taꞌe ineu, a Kale Ni Iinoni, ne kei esuie mola mei ola hunie omu ke lio saie uri ineu, nou toꞌo aana noꞌone nanamanga huni saeꞌaasi oorahaꞌaa mai aano i leu.” Oto a Jisas e si teꞌuri hunie mwane e rarasi ngeena, “!Taꞌelaꞌi! O ke toolea hulite iꞌoe, na o ke lae-lae oto i nume iꞌoe.”

Tataroha Diana I Sulie A Jisas Kraes Nge A Mak E Uusue 1:32

Oto aana maholo ko seulehi oto, nge mwala kire toolea mai mo mae-maeaꞌa hunge i saana a Jisas, na ngaeta mo iini mo liꞌoa aaela aada noꞌone.

Tataroha Diana I Sulie A Jisas Kraes Nge A Mak E Uusue 10:49

Oto a Jisas e uure hahuroto, na ko teꞌuri hunire, “Omu ke soie mai.” Oto kire soie mwane e ulu ngeena na kire ko unue uuri, “O ke ilenimwaꞌe mola. !Taꞌelaꞌi! A Jisas ni ko soiꞌo ngeena.”

Tataroha Diana I Sulie A Jisas Kraes Nge A Mak E Uusue 5:34

Oto a Jisas ko teꞌuri hunie, “Kaleku, hiiwalaimolinge iꞌoe e haꞌa-uuriꞌo oto. O awaa oto mwaanie mei maelaa ngeena. Lae mola aani henuelamanga.”

Tataroha Diana I Sulie A Jisas Kraes Nge A Mak E Uusue 6:50

Kire ko tohungei meꞌu oto hiitoꞌo aana maholo kire leesie. Taꞌe a Jisas ko tolana ere oto wau peꞌire uuri, “Saemiu ke hahuroto. Ineu taane mola ni ie. Mwaanie omu meꞌu-meꞌu.”

Tataroha Diana I Sulie A Jisas Kraes Nge A Jon E Uusue 16:33

Nou unue oto walu ola ienini huniꞌomu, hunie uri omu ke si toꞌo aana hanuelamanga aani iiꞌonga tararuru peꞌieu. Walumalau kei haꞌasapesaluꞌaꞌomu taane, taꞌe mwaanie omu meꞌu-meꞌu. Saemiu ke mango mola, aana nou tola hehesie oto walumalau.”

Tataroha Diana I Sulie A Jisas Kraes Nge A Jon E Uusue 2:25

Oto maꞌalana nga iini e kaꞌa unue loꞌu tolahana mwala oodoie, taꞌe ingeie e saie mola nga taa i laona manatada.

Tataroha Diana I Sulie A Jisas Kraes Nge A Jon E Uusue 21:5

Oto ko dolosi aada uuri, “?E ue eena mo saanau, omu weesi taane?” Kire aalamie uuri, “!Haꞌike oto ooꞌoo!”

Palonga 14:9

E iiꞌo mola ko rorongo i sulie walana Pol. Oto a Pol e toꞌo-toꞌomaaie a mwaena, na ko lio saie uri a mwane ngeena e hiiwalaimoli oto aana a Jisas na haꞌa-uurilana e ro aeꞌaena e sai lae mola hunie.

Palonga 19:12

Maꞌalana taꞌena nga mei sala e toꞌorie mola sapena Pol, na kire kei toolea hunie mo iini ko mataꞌi wa mo iini nge mo liꞌoa aaela e iiꞌo aada, kire sai awaa oto, na mo liꞌoa aaela ngeena ko tehi oto mwaanire.

Palonga 23:11

Oto aana hai rodona a Aalaha e lae mai uure i sulie a Pol oto ko teꞌuri, “!Mwaanie o meꞌu-meꞌu! O kei lai unu haꞌa-oaieu noꞌone wau i Rom mala o esuie i Jerusalem.”

Uusu-uusu A Pol Hurula'aa Hunie Mo Rom 5:11

Na ngaeta leu loꞌu sapeitana walu ola ngeena, nge kie ko tohungei ilenimwaꞌe oto hiitoꞌo aana a Jisas Kraes Aalaha ikie e asuie oto haꞌimalahunanga ngeena hunikie peꞌie a God.

Jemes 2:18

Ohe nga iini kei ere oolisieu uuri, “Maꞌalana nou kaꞌa asuie mo ola diana, taꞌe haꞌa-uurileku kei lae taane aena aana hiiwalaimolinge ineu.” Taꞌe ineu, no ko aalamie iinine uuri, “!Haꞌike! Aana e aasa oto hiitoꞌo hunie iinoni kei toꞌo aana hiiwalaimolinge toꞌohuu na e kaꞌa asuie mo ola diana. Taꞌe ineu, ne kei haataꞌinie tohungei hiiwalaimolinge ineu aana asuilana mo ola diana.”