Matiu 7:7 - Tataroha Diana

⁷ Oto a Jisas e heꞌi teꞌuri loꞌu, “Omu ke susuke aana a God, na ingeie kei niie huniꞌomu. Omu ke hai-heitalea i saana God, na omu kei lio oodoie. Na omu ke iiki-iiki i kolune maa ingeie, na kei tahanie maa talamiu.

Matiu 7:7 Iomraidhean Croise

Matiu 18:19

Na loꞌu no ko unue huniꞌomu, mala uri nga ro iini hikemiu mei aano i leu ko neꞌisae tararuru huni sukaa nga mei ola aana a God, nge niilana kei lae hunirerue mwaanie Aamaku i Lengi.

Matiu 21:22

Aana mala omu ko hiiwalaimoli toꞌohuu aana a God, taꞌe-taꞌena nga mei ola mala omu ko sukaa aani aarengaꞌinge, a God e sai niie mola huniꞌomu.”

Matiu 6:33

Taꞌe omu ke neꞌi-neꞌisae aana Aalahanga a God na oodo-oodonga ingeie liutaa aana taꞌena nga ola mai aano, na ingeie ke si sapeie taꞌena nga ola huniꞌomu.

Matiu 7:11

Iꞌomu mo iinoni oorahaꞌaa, taꞌe hule aana omu sai niie mo ola diana hunie mo mwela iꞌomu. ?Ilisie Aamamiu i Lengi iini e diana liutaa aana taꞌena nga iinoni, uri e saꞌa nii liutaa aana mo ola diana hunie nga mo iini ko suke aana?

Matiu 7:8

Aana taꞌena nga iini ko sukaa nga mei ola aana a God, nge kei niie oto hunie. Na taꞌena nga iini ko heitalea nga mei ola aana a God, kei lio oodoie oto. Na taꞌena nga iini ko iiki-iiki ikolune maa ingeie, nge a God kei taha maa talana oto.

Tataroha Diana I Sulie A Jisas Kraes Nge A Mak E Uusue 11:24

Oto aena ngeena no ko unue huniꞌomu uri aana maholo omu ko aarengaꞌi na omu ko sukaa nga mei ola aana a God, omu ke norutoꞌo oto uri omu hele aana oto, na niilana nga taa omu sukaa kei lae oto huniꞌomu.

Tataroha Diana I Sulie A Jisas Kraes Nge A Luk E Uusue 13:25

Na maholo mwane e toꞌo aana nume kei honoa maa aana nume ingeie, omu kei uure mola poꞌoi sinaha, na omu kei talei iiki-iiki mola peꞌie erenga uuri, ‘Poro paine, o ke tahamaa talameelu.’ Oto kei aalamiꞌomu mola uuri, ‘Nou kaꞌa manataꞌiniꞌomu ike. ?Omu uure i tei?’

Tataroha Diana I Sulie A Jisas Kraes Nge A Luk E Uusue 18:1

Oto a Jisas e ere ni aalahuunge huni haataꞌinie aana mo pwaarongoisuli ingeie uri kire ke aarengaꞌi tarau mwaanie kire aakohe na mwaanie kire mou-mou mwaanie.

Tataroha Diana I Sulie A Jisas Kraes Nge A Jon E Uusue 15:16

Iꞌomu, omu kaꞌa lio hilisieu ike, taꞌe ineu ni nou lio hilisiꞌomu. Na nou niie mei esunge ie namiu, hunie omu ke hungu eeni hue-huei ola diana nge e sai iiꞌo huu. Oto aena leune, taꞌena nga mei ola omu ko sukaa mwaanie a Mamaꞌa aena aana omu norutoꞌo aaku, a Mamaꞌa ke si niie huniꞌomu.

Tataroha Diana I Sulie A Jisas Kraes Nge A Jon E Uusue 15:7

Mala uri omu ke iiꞌo susu oto aaku na walaku ke iiꞌo susu oto aamiu, nge omu sai sukaa taꞌena nga mei ola saemiu hunie, na niilana kei lae oto huniꞌomu.

Tataroha Diana I Sulie A Jisas Kraes Nge A Jon E Uusue 4:10

A Jisas e aalamie ko si teꞌuri hunie, “Iꞌoe o kaꞌa saie ike mei niinge a God ko sare niie huniꞌo, na o kaꞌa saie noꞌone uri a tei nge ko suke wai eemu ienini. Haꞌalaa, o sukaa oto mei wei meuri emue mwaanieu, na nou niie oto huniꞌo.”

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

Uusu-uusu A Pol Hurula'aa Hunie Mo Rom 3:11

Nga taꞌa-taꞌa iini hunie ke lio saie nga taa e oodo haꞌike, na nga taꞌa-taꞌa iini e kaꞌa haitalea ike a God.

Hibru 11:6

Nga taꞌa-taꞌa iinoni e saꞌa roroꞌa da ike uri a God ke ilenimwaꞌe haahie, na uri e kaꞌa hiiwalaimoli. Aana nga iini ko sare lae mai saana God, ke hiiwalaimoli oto aana uri a God e iiꞌo taane oto, na ke hiiwalaimoli oto aana uri a God e sai waaie mwala nge kire ko eriꞌapasie uri kire ke lae mai saana.

Jemes 5:15

Aana aarengaꞌinge aani hiiwalaimolinge e sai haꞌa-uurie mo mae-maeaꞌa, aana a God kei haꞌa-uurie na kei saeꞌaasie mo oorahaꞌaanga ingeie.

1 Jon 3:22

Na a God kei niie mola nga taa kie ko sukaa aana, aena aana kie ko tola i sulie mo haꞌatolanga ingeie, na kie ko esuie mo ola e saetoꞌo aani.