Matiu 7:5 - Tataroha Diana

⁵ !Nga hero-heronga kaꞌa urine ike! Mala uri o ko teꞌurine, nge o ko lupweꞌi deu-deu mola ni ngeena. Taꞌe o ke holaꞌi taꞌaasie kaꞌu rotoi ei leku ngeena mwaanie maamu hunie maamu ke manola. Oto o ke si lio susulie kele ngangaꞌai ola i maana aasimu hunie o ke kae aasie.”

Matiu 7:5 Iomraidhean Croise

Matiu 22:18

Taꞌe a Jisas e lio saie mone uri kire ko lupweꞌi pwaoa mola, ko si teꞌuri hunire, “!Iꞌomu kira dau hahota! ?Aana e ue ni omu ko sare lupweꞌi pwaoau urine?

Matiu 7:3

?E ue kaꞌu o ko ili lio susulie kele ngangaꞌai ola oto mola mwai-mwei i maana aasimu? Taꞌe hule aana iꞌoe, rotoi ei leku e eno honosie maamu na o kaꞌa sai hiingeꞌinie.

Matiu 7:4

Na e kaꞌa diana ike noꞌone uri hunie o ke unue hunie aasimu uuri, ‘Kaꞌu ne ke taꞌaasie ngangaꞌai ola mwaanie maamu,’ na hule aana iꞌoe maraamu, rotoi ei leku noꞌone mola e eno honosie maamu.

Matiu 7:6

“Mwaanie omu nii-niie mo ola maaꞌi mala Tataroha Diana hunie mo iini kei heliwala mola hunie. Aana urine e urihana mola omu ko niie mo ola maaꞌi ana mo usu, oto kire kei eeliꞌu mola na kire kei alaiꞌomu. Na e urihana noꞌone omu ko aasie mo ola diana iꞌomu mala mo dehi i saana mo poo, na kire kei uuri puli-pulisiꞌi mola aana aeꞌaeda.”

Tataroha Diana I Sulie A Jisas Kraes Nge A Luk E Uusue 12:56

!Iꞌomu kira lupweꞌi deu! Omu tohungei pweu oto toꞌohuu. Omu sai lio saie kaꞌu mola walu ola aana walumalau ie na mo ola taꞌau i salo. ?Taꞌe e ue omu kaꞌa sai lio saie nga taa ko reu aana maholo ienini?”

Tataroha Diana I Sulie A Jisas Kraes Nge A Luk E Uusue 13:15

Oto a Jisas ko aalamie uuri, “!Iꞌomu oto mwala mola huni lupweꞌi deu-deu! Ahutemiu omu ko luluhesie kaꞌu mola mo puluke na mo dongki iꞌomu, na omu ko too-tooleꞌi kaꞌu mola i wei huni inu-inu aana ahutana dinge, maꞌalana uri aana Dinge Maaꞌi.

Tataroha Diana I Sulie A Jisas Kraes Nge A Luk E Uusue 4:23

Oto a Jisas ko teꞌuri hunire, “Nou saie mola karaꞌinie omu kei unue mei wala ni aalahuunge ngeena hunieu uuri, ‘Mwane kure-kure, o ke haꞌa-uuriꞌo kaꞌu.’ Aana omu ko loꞌongaꞌinie mola uri, e lae otoi diana uri mo huꞌi-huꞌite nge omu rongoa nou esuiꞌi keꞌu hai Kapaneam, ne ke asuiꞌi loꞌu mei leu.

Tataroha Diana I Sulie A Jisas Kraes Nge A Luk E Uusue 6:42

Na e kaꞌa diana ike noꞌone uri hunie o ke unue hunie aasimu uuri, ‘Kaꞌu, ne ke taꞌaasie kele ngangaꞌai ola ngeena mwaanie maamu,’ na hule aana iꞌoe maraamu rotoi ei laku noꞌone mola e eno honosie maamu. !Nga hero-heronga kaꞌa urine ike! Mala uri o ko teꞌurine, nge o ko lupweꞌi deu-deu mola ni ngeena. Taꞌe o ke holaꞌi taꞌaasie kaꞌu rotoi ei laku ngeena mwaanie maamu hunie maamu ke manola. Oto o ke si lio susulie kele ngangaꞌai ola i maana aasimu hunie o ke kae aasie.”

Palonga 19:15

Taꞌe liꞌoa aaela e aalamire ko teꞌuri mola, “Nou saie taane a Jisas, na nou saie a Pol. ?Taꞌe iꞌomu, kira tei ni iꞌomu?”