Matiu 7:21 - Tataroha Diana

²¹ “E kaꞌa ike ahutana mo iini ko unu-unue hunieu uuri, ‘!Aalaha ineu!’ uri kire kei meni sili i laona Aalahanga a God, taꞌe mo iini ko deu i sulie saena Aamaku i Lengi haꞌalaa.

Matiu 7:21 Iomraidhean Croise

Matiu 12:50

A tei nge ko deu i sulie nga taa Aamaku i Lengi e saetoꞌo aana, ingeie ni aasiku na a nikeku.”

Matiu 16:17

A Jisas ko aalamie a Saemon Pita uuri, “!Hahuꞌana oto, Saemon kalena Jon! Aana mei walaimolinge aaku ie nga iinoni e kaꞌa haataꞌinie ike aamu, taꞌe Aamaku i Lengi ni e haataꞌinie aamu.

Matiu 18:10

Oto a Jisas ko heꞌi teꞌuri loꞌu, “Omu ke lio talamiu mwaanie omu lio tolingeꞌinie nga kele iini aana mo iini e hiiwalaimoli eeku. Aana no ko unue oto huniꞌomu uri ikire kire toꞌo aana mo ensel huni kakalire, na mo ensel ngeena kire sai ere mola peꞌie Aamaku i Lengi aana taꞌena nga maholo.

Matiu 18:19

Na loꞌu no ko unue huniꞌomu, mala uri nga ro iini hikemiu mei aano i leu ko neꞌisae tararuru huni sukaa nga mei ola aana a God, nge niilana kei lae hunirerue mwaanie Aamaku i Lengi.

Matiu 18:3

ko si teꞌuri, “No ko unue oto huniꞌomu uri, nge omu kaꞌa oolisie tolahamiu hunie omu ke urihana mwe-mwela, omu saꞌa roroꞌa malisine ike silinge i laona Aalahanga a God.

Matiu 18:35

Oto a Jisas ko si haꞌamangoa ere-erenga ingeie na ko unue uuri, “Aitana nga taa nge Aamaku i Lengi kei da huniꞌomu eena, aana uri omu kaꞌa saeꞌaasi toꞌohuu hunie mo eesimiu.”

Matiu 19:24

Na no ko heꞌi unue loꞌu uri e mwadaꞌu mola hunie uri nga kamel kei sili i sulie kele waa-waata aana nile tau-teuri, liutaa aana iinoni toꞌo-toꞌo ke sili i laona Aalahanga a God.”

Matiu 25:10

“Oto maholo e lime keni e pweu ngeena kire ko lai loꞌohi rumu nada, na a poro haalu ko hule oto. E lime keni nge kire dau aakau, kire ko sili oto i nume peꞌie poro haalu hunie aaharota. Maholo kire sili i nume, na maa ko hono oto.

Matiu 25:21

“Oto aalaha ingeie ko aalamie uuri, ‘O tohungei deu diana, na iꞌoe oto mwane auꞌesu diana, iini ni nou-norue. O lio i suli diana aana mo ola kaꞌa hunge, oto ne kei neꞌiꞌo o ke lio i sulie loꞌu mo ola hunge. Lae mai na o ke ilenimwaꞌe peꞌieu.’

Matiu 26:39

Oto a Jisas e kele lae taꞌau mwaaniraelu, ko si pouruuru i aano haahie maana na ko aarea God, ko unue uuri, “Mamaꞌa, iiola o niie mai hunie ne ke hotelaꞌinie ko aasaieu oto. Mala ko mwadaꞌu, saeku o ke oolisie aana nga iini mwa-mwate. Taꞌe neꞌewau oto, o ke dau mola i sulie nga taa o saetoꞌo aana, na o ke suꞌuri deu i sulie nga taa nou saetoꞌo aana.”

Matiu 26:42

Oto a Jisas ko heꞌi ruana lae loꞌu, na ko aarengaꞌi uuri, “Mamaꞌa, mala e kaꞌa mwadaꞌu oto huni taꞌaasie mei sapesalunge ie mwaanieu, nge no ko eitanaiꞌo ke oa oto urine huniꞌo.”

Tataroha Diana I Sulie A Jisas Kraes Nge A Mak E Uusue 3:35

Aena aana iini nge ko esuie nga taa e toꞌohie saena God, ingeie oto aasiku na a nikeku.”

Tataroha Diana I Sulie A Jisas Kraes Nge A Mak E Uusue 9:47

Na mala uri maamu ko haꞌatataroꞌo hunie oorahaꞌaa, nge o ke kae aasie mola. Aana e diana liutaa huni lae i laona Aalahanga a God mola peꞌie taꞌa-taꞌa maa, mwaanie laenga peꞌie e ro maamu i laona dunge ni haꞌamotaahinge.

Tataroha Diana I Sulie A Jisas Kraes Nge A Luk E Uusue 11:28

Taꞌe a Jisas e aalamie uuri, “Iau, taꞌe ilenimwaꞌenga oto liutaa hunie ahutana mo iini ko rongoa walana God na kire ko lulu i sulie.”

Tataroha Diana I Sulie A Jisas Kraes Nge A Luk E Uusue 13:25

Na maholo mwane e toꞌo aana nume kei honoa maa aana nume ingeie, omu kei uure mola poꞌoi sinaha, na omu kei talei iiki-iiki mola peꞌie erenga uuri, ‘Poro paine, o ke tahamaa talameelu.’ Oto kei aalamiꞌomu mola uuri, ‘Nou kaꞌa manataꞌiniꞌomu ike. ?Omu uure i tei?’

Tataroha Diana I Sulie A Jisas Kraes Nge A Luk E Uusue 18:25

E mwadaꞌu mola hunie uri nga kamel kei sili i sulie kele waa-waata aana nile tau-teuri, liutaa aana iinoni toꞌo-toꞌo ke sili i laona Aalahanga a God.”

Tataroha Diana I Sulie A Jisas Kraes Nge A Luk E Uusue 6:46

Oto a Jisas e heꞌi teꞌuri loꞌu, “?E ue ni omu ko soieu na ni omu unue oto, ‘!Aalaha ineu!’ taꞌe hule aana omu saꞌa dau i sulie nga taa no ko unue?

Tataroha Diana I Sulie A Jisas Kraes Nge A Jon E Uusue 14:7

Oto aana omu sai diana aaku, nge omu saie oto noꞌone Aamaku eena. Na omu sai diana aana taane oto, na omu leesie oto.”

Tataroha Diana I Sulie A Jisas Kraes Nge A Jon E Uusue 15:23

Nga iini ko ngiduupu hunieu, nge ko ngiduupu oto noꞌone hunie Aamaku.

Tataroha Diana I Sulie A Jisas Kraes Nge A Jon E Uusue 3:5

Oto a Jisas ko aalamie uuri, “No ko unue oto toꞌohuu huniꞌo uri mala nga iini e kaꞌa hute aani wei na loꞌu aana Liꞌoa Maaꞌi, nge e saꞌa roroꞌa ni sili ike i laona Aalahanga a God.

Tataroha Diana I Sulie A Jisas Kraes Nge A Jon E Uusue 5:17

Taꞌe a Jisas e unue hunire uuri, “Aamaku ko esu taraꞌasi hule mai ienini, na ineu noꞌone no ko esu mala ingeie.”

Tataroha Diana I Sulie A Jisas Kraes Nge A Jon E Uusue 6:40

Aana nga taa Aamaku e saetoꞌo aana uri ahutana mo iini ko leesieu a Kale na kire ko hiiwalaimoli eeku, kire ke hele aana maurihe huu, aana ineu ne ke si taꞌe aalihoꞌi aada aana dinge ooreta.”

Tataroha Diana I Sulie A Jisas Kraes Nge A Jon E Uusue 7:17

Mala nga iini ko neꞌisae mouteꞌi huni deu i sulie saena God, nge haꞌalaa ke si lio saie haꞌa-uusulinge ineu. Na ke si saie uri ohe e uure mai mwaanie a God wa ohe e uure mola mwaanie mo loꞌongaꞌinge ineu maraaku.

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Uusu-uusu A Pol Hurula'aa Hunie Mo Rom 12:2

Na mwaanie omu toliꞌaasiꞌomu maraamiu mola huni lae i sulie tolahana walumalau ie, taꞌe omu ke toliꞌaasie a God ke oolisie saemiu, na ke niie nga mo neꞌisaenga haalu nemiu. Aana tolahai ola urine haꞌalaa omu ko lio saie nga taa a God e saetoꞌo aana. Oto omu kei saie nga moi taa kire diana na kire oodotaꞌi nge a God ko ilenimwaꞌe haahiꞌi.

Uusu-uusu A Pol Hurula'aa Hunie Mo Rom 2:13

Mwala nge kire ko talei rorongo aasie mola mo Haꞌatolanga ngeena, kire saꞌa roroꞌa iiꞌo oodotaꞌi ike i maana God. Taꞌe mwala nge kire ko lulu i sulie walu ola i laona mo Haꞌatolanga ngeena, haꞌalaa a God ko da kire ke oodotaꞌi i maana.

Epesas 6:6

Mwaanie omu totola i sulire mola aana maholo kire ko lio-lio uri hunie omu ke haꞌa-olara mola. Taꞌe omu ke dau aahonga oto tarau huni esuie nga taa a God e saetoꞌo aana, aena aana iꞌomu mo koni-konihe a Kraes.

Kolosi 4:12

A Epapras noꞌone ko niie wau mei wala ni saediananga huniꞌomu. Ingeie nga koni-konihe toꞌohuu a Kraes Jisas na ngaeta iini eemiu. Ingeie ko esu namiu tarau aani eitanailana a God hunie omu ke sai diana aana walu ola a God e saetoꞌo aana omu ke asuiꞌi, na hunie omu ke asuiꞌi oto toꞌohuu mala mo rato aana tolahana Kraes.

1 Tesalonaeka 4:3

Aana a God e saetoꞌo aana uri omu ke iiꞌo maaꞌi na omu ke haꞌahili-hiliꞌomu mwaanie masinge,

1 Tesalonaeka 5:18

Na maꞌalana nga taa ke rau-reu loꞌu, taꞌe omu ke paalahea God mola tarau suli maholo. Aana a God e saetoꞌo aana omu ke asu urine aena aana omu lado oto peꞌie a Jisas Kraes.

Taetas 1:16

Maꞌalana kire ko unu-unue uri kire saie a God, taꞌe tolahada ko si haataꞌinie mola uri kire kaꞌa saie ike a God. Oto mo iini urine kire tohungei lio mamaꞌela i maana God aana kire ko heitohe mola na kire kaꞌa sai esuie ike nga mei ola diana.

Hibru 4:6

Mwala nge kire holaꞌi rongoa oto tataroha diana i sulie leu ni mamalo ngeena, kire saꞌa roroꞌa lai sili ike i laona, aena aana kire hai-heitohe mola. Taꞌe nga mo iini kei sili taane i laona leu ni mamalo ngeena.

Jemes 1:22

Taꞌe omu ke asuie nga taa nge a God e unue huniꞌomu, na omu ke suꞌuri talei rorongo aasie mola, aana ko urine nge omu ko haꞌapweuꞌomu mola maraamiu ni ngeena.

1 Pita 2:15

Aana a God e saetoꞌo aana omu ke asuie mo ola e diana na e oodotaꞌi, aana urine omu sai uure honosie mo erenga hero-heroꞌa mwala ko talei unuꞌi mola aena aana kire kaꞌa saie nga mei ola diana.

1 Pita 4:2

Oto maholo omu iiꞌo ue mai i laona walumalau ie, omu ke suꞌuri lulu i sulie walu ola aaela mola mala saemiu. !Suꞌuri! Omu ke lulu i sulie mola nga taa a God e saetoꞌo aana.

Haataꞌinge 2:27

Kei urine oto aana ne kei niie hunire taꞌa-taꞌa taungei nanamanga mala a Mamaꞌa e niie oto hunieu, aana uusulana e lae kaꞌu uuri, Kire kei aalaha haahie ahutana mo aapoloa aana walumalau, na kire kei uure aꞌailaꞌa oto liutaa honosie mo heitelilinge. Na kire kei ohoie nanamanga aana mo aapoloa ngeena mala iinoni ko pwaasie kao-kao. Sam 2:8-9

Haataꞌinge 22:14

“Deidehie mo iini kire hoda rereꞌa aana mo toꞌoni ikire, aana ikire oto kire kei lai sili i laona maaꞌi para aana Jerusalem Haalu ngeena, na kire kei ngeue hue-huana ai ni meurihe.

Haataꞌinge 3:5

“Na hunie mo iini nge kire kei aꞌailaꞌa taraꞌasi honosie aaelanga, ikire noꞌone ne kei haꞌatoꞌonire aani toꞌoni rereꞌa. Na nou saꞌa taꞌaasie ike satada mwaanie uusu-uusu ni meurihe, taꞌe ne kei unu tahangaꞌinie satada i naꞌona Aamaku na mo ensel ingeie na ne kei teꞌuri, “Mo tohungei iinoni ineu ni oto ie.”