Matiu 7:2 - Tataroha Diana

² Aena aana tolahai ola nge omu kei leie ngaeta mwala aana, a God kei leiꞌomu noꞌone aana. Na nga haꞌatolanga uri taa nge omu ko leie mwala aana, taꞌa-taꞌa haꞌatolanga ngeena noꞌone mola nge a God kei leiꞌomu aana.

Matiu 7:2 Iomraidhean Croise

Matiu 6:14

“Mala omu kei saeꞌaasie hunie taꞌena nga iinoni mo roroꞌanga kire ko deu huꞌisiꞌomu eeni, nge Aamamiu i Lengi kei saeꞌaasie huniꞌomu mo oorahaꞌaanga iꞌomu.

Tataroha Diana I Sulie A Jisas Kraes Nge A Mak E Uusue 4:24

Oto a Jisas ko heꞌi teꞌuri loꞌu hunire, “Hele maꞌutaꞌa aana nga taa o ko rongoa, i sulie taꞌa-taꞌa totoho nge o ko totohoa nga iini aana, ingeie nge a God kei heꞌi totohoꞌo loꞌu aana, taꞌe kei totohoꞌo oto loꞌu liutaa.

Tataroha Diana I Sulie A Jisas Kraes Nge A Luk E Uusue 6:38

Omu ke nii-nii hunie taꞌena nga iinoni, nge a God ke si nii loꞌu liutaa huniꞌomu. Aana toꞌohuu niilana kei lae huniꞌomu, hule aana omu kaꞌa saie omu kei hele uri taa aani aana nimemiu, oto kire ko maalingi mola. Aana nga tolahai niinge uri taa nge omu ko nii-nii hunie mwala aana, nge a God kei nii noꞌone huniꞌomu aana.”

2 Korinit 9:6

Omu ke sai diana aana uri nga iini nge ko hesie mola tootaꞌi kele litei ola, kei soꞌokonie noꞌone mola tootaꞌi kele hue-huei ola mwaaniꞌi. Na nga iini ko hesie mo litei ola hunge nge kei soꞌokonie mo hue-huei ola hunge noꞌone mwaaniꞌi.

Jemes 2:13

Aena ngeena omu ke haataꞌinie hai-aamasinge iꞌomu oto hunie mo iinoni, aana a God e saꞌa haataꞌinie ike loꞌu hai-aamasinge ingeie aana maholo kei leie mo iini nge kire kaꞌa sai hei aamasi. Taꞌe mo iini nge kire haataꞌinie hai-aamasinge, nge kire kei uure na kire saꞌa maꞌu ike aana maholo a God kei leire.

Haataꞌinge 18:6

“Mala e asu aaelasie kaꞌu mo iinoni maaꞌi ineu, nge ne kei suꞌue loꞌu taꞌa-taꞌa taungei aaelanga ngeena hunie, taꞌe kei aaela haꞌarue loꞌu hunie. E haꞌa-inuhie kaꞌu mo iinoni maaꞌi ineu aani wei ahaꞌi, na ingeie kei inu haꞌarue loꞌu aana wai ahaꞌi ngeena.