Matiu 6:4 - Tataroha Diana

⁴ Hunie peꞌinge iꞌoe ke mumuni, na Aamamu nge ko lee-leesi ola mumuni ke si waaiꞌo taane haahie.”

Matiu 6:4 Iomraidhean Croise

Matiu 10:42

Omu ke saie mola uri maꞌalana nga iini ko niie mola nga mei wei wawai ana nga taꞌa-taꞌa kele iini aana mo iini ko lulu i sulieu, aena aana uri ingeie pwaarongoisuli ineu, na kei hele waaite oto.”

Matiu 6:18

Mwaanie mwala e lio saie uri o ko oolongau, taꞌe Aamamu e iiꞌo mumuni mola ke saie. Na Aamamu ko lee-leesi ola mumuni, ke si waaiꞌo i tehulaꞌana.”

Matiu 6:3

Taꞌe iꞌoe, maholo o ko peꞌie nga iinoni meitale, o ke dau mumuni mola aana, mwaanie nga iinoni e saie loꞌu, maꞌalana nga tohungei malahumu diana.

Matiu 6:6

Taꞌe maholo o ko aarengaꞌi, o ke lae iiꞌo mumuni maraamu i duru iꞌoe, o ke honoa maa, na o ke aarengaꞌi hunie Aamamu iini e iiꞌo mumuni. Na ingeie iini e sai lio saie nga taa o ko esu mumuni aana, ke si waaiꞌo haahie.

Tataroha Diana I Sulie A Jisas Kraes Nge A Luk E Uusue 14:14

Na haꞌadianaꞌalamu ke si lae i leune, aana kire saꞌa roroꞌa ni suꞌu ola ike loꞌu huniꞌo. Aana a God ke si suꞌu ola oto huniꞌo aana dinge mo iini oodotaꞌi kei taꞌelaꞌi.”

Tataroha Diana I Sulie A Jisas Kraes Nge A Luk E Uusue 8:17

Aana taꞌena nga ola mumunilana e lae, nge haataꞌinilana kei saronai lae taane mai haadaꞌi aana leu matapwa. Na nga taa nge aaluhilana e lae, aelilana kei saronai lae taane mai haadaꞌi huni leesie.

1 Korinit 4:5

Oto omu ke suꞌuri leie mwala, aena aana e kaꞌa hule ue aana maholo a God kei lae mai huni leie mwala. Oto omu ke maaꞌoohie kaꞌu Aalaha ikie kei lae mai, aana ingeie nge ke si haataꞌinie mo ola kire oꞌoꞌo mumuni rorodoꞌa hunie kire ke iiꞌo haadaꞌi. Ingeie oto kei haataꞌinie saehaahinge mo iinoni, na kei lahera i sulie nga taa nga iini e asuie.

Hibru 4:13

Taꞌe-taꞌena nga ola haꞌaholalana e lae, mumunilana e saꞌa roroꞌa lae ike mwaanie maana God. Aana ingeie ko toꞌo-toꞌomaaie mola ahutana walu ola ngeena, na kire mani iiꞌo haadaꞌi mola i maana. Na aana nga dinge, kie kei saronai unu haadaꞌi mola aana oodoie taꞌe-taꞌena nga ola nge kie asuiꞌi.

Jiud 1:24

Oto kie ke haꞌamanikuluꞌaa iini e nanama na e sai kakalikie mwaanie kie domu i laona oorahaꞌaa. E sai kinetaꞌinikie mwaanie kie dau aaelasie nga mei ola, na kei toolekie aani ilenimwaꞌenga oto paine i laona manikuluhaꞌana.

Haataꞌinge 2:23

Na ne kei horo maesie noꞌone mo iini ko lulu i sulie, hunie ahutana mo soihaadaꞌinge kire ke saie uri ineu oto nou lio saie mola ahutana neꞌisaenga na hari-huninge mo iinoni. Na ne ke si waaie huniꞌomu, nga iini oto maraana i sulie asunge ingeie.