Matiu 6:2 - Tataroha Diana

² “Taꞌena nga maholo o ko niie nga mo ola hunie nga iinoni meitale, o ke suꞌuri deu haadaꞌi loꞌu aana uri hunie mwala ke saie, mala mo iini ko lupweꞌi deu-deu nge kire ko lai euꞌesuie i laona mo nume ni palo-palo, na i sulie mo tala paine, uri hunie mwala ke too-toohaꞌinire. Toꞌohuu no ko unue huniꞌomu uri mo iini nge kire ko teteꞌurine, kire hele mangoa oto waaitada.

Matiu 6:2 Iomraidhean Croise

Matiu 15:7

!Omu neꞌi iinoni eero-eero oto, aana omu ko lupweꞌi deu-deu mola! Nga taa a God e unue hunie a Propet Aesaea ke unue i suliꞌomu e toꞌohuu oto.

Matiu 16:3

Na i maahuꞌo-huꞌo omu ko unue loꞌu uuri, ‘Kei nemo oto eena, aana salo e nonoroꞌa na e kokohoaꞌa.’ Omu sai lio saie taane dai diana na dai taꞌaa aana leesilana salo mala ngeena, taꞌe omu saꞌa roroꞌa lio saie ike tolimaa aana mo ola ko reu siꞌiri ie.

Matiu 22:18

Taꞌe a Jisas e lio saie mone uri kire ko lupweꞌi pwaoa mola, ko si teꞌuri hunire, “!Iꞌomu kira dau hahota! ?Aana e ue ni omu ko sare lupweꞌi pwaoau urine?

Matiu 23:5

“Ahutana nga moi taa kire ko euꞌesuiꞌi, mo ola mola uri hunie mwala ke lee-leesire. E toꞌohuu, a God e unue taane uri kie ke hoꞌo-hoꞌosie mo toꞌoni lauleuniꞌe na ngaeta mo ola loꞌu huni aama-aamasitoꞌo aana mo haꞌatolanga ingeie. !Taꞌe lio kaꞌu! Ikire, kire ko esu peine loꞌu aana mo olana, hunie uri mwala ko leesiꞌi na kire ke unue uuri, ‘Ikire ni oto mwala maaꞌi.’

Matiu 23:6

Mo Parise ngeena na mo haꞌa-uusuli aana mo Haꞌatolanga, saeda noꞌone uri kire ke toꞌo aana mo pweui tolinge aana ngauhe, na mo naꞌohai iiꞌo-iiꞌoha aana mo nume ni palo-palo.

Matiu 24:51

Oto aalaha ngeena kei tohungei haꞌaloi letehie koni-konihe ingeie ngeena, na kei uusungeꞌi aasie oto peꞌie mwala ko lupweꞌi deu-deu. I leune kire kei iiꞌo mola peꞌie ngaranga na saehuunge paine.”

Matiu 5:18

Toꞌohuu no ko unue huniꞌomu uri kei hule aana i Lengi na i aano kei suu, na nga taꞌa-taꞌa kele ngangaꞌai ola aana mo Haꞌatolanga a Mosis e saꞌa roroꞌa aiꞌaa ike, hule aana kire kei haro oa mango.

Matiu 6:16

Oto a Jisas ko heꞌi teꞌuri loꞌu, “Maholo omu ko oolongau, mwaanie omu nunuku dara mala mo iini ko lupweꞌi deu-deu. Aana kire ko lupweꞌi lio rahitou mola hunie mwala ke leesie uri kire ko oolongau. Taꞌe ineu no ko unue huniꞌomu uri mo iini nge kire ko teꞌurine, kire hele mangoa oto waaitada.

Matiu 6:3

Taꞌe iꞌoe, maholo o ko peꞌie nga iinoni meitale, o ke dau mumuni mola aana, mwaanie nga iinoni e saie loꞌu, maꞌalana nga tohungei malahumu diana.

Matiu 6:5

Na a Jisas e heꞌi teꞌuri loꞌu, “Maholo omu ko aarengaꞌi omu ke suꞌuri deu mala mo iini ko lupweꞌi deu-deu, nge saeda uri kire ke uure i laona mo nume ni palo-palo, na aani maai tala rue uri hunie mwala ke leesie kire ko aarengaꞌi. Ineu no ko unue huniꞌomu uri mo iini urine, kire hele mangoa oto waaitada.

Matiu 7:5

!Nga hero-heronga kaꞌa urine ike! Mala uri o ko teꞌurine, nge o ko lupweꞌi deu-deu mola ni ngeena. Taꞌe o ke holaꞌi taꞌaasie kaꞌu rotoi ei leku ngeena mwaanie maamu hunie maamu ke manola. Oto o ke si lio susulie kele ngangaꞌai ola i maana aasimu hunie o ke kae aasie.”

Tataroha Diana I Sulie A Jisas Kraes Nge A Mak E Uusue 12:39

Na kire ko lio hilisie mo naꞌohai iiꞌo-iiꞌoha i laona mo nume ni palo-palo, na mo naꞌohai tolinge aani ngeuhe.

Tataroha Diana I Sulie A Jisas Kraes Nge A Mak E Uusue 7:6

Oto a Jisas ko aalamire uuri, “Walana a God nge a Aesaea e uusue i suliꞌomu e toꞌohuu oto. Iꞌomu mwala omu ko lupweꞌi deu-deu mola oto mala e uusue. Aana a God e unue uuri, Mwala ie kire ko haꞌamaꞌu eeku mola aana ngidude, taꞌe manatada e haꞌatau hiitoꞌo mola mwaanieu.

Tataroha Diana I Sulie A Jisas Kraes Nge A Luk E Uusue 11:41

Taungei hoda-olanga urine e kaꞌa roroꞌa ike. Taꞌe mala omu ke nii ola mola i laona mo nime na mo kao-kao ngeena ana kira maitale, haꞌalaa ahutana walu ola ngeena ke si meni rereꞌa toꞌohuu huniꞌomu.

Tataroha Diana I Sulie A Jisas Kraes Nge A Luk E Uusue 11:43

!Aama-aamasilemiu mo Parise! Aana omu ko heri hunie mo naꞌohai iiꞌo-iiꞌoha haliꞌite i laona mo nume ni palo-palo, na uri mwala ke haꞌapainaꞌaꞌomu aana maholo omu ko walo liu i laona mo leu ni uusiꞌe.

Tataroha Diana I Sulie A Jisas Kraes Nge A Luk E Uusue 12:33

Oto omu ke haꞌaholingeꞌinie mola toꞌo-toꞌolamiu, na omu ke niie mei toꞌoha aani hunie kira maitale. Omu ke mwaꞌie mo toꞌoha iꞌomu i laona mwaꞌi e saꞌa moka ike. Na omu ke loohaꞌinie toꞌolamiu i Lengi, aana leu kire saꞌa peliꞌi ike aana, wa mo kokorosi ke waeliꞌi.

Tataroha Diana I Sulie A Jisas Kraes Nge A Luk E Uusue 12:56

!Iꞌomu kira lupweꞌi deu! Omu tohungei pweu oto toꞌohuu. Omu sai lio saie kaꞌu mola walu ola aana walumalau ie na mo ola taꞌau i salo. ?Taꞌe e ue omu kaꞌa sai lio saie nga taa ko reu aana maholo ienini?”

Tataroha Diana I Sulie A Jisas Kraes Nge A Luk E Uusue 13:15

Oto a Jisas ko aalamie uuri, “!Iꞌomu oto mwala mola huni lupweꞌi deu-deu! Ahutemiu omu ko luluhesie kaꞌu mola mo puluke na mo dongki iꞌomu, na omu ko too-tooleꞌi kaꞌu mola i wei huni inu-inu aana ahutana dinge, maꞌalana uri aana Dinge Maaꞌi.

Tataroha Diana I Sulie A Jisas Kraes Nge A Luk E Uusue 20:46

“Omu ke kinetaꞌiniꞌomu mwaanie mo haꞌa-uusuli aana mo Haꞌatolanga a Mosis. Kire ko sare walo liu mola peꞌie launihaꞌana mo toꞌoni maaꞌi, na hunie uri mwala ke haꞌapainaꞌara maholo kire ko walo liu i laona mo leu ni uusiꞌe. Na kire ko lio hilisie mo naꞌohai iiꞌo-iiꞌoha i laona mo nume ni palo-palo, na mo naꞌohai tolinge aani ngeuhe.

Tataroha Diana I Sulie A Jisas Kraes Nge A Luk E Uusue 6:24

Taꞌe aama-aamasilemiu mo iini omu toꞌo-toꞌo oto, aana ahutana walu ola e mani mwadaꞌusiꞌomu mango oto, taꞌe aasanga paine kei reꞌusiꞌomu taane.

Tataroha Diana I Sulie A Jisas Kraes Nge A Luk E Uusue 6:42

Na e kaꞌa diana ike noꞌone uri hunie o ke unue hunie aasimu uuri, ‘Kaꞌu, ne ke taꞌaasie kele ngangaꞌai ola ngeena mwaanie maamu,’ na hule aana iꞌoe maraamu rotoi ei laku noꞌone mola e eno honosie maamu. !Nga hero-heronga kaꞌa urine ike! Mala uri o ko teꞌurine, nge o ko lupweꞌi deu-deu mola ni ngeena. Taꞌe o ke holaꞌi taꞌaasie kaꞌu rotoi ei laku ngeena mwaanie maamu hunie maamu ke manola. Oto o ke si lio susulie kele ngangaꞌai ola i maana aasimu hunie o ke kae aasie.”

Tataroha Diana I Sulie A Jisas Kraes Nge A Jon E Uusue 13:29

Ngaeta mo iini aana mo pwaarongoisuli kire loꞌongaꞌinie e ere urine aena aana a Jiudas mone ko lio i sulie mei toꞌoha ikire, oto ohe a Jisas e unue hunie uri ke lai holie nga mo ola kire saetoꞌo aani hunie houlaa, wa huni niie nga mo ola hunie kira maitale.

Tataroha Diana I Sulie A Jisas Kraes Nge A Jon E Uusue 5:41

“Nou kaꞌa loꞌohie ike uri mwala ke haꞌamanikuluꞌaau,

Tataroha Diana I Sulie A Jisas Kraes Nge A Jon E Uusue 5:44

Omu saetoꞌo aana mola uri mwala ke laheꞌomu, taꞌe omu kaꞌa sare iiꞌo oodotaꞌi ike uri hunie taꞌa-taꞌa tohungei God ke laheꞌomu. ?Nge ko urine, omu ke si hiiwalaimoli eeku uri taa eena?

Tataroha Diana I Sulie A Jisas Kraes Nge A Jon E Uusue 7:18

Aana iinoni nge ko ere mola tohune, ingeie ngeena ko loꞌohie mola haꞌapainaꞌalana maraana ni ngeena. Taꞌe a tei nge ko sare haꞌapainaꞌaa iini e uusungeꞌinieu mei, nge iini urine ko ere toꞌohuu na nga mei eeronga haꞌike loꞌu aana.

Palonga 10:2

Maꞌalana ingeie ngaeta mwane aana mo Aapoloa Aaopa, taꞌe e neꞌisae paine aana God na ahutana mwala aana uluhe ni iinoni ingeie kire ko lulu i sulie a God noꞌone. A mwaena ko nii-nii tarau hunie kira maitale, na ko aare-aarea God suli maholo.

Palonga 10:31

Oto ko teꞌuri, ‘Konilias, a God e pwani rongoa oto aarengaꞌinge iꞌoe, na e lio saie oto nga taa o ko euꞌesuie huni peꞌie kira maitale.

Palonga 10:4

Oto a Konilias ko tohungei meꞌu, na ko lio hahuroto oto aana ensel ngeena, na ko teꞌuri, “?Nga taa eena, poro paine?” Oto ensel ko teꞌuri hunie, “A God e rongoa oto mo aarengaꞌinge iꞌoe, na ko leesie o ko peꞌie kira maitale, oto ko tohungei saemango haahiꞌo. Oto maholo ienini a God ko sare peꞌiꞌo noꞌone.

Palonga 11:29

Oto ahutana kira hiiwalaimoli kire si meni neꞌisae tararuru huni peꞌie soihaadaꞌinge aana poꞌo ni henue i Jiudia i sulie e nite nga iini aada e sai uusungeꞌinie.

Palonga 24:17

“Nou lae mwaanie i Jerusalem mo helisi hunge e mango oto, oto nou eelihoꞌi loꞌu mei huni tola toꞌoha nana mo iinoni ineu ni Israel nge kire ko siꞌohaꞌa, na huni uunu ola hunie a God.

Palonga 9:36

Na ngaeta pwaarongoisuli e iiꞌo aana huilume i Jopa satana a Tabita na aana erenga ni Krik satana a Dokas. Helelana a huꞌe ngeena e tohungei diana suli maholo, na e iiꞌo mola huni peꞌie mo iini ko siꞌohaꞌa.

Uusu-uusu A Pol Hurula'aa Hunie Mo Rom 12:8

Mala uri niinge a God ko lae oto huniꞌo huni ere haꞌasusue saena mwala, nge o ke asu diana oto urine. Na mala uri niinge a God ko lae oto huniꞌo huni peꞌie mwala aani niilana mo ola hunire, nge o ke nii mwaakule oto hiitoꞌo hunire. Na mala uri niinge a God ko lae oto huniꞌo huni naꞌona mwala, nge o ke asu peꞌi lio i sulinge waaꞌiniꞌini oto toꞌohuu. Na mala uri niinge a God ko lae oto huniꞌo huni hei-hei-aamasi, nge o ke aama-aamasie mwala oto peꞌie ilenimwaꞌenga.

1 Korinit 13:3

Maꞌalana uri ne ke nii mangoa loꞌu toꞌo-toꞌolaku huni peꞌie kira maitale, wa maꞌalana uri no ke toliꞌaasie loꞌu sapeku hunie mo maelonga ke aasieu i laona dunge, taꞌe manata-diananga e kaꞌa iiꞌo oto aaku, nge nou saꞌa tarie ike oto nga mei ola aani.

Kalesia 2:10

Taꞌe taꞌa-taꞌa leu mola kiraelu unue huniꞌemereꞌi uri mere ke neꞌi-neꞌisae taraureꞌi aana mo iini e maitale, mei ola oto hule aana e tohungei hiꞌe i manataku noꞌone.

Epesas 4:28

A tei iinoni ko peli-peli, ke toliꞌaasie oto tolahai ola aaela ngeena na ke aehotaa loꞌu asunge diana. Ke asuie nga mo ola diana aana nimana, hunie ke toꞌo aana mo ola huni peꞌie mo iini kire maitale.

1 Tesalonaeka 2:6

na melu kaꞌa loꞌohie ike noꞌone uri iꞌomu wa nga mwala aaopa loꞌu kire ke laheꞌemeelu.

1 Timoti 6:18

O ke unue hunire loꞌu uri kire ke asuie mola mo ola diana hunie kire ke toꞌo-toꞌo aana toꞌo-toꞌonga ni Lengi. Kire ke peꞌi-peꞌi, na kire ke iiꞌo aakau huni nii,

Pilimon 1:7

Malahuku diana, manata-diananga iꞌoe hunie mwala a God e da kire ko tohungei hii diana, na aena mei olana o da ineu noꞌone, no ko tohungei ilenimwaꞌe na saeku e susu.

Hibru 13:16

Na mwaanie omu pupulongosie peꞌilana ngaeta mwala aani esunge diana nada, aena aana mo uunu-olanga urine noꞌone nge saena God ko lae otoi mamango haahiꞌi.

1 Pita 4:11

Taꞌena nga iini eemiu nge a God e niie oto nanamanga nana huni laeliwala, nge ke laeliwala oto mola i sulie mo wala nge a God e niiꞌi mei hunie. Na taꞌena nga iini eemiu nge a God e niie nanamanga huni peꞌie mwala, nge ke peꞌie mwala oto toꞌohuu aana nanamanga nge a God e niie hunie. Oto i tehulaꞌana mo esunge diana urine, mwala e sai paalahea God aana satana Jisas Kraes. Na ingeie oto e toꞌo aana ahutana manikuluꞌanga na sakanga oto di, oto di. Iau, ke urine oto.