Matiu 4:7 - Tataroha Diana

⁷ Oto a Jisas ko aalamie a Satan uuri, “Taꞌe mo Uusu-uusu Maaꞌi e unue noꞌone uuri, Omu ke suꞌuri oohongie a God Aalaha iꞌomu.” Diutronomi 6:16

Matiu 4:7 Iomraidhean Croise

Matiu 21:16

Oto kire ko dolosi aana Jisas uuri, “!Hai! ?Uri o ko rorongoa taane nga taa mo mwela ko unu-unuena?” A Jisas ko aalamire uuri, “!Siꞌue! !No ko rorongoa taane! ?Taꞌe e ue iꞌomu, omu kaꞌa rongo saie ike mo Uusu-uusu Maaꞌi nge omu ko saa-saaiꞌi tarau? Aana Uusu-uusu Maaꞌi e unue uuri, O haꞌasaie mo mwela na mo wee-wee mwai-mwei hunie kire ke haꞌamanikuluꞌaꞌo God.” Sam 8:2

Matiu 21:42

Oto a Jisas ko unue loꞌu hunire uuri, “Omu saaie kaꞌu oto mo Uusu-uusu Maaꞌi e unue uuri, Hau mwala tou-tohu nume kire leledie kaꞌu, e si neꞌie tohungei heu susu aana nume. A God ni e asuie urine, na e lai lio manikuluꞌe i maaka mo iinoni. Sam 118:22-23 ?Taꞌe e ue omu kaꞌa rongo saie?

Matiu 4:10

Oto a Jisas ko aalamie loꞌu uuri, “Tahi mwaanieu Satan aana mo Uusu-uusu Maaꞌi e unue uuri, Omu ke palo-paloa mola taꞌe a God Aalaha iꞌomu, na omu ke asu mola nana taꞌe ingeie haliꞌite.” Diutronomi 6:13

Matiu 4:4

Taꞌe a Jisas e aalamie ko teꞌuri, “Mo Uusu-uusu Maaꞌi e unue uuri, Iinoni e saꞌa mauri ike mola aani bred hahaiteli, taꞌe walana a God haꞌalaa ko meuri aana.” Diutronomi 8:3

Tataroha Diana I Sulie A Jisas Kraes Nge A Luk E Uusue 4:12

Oto a Jisas ko aalamie loꞌu a Satan ko teꞌuri, “Taꞌe mo Uusu-uusu Maaꞌi e unue noꞌone uuri, Omu ke suꞌuri oohongie a God Aalaha iꞌomu.” Diutronomi 6:16

Palonga 15:10

?Oto e ue ni omu ko sare haꞌangei-ngeie a God urine? Mwaanie omu ko sare da mola uri hunie kira hiiwalaimoli ke lulu i sulie mo Haꞌatolanga a Mosis nge hule aana mo weuwaka na ikie maraaka noꞌone kie dau aasaie mola lulu i sulileni.

Palonga 5:9

Oto a Pita ko teꞌuri loꞌu hunie, “?Oto e ue ni more neꞌisae tararuru huni haꞌangai-ngeie Liꞌoa Maaꞌi a God? !O ke rongo! Mo saanau nge kire lai heitolingeꞌinie poro iꞌoe, ikire oto taꞌau i aena maa, na kire kei aangaꞌiniꞌo oto noꞌone taꞌau urine.”

1 Korinit 10:9

Kie ke suꞌuri haꞌangai-ngeie a Aalaha mala ngaeta mo iini aada e haꞌangai-ngeie kaꞌu, nge a God e uusungeꞌinie mo mwaa huni horo maesire.

Hibru 3:9

I leune kire kire ohongieu aana haꞌangai-ngeileku mola maꞌalana kire leesie kaꞌu mo huꞌi-huꞌite nge nou euꞌesuiꞌi aana e hai aawalai helisi ngeena.