Matiu 3:2 - Tataroha Diana2 “Omu ke aaliꞌu toꞌohuu mwaanie oorahaꞌaa aena aana Aalahanga a God ko karaꞌini oto mai.” Faic an caibideil |
Matiu 3:2
61 Iomraidhean Croise
Aana dinge ni leinge mo Ninive kire kei taꞌelaꞌi, oto kire kei ere aamiu uri omu tohungei takalo oto liutaa. Aana ikire mo maelonga aaela mo Jiu, taꞌe kire oonisae oto mwaanie mo oorahaꞌaa ikire aana kire rongoa laeliwalanga a Propet Jona. Taꞌe no ko unue oto huniꞌomu uri nga iini taane i matolamiu i leu e paine loꞌu liutaa aana Jona.
Oto a Jisas ko si aalamire loꞌu uuri, “Nge ko urine ahutana mo haꞌa-uusuli aana mo Haꞌatolanga a Mosis nge kire lae mai neꞌi pwaarongoisuli i laona Aalahanga a God, kire urihana iinoni e toꞌo aana nume. Na nume ngeena e honu aana mo ola diana huni peꞌie mo iinoni, mo iini e lalahuꞌe, na nga mo iini mo ola haalu. Aana iinoni urine e sai haꞌa-uusuli aana mo tolahai ola lalahuꞌe, na mo ola haalu noꞌone.”
Oto a Jisas ko heꞌi unue loꞌu uuri, “Aama-aamasilemiu mo Parise na mo haꞌa-uusuli aana mo Haꞌatolanga a Mosis. !Iꞌomu oto mwala eero-eero! Aana omu ko lupweꞌi deu-deu mola mala uri omu ko lulu i sulie a God. !Taꞌe haꞌike! Iꞌomu maraamiu omu kaꞌa sare sili ike i laona Aalahanga a God, na omu kaꞌa toliꞌaasie ike nga mo iini ke sili loꞌu.
Oto no ko unue huniꞌomu uri kei urine noꞌone taꞌau i Lengi. Aana ilenimwaꞌenga haahie nga taꞌa-taꞌa iini ni oorahaꞌaa ko oonisae oto mwaanie tolahana e tataꞌala, kei peine loꞌu liutaa aana ilenimwaꞌenga haahie siwe aawalai iinoni mwana siwe kire unue uri kire oodotaꞌi na kire kaꞌa toꞌo aana ike nga mei ola aaela huni oonisae mwaanie.”
Taꞌe no ko tarohaꞌinie uri mwala ke aaliꞌu mwaanie mo oorahaꞌaanga ikire, na kire ke aaliꞌu takoie a God, na kire ke lae i sulie tala diana huni haataꞌinie uri kire oonisae toꞌohuu. Holaꞌinaꞌo, nou holaꞌi lae i saana mwala ni Jiu nge kire ko oꞌoꞌo i Damaskas na i Jerusalem na taꞌena nga leu i Israel, oto purihaꞌana nge nou si lae loꞌu weu i saana mo Aapoloa Aaopa.
Aana saehuunge a God ko ilenimwaꞌe haahie ngeena ko da iinonine ko oonisae na ko oolisie tolahana oto takoie tala ni meurihe. Oto kie saꞌa saehuu ike haahie taungei saehuunge urine. Taꞌe maholo iinoni ko saehuu mola i sulie tolaha ni welumalau, nge maenga mola i leune, aana saehuunge urine e kaꞌa peꞌie ike iinonine hunie ke oonisae.
Aena urinena, kie ke lae taraꞌasi keꞌu i sulie mo saenanaunge ni rato. Mwaanie kie ere-ere tarau mola aana mo haꞌa-uusulinge kie holaꞌi rongoꞌi i sulie a Kraes taꞌe kie ke haitalea loꞌu mo saenanaunge kokoro i sulie. Kie ke suꞌuri ere-ere tarau mola aana mo naꞌohai haꞌa-uusulinge kie aehota aani oto i naꞌo mala oonisaenga mwaanie tala takoie maenga, na haꞌa-uusulinge i sulie hiiwalaimolinge aana a God.
Ngaeta mwala kire ko loꞌo-loꞌongaꞌinie uri Aalaha ikie ko tohungei haꞌahiru huni haꞌa-oaie mo heiholotaꞌinge ingeie i sulie oolinge mai ingeie. Taꞌe kire kaꞌa lio saie ike loꞌongaꞌinge ingeie, aana a God ko maaꞌoohi mola hunie mwala kire ke oonisae na kire ke aaliꞌu loꞌu i saana mwaanie kire aiꞌaa aana leilada kei lae.
Omu ke loꞌongaꞌi eelihoꞌi loꞌu aana tolahai iinoni diana iꞌomu holaꞌinaꞌo, hunie omu ke aaliꞌu mwaanie mo oorahaꞌaa iꞌomu, na hunie omu ke asu peꞌie manata-diananga hunieu loꞌu mala omu euꞌesuie kaꞌu holaꞌinaꞌo. Mala uri omu kaꞌa aaliꞌu oto mwaanie mo oorahaꞌaa iꞌomu, nge ne kei lae mai seemiu na ne kei taꞌaasie oto ola talai laite iꞌomu ngeena mwaanie leu nge e iiꞌo aana.
Sanasan