Matiu 27:2 - Tataroha Diana

² Oto kire pwasue, kire ko si toolea, na kire ko toliꞌaasie i nimana Paelat, mwane ni Rom nge ko aalaha haahie mo Jiu aana maholona.

Matiu 27:2 Iomraidhean Croise

Matiu 20:19

Oto kire kei heꞌi niieu loꞌu hunie mo Aapoloa Aaopa huni haꞌamwasi eeku, na huni wini-winieu, na huni horo maesieu i lengine poꞌu-poꞌu. Taꞌe aana oolune nga hai dinge, ne kei taꞌelaꞌi eelihoꞌi loꞌu mwaanie maenga.”

Matiu 28:14

Mala uri a Paelat ko peleꞌi rongoa leune, iꞌemeelu melu ke si ere-ere taane peꞌie aana, mwaanie omu roroꞌa loꞌu aana.”

Tataroha Diana I Sulie A Jisas Kraes Nge A Luk E Uusue 13:1

Aana maholona ngaeta mwala e oꞌoꞌo peꞌie a Jisas, kire haꞌarongoa aana mwala ni Kalili nge a Paelat e horo maesire aana maholo kire uunu-uunu ola i saana God.

Tataroha Diana I Sulie A Jisas Kraes Nge A Luk E Uusue 20:20

Oto kire ko si lio hunie nga maholo huni tapolie a Jisas. Na kire si uusungeꞌi mumuni aana ngaeta mo mwane uri kire ke lupweꞌi lai dolosi aana mala ikire mwala oodotaꞌi. Aena aana saeda uri a Jisas ke unue nga mei wala huni waelie maraana, huni uusu i maana i naꞌona aalaha ni Rom.

Tataroha Diana I Sulie A Jisas Kraes Nge A Luk E Uusue 23:1

Oto kire mani taꞌelaꞌi, kire ko toolea oto a Jisas i naꞌona a Paelat.

Tataroha Diana I Sulie A Jisas Kraes Nge A Luk E Uusue 23:12

Aana hai dingena a Paelat na a Herod kirerue ko si heꞌimalahune loꞌu, taꞌe holaꞌinaꞌo ikirerue e ro maelonga ni ngeena.

Tataroha Diana I Sulie A Jisas Kraes Nge A Luk E Uusue 3:1

Oto e hule aana aawalai helisi mwana lime aana mo helisi nge a Taebirias e inemauri haahie aalahanga mo Rom. Aana maholona a Pontias Paelat ko aalaha haahie poꞌo ni henue i Jiudia, na a Herod Antipas ko aalaha haahie poꞌo ni henue i Kalili. A Pilip, aasine a Herod, ko aalaha haahie e ro poꞌo ni henue i Iturea na i Trakonaetis, na a Lisanias ko aalaha haahie poꞌo ni henue i Abilin.

Tataroha Diana I Sulie A Jisas Kraes Nge A Jon E Uusue 18:12

Oto naꞌohai ramo haahie sinolai ramo ni Rom, peꞌie ngaeta mo ramo ingeie, na mo mwane kakakali ikire mo Jiu, kire mani lae mai tapolie a Jisas na kire ko pwesue oto.

Tataroha Diana I Sulie A Jisas Kraes Nge A Jon E Uusue 18:24

Oto a Anas ko si uusungeꞌinie a Jisas i saana a Kaiapas, Naꞌohana Mo Naꞌohai Pris, na kire pwasue ue.

Tataroha Diana I Sulie A Jisas Kraes Nge A Jon E Uusue 18:28

Oto mola i waꞌalie i maahuꞌo-huꞌo, kire si toolea a Jisas mwaanie nume a Kaiapas hunie nume paine ni aalahanga mo Rom. Mo mwane paine ikire mo Jiu, kire ko haꞌahili-hili aena aana kire sare iiꞌo rereꞌa malisine Houlaa Ni Liumwaanie. Oto kire kaꞌa sare sili ike i laona nume ni aalahanga ngeena mwaanie kire waelie haꞌatolanga ikire aana kire sili i laona nume mo Aapoloa Aaopa, na urine kire loꞌuhangaꞌa oto.

Palonga 12:6

I upui rodo aana hai rodo i naꞌona hai dinge a Herod e loꞌongaꞌinie hunie kei leie a Pita, a Pita ko maꞌahu i matolana e ro ramo. Kire hoꞌosie aana e ro iieli heu, na ngaeta mo kakalihe kire uure noꞌone i aena maa aana nume ni hoꞌo.

Palonga 21:33

Maholo poro paine e lae mai hule i saana Pol oto e unue mo ramo ingeie kire ke tapolie na kire ke pwasue aana e ro iieli heu. Oto ko si dolosi aana mwala uuri, “?A tei mwane ni ie? ?Na nga taa ni e asuie?”

Palonga 22:25

Taꞌe maholo kire ko pwesue hunie kire kei repusie, a Pol ko si dolosi aana ngaeta poro paine haahie nga tangalai ramo nge e uure karaꞌinie, ko teꞌuri, “?Uri e malisine mola omu ke rapusie nga mwane ni Rom nge e kaꞌa dau huꞌisie ike nga mei ola?”

Palonga 22:29

Oto mwala nge kire dau-deu aakau huni dolosie mo dolosinge aana Pol peꞌie rapusilana, kire mani toliꞌaasie oto aana maholona. Na poro paine haahie sinolai ramo ngeena ko meꞌu oto, aana e dau huꞌisie haꞌatolanga aana e hoꞌosie nga tohungei mwane ni Rom aana iieli heu.

Palonga 24:27

Oto lae-lae, purine e ro halisi e mango, a Posias Festas ko oolisie a Filiks aana ko neꞌi Aalaha Paine oto haahie poꞌo ni henue ngeena. Na aena aana a Filiks ko sare dau hunie mo Jiu ke ilenimwaꞌe mola haahie, oto e unue mola uri a Pol ke iiꞌo ue i laona nume ni hoꞌo.

Palonga 28:20

Oto aena mei olana nge nou lokoꞌomu mei hunie ne ke ere i sulie peꞌiꞌomu. Ineu nou hiiwalaimoli aana a Kraes, iini nge ahutaka ikie mo Israel kie mani hiiwalaimoli aana uri kei haro haꞌa-uurikie. Oto aena mei olana nge hoꞌosileku e lae peꞌie iieli heu ienini.”

Palonga 3:13

God mo weuwaka, iini a Ebraham na Aesak na Jekob kire mani palo-paloa oto waite, ingeie oto nge ko haꞌamanikuluꞌaa koni-konihe ingeie a Jisas. Taꞌe iꞌomu ni omu niie wau i nimana a Paelat hunie horoꞌilana maꞌalana a Paelat e sare toliꞌaasie hunie ke iiꞌo luhetaꞌi, taꞌe iꞌomu nge omu uure honosie mwaanie e toliꞌaasie.

Palonga 4:27

Na e toꞌohuu oto, aana a Herod Antipas peꞌie mo Israel, na a Pontias Paelat peꞌie mo Aapoloa Aaopa kire mani esu loko-loko huni horoꞌie a Jisas, koni-konihe maaꞌi iꞌoe nge o lio hilisie oto waite hunie ke neꞌie a Kraes.

Palonga 9:2

na ko haꞌatohu aana hunie ke uusue nga mo uusu-uusu hunie ke tooleꞌi weu aana huilume paine i Damaskas. Mo uusu-uusu ngeena kire unue uri mo rato aana mo nume ni palo-palo mo Jiu i leune ke peꞌie a Sol huni tapolie ahutana mo mwane na mo keni nge kire ko lulu i sulie Tala Ni Meurihe, na huni toolera loꞌu hunie haꞌaloilada taꞌau i Jerusalem.

1 Timoti 6:13

Oto saeku hunie o ke haiholotaꞌi hunieu, na uri o ke asuie leune i naꞌona God nge e niie mauringe hunie ahutana mo ola, na loꞌu i naꞌona a Kraes Jisas nge e unu tahangaꞌinie walaimolinge maholo e uure i naꞌona a Pontis Paelat.

2 Timoti 2:9

Na i tehulaꞌana Tataroha Diana ngeena mola nge hoꞌosileku e lae aani iieliheu ie. Taꞌe haꞌa-uusulinge a God nga walo hoꞌo-hoꞌo haꞌike aana.

Hibru 13:3

Na omu ke loꞌo-loꞌongaꞌinie mo iini ikire i laona nume ni hoꞌo, oto mala uri iꞌomu noꞌone peꞌire i laona nume ni hoꞌo. Na omu ke loꞌongaꞌinie mo iini ko sapesalu, mala uri iꞌomu, omu ko sapesalu noꞌone peꞌire.