Matiu 23:4 - Tataroha Diana

⁴ Kire ko da ludaa e hiꞌe aana mo haꞌatolanga hunie mwala. Taꞌe hule aana ikire maraada na kire saꞌa nii kiꞌi huni peꞌie mwala huni suluꞌie ludaa ngeena.

Matiu 23:4 Iomraidhean Croise

Matiu 23:23

“Aama-aamasilemiu mo Parise na mo haꞌa-uusuli aana mo Haꞌatolanga. !Iꞌomu oto mwala eero-eero! Omu ko niie taane tangahuluꞌana tari-olanga iꞌomu hunie a God, na lai hule oto aana toꞌo-olanga iꞌomu aani sihola. Taꞌe hule aana omu kaꞌa aapwasu ike aana tohungana haꞌa-uusulinge aana mo Haꞌatolanga, mala leinge toꞌohuu, na aamasinge, na hiiwalaimolinge. Mo naꞌohai ola uri hunie omu ke dau i suliꞌi kaꞌu ienini. Na loꞌu mwaanie omu pulongosie mo haꞌa-uusulinge mwai-mwei mala niilana tangahuluꞌana tari-olanga iꞌomu.

Matiu 23:3

Aena ngeena omu ke rongo hunire na omu ke dau i sulie nga taa kire ko unue huniꞌomu. Taꞌe mwaanie omu lae-lae i sulie tolahada, aana tolahada e kaꞌa diana ike. Mo haꞌa-uusulinge ikire, ikire maraada, na kire saꞌa dau ike i suliꞌi noꞌone.

Tataroha Diana I Sulie A Jisas Kraes Nge A Luk E Uusue 11:46

Oto a Jisas ko aalamie ko teꞌuri, “!Aama-aamasilemiu noꞌone mo haꞌa-uusuli aana mo Haꞌatolanga! Iꞌomu, omu ko da ludaa e hiꞌe aana mo haꞌatolanga hunie mwala. Taꞌe hule aana iꞌomu maraamiu na omu saꞌa nii kiꞌi huni peꞌie mwala huni suluꞌie ludaa ngeena.

Palonga 15:10

?Oto e ue ni omu ko sare haꞌangei-ngeie a God urine? Mwaanie omu ko sare da mola uri hunie kira hiiwalaimoli ke lulu i sulie mo Haꞌatolanga a Mosis nge hule aana mo weuwaka na ikie maraaka noꞌone kie dau aasaie mola lulu i sulileni.

Palonga 15:28

Oto loꞌongaꞌinge a Liꞌoa Maaꞌi na iꞌemeelu noꞌone uri melu ke suꞌuri haꞌahiꞌeiꞌomu aana nga mo ola mwaanie mo naꞌohai ola ienini.

Kalesia 6:13

Maꞌalana mo iini nge kire hele aana oto torihesiꞌonga, na ikire maraada kire kaꞌa hele i sulie ike mo Haꞌatolanga. Kire ko sare da mola uri omu ke hele aana torihesiꞌonga hunie kire ke ere toohaꞌinire uri kire dau suꞌuiꞌomu hunie.

1 Jon 5:3

Kie ko haataꞌinie manata-diananga ikie hunie a God aana tola i sulilana mo haꞌatolanga ingeie. Na mo haꞌatolanga ingeie e saꞌa aasa ike hunikie,

Haataꞌinge 2:24

“Taꞌe mo iini eemiu mo Taeataera nge omu kaꞌa lae ike i sulie haꞌa-uusulinge aaela ngeena na omu puꞌotaꞌinie mola nga taa kire unu-unue aana “Saenanaunge mumuni a Pwelu Eero-eero,” nge no ko unue oto huniꞌomu uri nou saꞌa neꞌie ike loꞌu nga hiꞌelaa haahiꞌomu.