Matiu 2:7 - Tataroha Diana

⁷ Mango urine, a Herod e si soi mumuni aana mo mwane uure i pwaalana sato na ko heitale mwaanire maholo uri taa nge kire leesie ho heeꞌu ngeena.

Matiu 2:7 Iomraidhean Croise

Matiu 2:1

A Jisas e hute i Betlehem aana poꞌo ni henue i Jiudia, aana maholo a Herod Inemauri Peine ko aalaha. Oto loꞌu i purine a Jisas e hute, ngaeta mo mwane saenanau kire uure oto mai haꞌatau i pwaalana sato, kire ko lae oto mai hule aana hanue paine i Jerusalem. Mo mwane ngeena kire tohungei saenanau i sulie loꞌongaꞌinge aana mo heeꞌu taꞌau i salo.

Matiu 2:16

Maholo a Herod Inemauri Peine e saie uri saenanaunge mo mwane i pwaalana sato e liue oalaꞌinge aaela ingeie, e tohungei saewasu oto liutaa. Oto e si loꞌo-loꞌongaꞌinie nga taa mo mwane i pwaalana sato kire ere-ere i sulie maholo nge kire holaꞌi leesie ho heeꞌu ngeena. Oto e si uusungeꞌinie mo ramo aana mae ingeie hunie i Betlehem na mo henue loꞌu karaꞌinie, hunie kire ke horo mangoa ahutana mo mwela mwane kire si hute lae hule aana mo iini nge e ro halisi e mango oto aada.

Matiu 2:8

Oto ko uusungeꞌinire hunie i Betlehem peꞌie mei wala uuri, “Omu ke lae, na omu ke lai heitale diana hunie kele mwela ngeena, na maholo omu ko lio oodoie, omu ke aalihoꞌi mei haꞌarongoau, hunie ineu noꞌone ne ke lai pouruuru ni haꞌamaꞌunge aana.”

Palonga 24:22

A Filiks mone e saenanau i sulie Tala Ni Meurihe, oto e haꞌamamaloa ere-erenga ko si teꞌuri, “Maholo a Lisias, poro paine haahie sinolai ramo ngeena, kei lae mai, nge ne ke si niie mei wala ooreta aana ere-erenga iꞌoe.”

Haataꞌinge 12:15

Oto mwaa ngeena e pusuleꞌinie wai mwaanie wawana domana oto wai ko kone wau takoie leu a huꞌena e iiꞌo aana uri hunie ke konea.