Matiu 19:9 - Tataroha Diana

⁹ Oto no ko unue huniꞌomu uri nga iini ko sikaa mola huꞌe ingeie i tehulaꞌana nga mei ola aaopa, na a huꞌena e kaꞌa masi ike peꞌie nga iini, ingeie ngeena ko mesi oto mala uri kei toꞌo aana loꞌu nga huꞌe aaopa.”

Matiu 19:9 Iomraidhean Croise

Matiu 19:10

Oto mo pwaarongoisuli ingeie ko teꞌuri hunie, “Nge mala o unue uri nga mwane ke suꞌuri sikaa huꞌe ingeie, e diana oto liutaa uri mo mwane ke suꞌuri tola huꞌe.”

Matiu 19:8

A Jisas ko aalamire loꞌu uuri, “A Mosis e maaie mola uri omu ke sikaa mo huꞌe iꞌomu aena aana saemiu e lae otoi heu. Taꞌe aana neꞌisaenga a God i aehotalana haꞌaholanga e kaꞌa urine ike.

Matiu 5:32

Taꞌe ineu, no ko unue huniꞌomu uri nga iini ko sikaa huꞌe ingeie na a huꞌena e kaꞌa masi peꞌie nga iini, ingeie ngeena ko si da oto hunie a huꞌena ke masi eena, aana kei toꞌo aana loꞌu nga mwane aaopa. Na mwane nge kei toꞌo aana loꞌu a huꞌena, ingeie noꞌone ko mesi.”

Tataroha Diana I Sulie A Jisas Kraes Nge A Luk E Uusue 16:18

“Oto mala nga iini ko sikaa huꞌe ingeie na ko heꞌi toꞌo aana loꞌu ngaeta keni aaopa, iinoni ngeena ko mesi oto. Na mwane ko toꞌo aana keni nge poro ingeie e sikaa kaꞌu, a mwane ngeena ko mesi oto noꞌone.”

1 Korinit 5:1

Maeni eesiku, no ko rongo hailiu aana uri ngaeta iini eemiu ko esuie mei ola e tohungei aaela oto hiitoꞌo aana ko toꞌo aana loꞌu mola ngaeta huꞌe aamana mei ola oto maꞌalana mwala kire iiꞌo ni puꞌo na kire sai masa mola ni esuie.

1 Korinit 7:39

Na loꞌu, huꞌe nge e toꞌo poro ke iiꞌo ruru taraꞌasi oto peꞌie poro ingeie. Taꞌe mala uri poro ingeie ko mae, nge e sai toꞌo aana loꞌu mola taꞌena nga mwane ko saetoꞌo aana, mala uri a mwane ngeena noꞌone ko lulu i sulie a Kraes.

1 Korinit 7:4

A huꞌe ngeena e kaꞌa aalaha ike haahie sapena maraana, taꞌe poro ingeie ni e aalaha haahie. Na poro ngeena e kaꞌa aalaha noꞌone haahie sapena maraana, taꞌe huꞌe ingeie ni e aalaha haahie.