Matiu 19:5 - Tataroha Diana

⁵ Oto a God e si unue uuri, Aena aana leune, nge nga mwane kei lae mwaanie aamana na nikana, kei iiꞌo ruru oto peꞌie huꞌe ingeie, na kirerue kei neꞌie oto taꞌa-taꞌa iinoni. Jenesis 2:24

Matiu 19:5 Iomraidhean Croise

Matiu 19:6

Aena ngeena kirerue kaꞌa neꞌie loꞌu nga ro iinoni hai aaopaꞌi, taꞌe e taꞌa-taꞌa iinoni oto. Na nga mei ola nge a God e hoꞌo rurue oto, mwaanie nga iini e heꞌi oopa-oopaa loꞌu.”

Uusu-uusu A Pol Hurula'aa Hunie Mo Rom 12:9

Mwaanie omu lupweꞌi deu-deu aani manata-diananga, taꞌe omu ke manata diana toꞌohuu. Omu ke leledie aaelanga, na omu ke hele maꞌutaꞌa aana nga taa e diana.

1 Korinit 6:16

Omu saie taane nga iini kei maꞌahu peꞌie nga repi, kirerue kei neꞌie oto taꞌa-taꞌa mei sape, aana Uusu-uusu Maaꞌi e teꞌuri, E ro ola ngeena kei neꞌie oto taꞌa-taꞌa mei sape. Jenesis 2:24

1 Korinit 7:2

Omu saie uri aeni-olanga e paine siꞌiri, oto e diana hunie mwane ke toꞌo aana nga huꞌe maraana, na keni e adona ke toꞌo aana oto nga poro maraana.

1 Korinit 7:4

A huꞌe ngeena e kaꞌa aalaha ike haahie sapena maraana, taꞌe poro ingeie ni e aalaha haahie. Na poro ngeena e kaꞌa aalaha noꞌone haahie sapena maraana, taꞌe huꞌe ingeie ni e aalaha haahie.

Epesas 5:31

Leune e sada peꞌie nga taa mo Uusu-uusu Maaꞌi e unue uuri, Mwane ke oopa oto mwaanie aamana na nikana, na ke iiꞌo ruru oto peꞌie huꞌe ingeie, na kirerue kei neꞌie oto taꞌa-taꞌa iinoni. Jenesis 2:24