Matiu 19:11 - Tataroha Diana

¹¹ Oto a Jisas ko heꞌi teꞌuri loꞌu hunire, “E toꞌohuu oto uri tola-huꞌanga e kaꞌa iiꞌo ike hunie ahutana iinoni, taꞌe hunie mola mo iini a God e niie oto hunire.

Matiu 19:11 Iomraidhean Croise

Matiu 13:11

A Jisas e aalamire ko teꞌuri, “No ko teꞌurine aena aana a God e lio hilisiꞌomu hunie omu ke saenanau aana walaimolinge mumuni aana Aalahanga ingeie, taꞌe ke iiꞌo mumuni ue mwaanire.

Matiu 19:10

Oto mo pwaarongoisuli ingeie ko teꞌuri hunie, “Nge mala o unue uri nga mwane ke suꞌuri sikaa huꞌe ingeie, e diana oto liutaa uri mo mwane ke suꞌuri tola huꞌe.”

Matiu 19:12

Ngaeta mo iini kire kaꞌa sai tola huꞌe ike, aena aana kire hute mola na kire kaꞌa sare aapwasu ike aana tola-huꞌanga. Ngaeta mo iini loꞌu kire kaꞌa tola huꞌe ike aana mwala ko haꞌa-haꞌamauꞌora mwaanie. Na nga mo iini loꞌu kire kaꞌa sare tola huꞌe ike, mwaanie kire tolahiꞌe loꞌu aana nga mei ola aaopa mwaanie Aalahanga a God. Taꞌe nga iini nge a God ko niie oto huꞌe nana, ke hele diana aana oto haꞌa-uusulinge ngeena.”

1 Korinit 7:17

Oto ahutaka, kie ke mani saie uri mei meuringe nge nga iini e toꞌo aana maholo a God e soie mai i saana, mei niinge a Aalaha ni ngeena. Oto aena urine omu ke suꞌuri sare toliꞌaasie loꞌu, taꞌe omu ke ilenimwaꞌe mola haahie. Na haꞌatolanga nge no ko lae peꞌi haꞌarongoa ahutana mo soihaadaꞌinge aana ni otona.

1 Korinit 7:2

Omu saie uri aeni-olanga e paine siꞌiri, oto e diana hunie mwane ke toꞌo aana nga huꞌe maraana, na keni e adona ke toꞌo aana oto nga poro maraana.

1 Korinit 7:35

No ko ere urine huniꞌomu aena aana no ko sare peꞌiꞌomu na e kaꞌa ike huni esuie mo haꞌatolanga e aasa. Nou saetoꞌo aana mola uri omu ke asuie nga taa e oodo na hunie omu ke asu nana God hahaiteli.