Matiu 10:6 - Tataroha Diana

⁶ Taꞌe omu ke lae i saana mo sipu e takalo kaꞌu, mwala ni Israel.

Matiu 10:6 Iomraidhean Croise

Matiu 18:10

Oto a Jisas ko heꞌi teꞌuri loꞌu, “Omu ke lio talamiu mwaanie omu lio tolingeꞌinie nga kele iini aana mo iini e hiiwalaimoli eeku. Aana no ko unue oto huniꞌomu uri ikire kire toꞌo aana mo ensel huni kakalire, na mo ensel ngeena kire sai ere mola peꞌie Aamaku i Lengi aana taꞌena nga maholo.

Matiu 18:11

Tataroha Diana I Sulie A Jisas Kraes Nge A Luk E Uusue 24:47

Kire unue noꞌone uri mei wala i sulieu ke lae hunie ahutana mo iinoni ni welumalau ke aaliꞌu takoie God hunie ke saeꞌaasie mo oorahaꞌaa ikire. Oto omu ke lai haꞌarongoa mwala aana walu olana, aehota mai i Jerusalem, lae hule aana ahutana mo komu ni welumalau.

Palonga 13:46

Taꞌe a Pol na Banabas kirerue mwaka aada mola na kirerue ko teꞌuri, “E adona walana God unulana ke holaꞌi lae oto huniꞌomu, taꞌe aena aana omu ko leledie mei ola ienini, nge omu haataꞌinie oto uri omu kaꞌa malisine ike helesilana maurihe huu. Aena urine nge mere kei lae oto mwaaniꞌomu na mere kei lae oto i saana mo Aapoloa Aaopa.

Palonga 18:6

Taꞌe maholo mwala ni Jiu kire ko leledie na kire ko ere aaelasie, a Pol e si tataaꞌinie mola mo wasa-wasa aana toꞌoni ingeie mala nga tolimaa uri tolahada e tohungei aaela liutaa. Oto ko haꞌapasulire ko teꞌuri, “Mala uri a God ko haꞌaloiꞌomu, na roroꞌanga iꞌomu oto maraamiu eena. Nga roroꞌanga ineu haꞌike aana leune. Uure siꞌiri pwau weu ne kei lai tarohaꞌinie Tataroha Diana oto hunie mo Aapoloa Aaopa.”

Palonga 26:20

Taꞌe no ko tarohaꞌinie uri mwala ke aaliꞌu mwaanie mo oorahaꞌaanga ikire, na kire ke aaliꞌu takoie a God, na kire ke lae i sulie tala diana huni haataꞌinie uri kire oonisae toꞌohuu. Holaꞌinaꞌo, nou holaꞌi lae i saana mwala ni Jiu nge kire ko oꞌoꞌo i Damaskas na i Jerusalem na taꞌena nga leu i Israel, oto purihaꞌana nge nou si lae loꞌu weu i saana mo Aapoloa Aaopa.

Palonga 3:26

Oto maholo a God e haꞌa-uuresie koni-konihe ingeie a Jisas, nge e holaꞌi uusungeꞌinie huniꞌomu hunie ke niie haꞌadianaꞌanga huniꞌomu aani tola aalihoꞌinilemiu mwaanie mo oorahaꞌaanga iꞌomu.”

1 Pita 2:25

Holaꞌinaꞌo omu urihana mo sipu e takalo kaꞌu, taꞌe maholo ie omu eelihoꞌi loꞌu mei huni lulu i sulie a Kakalihe nge e sai lio i sulie maurihaꞌamiu.