25 A Josep e lio i suli diana aana a Meri mala keni raoriꞌi lai hule aana a Meri e haꞌahutaa kele mwela mwane ngeena. Oto a Josep e si haaraꞌinie kele mwela mwane ngeena aana a Jisas.
A Meri kei haꞌahutaa kele mwela mwane, oto o ke haaraꞌinie aana a Jisas, oolisilana uuri, ‘God ko haꞌa-uuri.’ O ke haaraꞌinie urine aena aana ingeie kei haꞌa-uurie mwala ingeie mwaanie mo oorahaꞌaa ikire.”
Oto wiki e ahu i purine kele wee-wee e hute, nge kire si esuie torihesiꞌonga aana kele wee-wee i sulie mo Haꞌatolanga a Mosis, na kire haaraꞌinie aana a Jisas, satai ola nge ensel e unue kaꞌu oto maholo na e kaꞌa lodo ue i iiana nikana.
Oto ko haꞌahutaa oto naꞌohai mwela ingeie, ko uloa aani sala na ko haꞌa-enohie aana leu ni haꞌangau puluke, aana nga leu haꞌike talada i nume ni awataa.
Aana uure mai naꞌo, a God e manataꞌinie oto mwala ingeie, na e oalaꞌinie hunie kire ke mani urihana a Kalena, hunie a Kalena kei neꞌie naꞌohai mwane aana mo eesine oto hunge.