Tataroha Diana I Sulie A Jisas Kraes Nge A Luk E Uusue 9:11 - Tataroha Diana

¹¹ Oto maholo mwala e rongo tarohana urine, kire ko si lae i sulire. Na a Jisas e takuhie mwalana, e haꞌa-uusulire i sulie Aalahanga a God, na e haꞌa-uurie mo iini ko mweri.

Tataroha Diana I Sulie A Jisas Kraes Nge A Luk E Uusue 9:11 Iomraidhean Croise

Matiu 12:15

Oto a Jisas mone e manataꞌinie mola uri mo Parise ko loꞌo-loꞌongaꞌi huni horoꞌie, e si lae mwaanie i leune, na mwala hunge ko lae i sulie. Oto e haꞌa-uurie ahutana mo iini ko mweri,

Matiu 14:14

Oto maholo a Jisas e siho mai oone mwaanie iiola, na ko leesie lokotaa oto paine, oto saena ko tohungei hiꞌe i sulire aana ko aamasire. Oto e si iiꞌo huni haꞌa-uurie mo iini ko mweri.

Matiu 21:31

“?Oto nga taa ni omu loꞌongaꞌinie? ?Iini uri taa aana e ro kele saanau ngeena nge e sulu i sulie saena aamana?” Mo pris na mo rato ni mwane kire ko aalamie uuri, “Iini i naꞌo.” Oto a Jisas ko unue hunire uuri, “!Iau! Oto no ko unue oto huniꞌomu uri mo iinoni ni oorahaꞌaa mala mo repi na mwala susulu toꞌoha, kire kei holaꞌi sili i laona aalahanga a God i naꞌomiu.

Matiu 21:43

Aena ngeena no ko unue huniꞌomu uri, taꞌaasilana aalahanga a God kei lae mwaaniꞌomu, na niilana kei lae oto hunie mo iini ko deu i sulie mo ola a God e saetoꞌo aani.

Tataroha Diana I Sulie A Jisas Kraes Nge A Luk E Uusue 1:53

E niie mo ola diana hunie mo iini kire hiolo, taꞌe mo iini e toꞌo-toꞌo e uusungeꞌi mwaakule mola aada.

Tataroha Diana I Sulie A Jisas Kraes Nge A Luk E Uusue 5:31

Taꞌe a Jisas ko aalamire uuri, “Iinoni nge e awaa mola saꞌa saetoꞌo aana ike mwane kure-kure, taꞌe iini nge ko maelaaꞌa haꞌalaa.

Tataroha Diana I Sulie A Jisas Kraes Nge A Luk E Uusue 8:1

Oto purihaꞌana walu olana e saro mango, a Jisas e si lae i sulie ahutana mo henue paine na mo kele huilume mwai-mwei aana poꞌo ni henuena, aana ko laengaꞌinie Tataroha Diana aana Aalahanga a God. Aawalai pwaarongoisuli mwana rue ingeie kire lae noꞌone peꞌie.

Tataroha Diana I Sulie A Jisas Kraes Nge A Luk E Uusue 8:10

Oto a Jisas ko unue uuri, “A God e lio hilisiꞌomu hunie omu ke saenanau aana walaimolinge mumuni aana Aalahanga a God. Taꞌe hunie mo iini aaopa, no ko ere ni aalahuunge oto haꞌalaa, hunie uri kire ko lio-lio na kire ke suꞌuri lio saiꞌi, kire ko rorongo na mwaanie kire rongo saiꞌi.”

Tataroha Diana I Sulie A Jisas Kraes Nge A Luk E Uusue 9:10

Maholo mo hurulaꞌaa kire ooli mei, oto kire ko haꞌarongoa Jisas aana walu ola nge kire lae peꞌi esuiꞌi. Oto e toolera kire ko lae maraada hunie huilume i Betsaeda.

Tataroha Diana I Sulie A Jisas Kraes Nge A Luk E Uusue 9:12

Oto maholo karaꞌinie sato kei suu, aawalai hurulaꞌaa mwana rue kire lae mai saana a Jisas, oto kire ko teꞌuri hunie, “O ke uusungeꞌinie mwala ngeena hunie kire ke lai loꞌohi ngeulaa ada na mo leu ni maꞌahu ikire aana mo huilume, aena aana ikolu aana hanuesala ni ie.”

Tataroha Diana I Sulie A Jisas Kraes Nge A Luk E Uusue 9:2

Na e uusungeꞌinire hunie kire ke lai laeliwala aana Aalahanga a God na huni haꞌa-uurie mo iini ko mweri.

Tataroha Diana I Sulie A Jisas Kraes Nge A Jon E Uusue 4:34

Oto a Jisas ko teꞌuri hunire, “Mei ngeulaa ineu oto huni haꞌatoꞌoa saena iini e uusungeꞌinieu mei, na hunie ne ke haꞌamangoa oto mei esunge e niie hunie ne ke asuie.

Tataroha Diana I Sulie A Jisas Kraes Nge A Jon E Uusue 6:37

Taꞌena nga iini nge Aamaku e niie nakue kei lae oto mai seeku. Na taꞌena nga iini ko lae mai seeku, nou saꞌa roroꞌa toliꞌaasie ike loꞌu hunie ke lae mwaanieu.

Palonga 28:31

na e kaꞌa maꞌu loꞌu huni laeliwala i sulie Aalahanga a God. Ko haꞌa-uusulie mola mwala aana taꞌena nga ola i sulie a Jisas, Aalaha ikie, na nga iini e kaꞌa uure honosie loꞌu erenga ingeie.

Uusu-uusu A Pol Hurula'aa Hunie Mo Rom 10:14

?Taꞌe mwala kei sukaa peꞌinge mwaanie a God uri taa, na kire kaꞌa manataꞌinie wa kire ke hiiwalaimoli aana? ?Na kire kei hiiwalaimoli aana loꞌu uri taa, na kire kaꞌa rongoa nga mei ola aana? ?Na kire kei rongoa uri taa, na tarohaꞌinilana mei wala ngeena e kaꞌa lae ike hunire?

Uusu-uusu A Pol Hurula'aa Hunie Mo Rom 10:17

Oto nga taa no ko unue e uuri. Hiiwalaimolinge e uure oto mai mwaanie rongolana mei wala aana tataroha diana, na Tataroha Diana i sulie a Kraes ni otona.

Uusu-uusu A Pol Hurula'aa Hunie Mo Rom 15:3

Kie ke haimaanie mola a Kraes, aana a Kraes na e kaꞌa dau ike mola i sulie hari-huninge ingeie maraana. Oto e lae mai huni deu i sulie saena God maꞌalana mo maelonga kire haꞌasapesaluꞌaa. Aana mo Uusu-uusu Maaꞌi e unue i sulie a Kraes uuri, Mo wala nge kire ere aaelasiꞌo a God aani, kire ko hite aaelasieu oto noꞌone. Sam 69:9

2 Timoti 4:2

uri o ke lae taraꞌasi oto peꞌie tarohaꞌinilana walana God. O ke laeliwala hunie mwala oto tarau, maꞌalana mwala kaꞌa sare rongo huniꞌo. O ke haꞌa-oodohie tolahada maholo kire ko lae takalo, na o ke haataꞌinie mo oorahaꞌaa ikire hunire hunie kire ke aaliꞌu mwaaniꞌi, na o ke ere haꞌasusure noꞌone. Walu ola ngeena o ke asuiꞌi peꞌi toli-rakonga, na peꞌi haꞌananaunge diana.

Hibru 4:16

Aena ngeena kie ke suꞌuri meꞌu huni lae mai saana a God, iini manatana e diana hunie mo iinoni. Aana leune nge kie ke si hele aana aamasinge na mo niinge huni peꞌilaka aana maholo kie ko siꞌohaꞌa.