Tataroha Diana I Sulie A Jisas Kraes Nge A Luk E Uusue 8:3 - Tataroha Diana

³ na a Susana, na a Joana nge poro ingeie a Kusa (nge ingeie naꞌohai mwane auꞌesu haahie ahutana mo mwane auꞌesu i nume a Herod Antipas), na mo keni hunge loꞌu. Mo keni ngeena kire ko peꞌi-peꞌie a Jisas na mo pwaarongoisuli ingeie aana toꞌo-toꞌolada.

Tataroha Diana I Sulie A Jisas Kraes Nge A Luk E Uusue 8:3 Iomraidhean Croise

Matiu 14:1

Maholo a Herod Antipas, aalaha aana poꞌo ni henue i Kalili, e rongo tarohana a Jisas aana mo huꞌi-huꞌite ko esuiꞌi,

Matiu 14:3

A Herod e ere urine aena aana a Jon Loto Maaꞌi e mae oto. Na laladonga i sulie maelana a Jon e lae uuri. Holaꞌinaꞌo, keni satana a Herodias ingeie huꞌe a Pilip mwane aasine a Herod. Taꞌe lae-lae a Herod ko heꞌi toolea loꞌu a huꞌena mwaanie a Pilip aasine. Oto a Jon Loto Maaꞌi e unu-unue hunie a Herod uuri, “Aana Haꞌatolanga a Mosis, e kaꞌa adona ike uri hunie o ke toꞌo aana loꞌu a Herodias aena aana ingeie huꞌe a Pilip aasimu.” Oto a Herod e si unue kire ke tapolie a Jon Loto Maaꞌi na kire ke pwasue aani iieli heu na kire ke neꞌie i nume ni hoꞌo.

Matiu 14:6

Oto loꞌu mola i puri, a Herod Antipas e asuie ngauhe paine huni aamasitoꞌo aana hai dinge e hute. Na keni haalu kalena a Herodias ko mao i naꞌona ruruhaa. A Herod e tohungei ilenimwaꞌe oto liutaa haahie,

Matiu 2:11

Maholo kire sili i nume na kire ko leesie kele wee-wee na nikana, a Meri, oto kire ko pouruuru i naꞌona ni haꞌamaꞌunge aana. I leune kire ko tahanie mo mweꞌi ikire, na kire ko tahoa mo ola diana haliꞌite mala kol na e ro taungei dango wau-wesu nge kire haaraꞌinie frankinsens na mur, mo ola nge holiteni e paine hiitoꞌo, na kire ko niiꞌi oto hunie.

Matiu 20:8

“Oto i seulehi, naꞌohai mwane paine ngeena ko unue hunie naꞌohana mwala auꞌesu uuri, ‘Soie mai mwala auꞌesu, na o ke niie mo toꞌoha ikire hunire. O ke talaꞌae aana mo iini kire hule haꞌi puri, o si lai haꞌamango aana mo iini kire hule holaꞌinaꞌo.’

Matiu 25:40

“Oto ineu a Inemauri ne ke si aalamire uuri, ‘No ko unue oto huniꞌomu uri nga taa nge omu da urine hunie nga kele iini aana mo eesiku ienini, omu da hunieu ni otona.’

Matiu 26:11

Aana mo iinoni meitale kire kei iiꞌo peꞌiꞌomu mola tarau, taꞌe ineu nge nou saꞌa iiꞌo ike peꞌiꞌomu taraureꞌi.

Matiu 27:55

Mo keni hunge kire uure noꞌone wau haꞌatau mwaanie poꞌu-poꞌu, kire ko haꞌa-haꞌamaesie nga taa ko reu. Mo keni ngeena kire lae oto mai peꞌie a Jisas uure i Kalili huni peꞌi-peꞌie i sulie tala.

Tataroha Diana I Sulie A Jisas Kraes Nge A Luk E Uusue 24:10

Mo keni nge kire haꞌarongoa mo hurulaꞌaa aana nga taa e rau, nge a Meri ni Makdala, na a Joana, na Meri nikana Jemes, na ngaeta mo keni loꞌu.

Tataroha Diana I Sulie A Jisas Kraes Nge A Jon E Uusue 12:6

A Jiudas e talei ere kaꞌu urine, taꞌe hule aana ingeie e kaꞌa neꞌi-neꞌisae ike aana mo iinoni meitale. E ere urine mola i sulie ingeie iinoni peli-peli. Mwaꞌii toꞌoha mo pwaarongoisuli mone aana, oto ko talei deu mala saena mola aana.

Palonga 13:1

Aana soihaadaꞌinge i Antiok ngaeta mo propet na mo haꞌa-uusuli kire iiꞌo wau i leune. Na mo mwaena nge a Banabas, na a Simion nge ngaeta sata aana a Pulu-puluꞌe, na a Manaen iini nge e paine tararuru peꞌie a Herod Antipas Inemauri, na a Lusias mwane ni Saerin, na a Sol.

2 Korinit 8:9

Aana saeku hunie omu ke haimaanie hahuꞌana manata-diananga Aalaha ikie a Jisas Kraes. Omu saie mola uri e tohungei toꞌo-toꞌo kaꞌu oto taꞌau i Lengi, taꞌe e si lae mai neꞌi iinoni meitale mola i tehulaꞌamiu, uri hunie omu ke neꞌi iinoni toꞌo-toꞌo i tehulaꞌana maitalenga ingeie ngeena.

Pilipae 4:22

Ahutana mwala nge kire hiiwalaimoli na kire iiꞌo mai leu i Rom, na oto liutaa mo eesikaelu nge kire ko esu weu i nume a inemauri, kire ko niie noꞌone wau saediananga ikire huniꞌomu.

1 Timoti 5:10

Mo nao keni urine kire ke neꞌie oto mo iini nge ahutana mwala kire lio saie uri kire ko esuie mo ola diana tarau. ?Uri e haꞌasai diana taane aana mo mwela ingeie? ?Uri e totola konie taane mo awataa? ?Uri e rararetaꞌinie taane kira hiiwalaimoli peꞌi haꞌamwai-mweiꞌanga? ?Uri e peꞌi-peꞌie taane kira siꞌohaꞌa? ?Uri e oꞌoꞌo aakau taane huni peꞌie taꞌena nga iinoni? Mo nao keni repo nge tolahada e diana urine o ke si uusue satada hunie soihaadaꞌinge ke lio i sulire.