Tataroha Diana I Sulie A Jisas Kraes Nge A Luk E Uusue 8:1 - Tataroha Diana

¹ Oto purihaꞌana walu olana e saro mango, a Jisas e si lae i sulie ahutana mo henue paine na mo kele huilume mwai-mwei aana poꞌo ni henuena, aana ko laengaꞌinie Tataroha Diana aana Aalahanga a God. Aawalai pwaarongoisuli mwana rue ingeie kire lae noꞌone peꞌie.

Tataroha Diana I Sulie A Jisas Kraes Nge A Luk E Uusue 8:1 Iomraidhean Croise

Matiu 11:1

Maholo a Jisas e hatongaꞌi wala mango hunie aawalai pwaarongoisuli mwana rue ingeie, e si lae mwaanie i leune na ko lae loꞌu hunie poꞌo ni henue i Kalili huni haꞌa-uusuli na ni laeliwala nana mwala aana mo huilume hao i leune.

Matiu 13:19

Tala nge mo lite ngeena kire teke i sulie e urihana mo iini nge kire rongoa taane mo wala aana Aalahanga a God. Taꞌe e kaꞌa tewa na a Satan e lae mai ko taꞌaasie nga taa nge hasilana e lae kaꞌu i manatada.

Matiu 4:23

A Jisas e lae-lae kalie ahutana mo henue aana poꞌo ni henue i Kalili, peꞌi haꞌa-uusulinge i laona mo nume ni palo-palo mo Jiu, na peꞌi tarohaꞌinilana Tataroha Diana i sulie Aalahanga a God. Na e haꞌa-uurie noꞌone ahutana mwala nge kire toꞌo aana taꞌena nga maelaa hai aaopaꞌi.

Matiu 9:35

A Jisas e lae peꞌi maatolie ahutana mo huilume aana poꞌo ni henuena. Na e lae peꞌi haꞌa-uusuli i laona mo nume ni palo-palo mo Jiu aani laeliwalanga aana Tataroha Diana i sulie Aalahanga a God, na e haꞌa-uurie mwala peꞌie taꞌena nga taungei maelaa oto mola.

Tataroha Diana I Sulie A Jisas Kraes Nge A Mak E Uusue 1:39

Oto e si lae kalie ahutana mo huilume i Kalili peꞌi laeliwalanga i laona mo nume ni palo-palo mo Jiu, na peꞌi oohe aasie mo liꞌoa aaela loꞌu noꞌone.

Tataroha Diana I Sulie A Jisas Kraes Nge A Luk E Uusue 1:80

Oto kele mwelana e paine taꞌe, na ko manata peꞌi loꞌongaꞌinge diana. E talei oꞌoꞌo mola i laona hanuesala, lai hule aana hai dinge e aehotaa asunge ingeie i matolana mwala ni Israel.

Tataroha Diana I Sulie A Jisas Kraes Nge A Luk E Uusue 20:1

A Jisas e haꞌa-uusulie mwala taꞌau i laona lolata aana Nume Maaꞌi Peine, na e lae-laeliwala aana Tataroha Diana. Oto aana ngaeta hai dinge, mo naꞌohai pris na mo haꞌa-uusuli aana mo Haꞌatolanga a Mosis peꞌie mo rato ni mwane kire lae taꞌau huni ere peꞌie.

Tataroha Diana I Sulie A Jisas Kraes Nge A Luk E Uusue 4:18

Liꞌoa Maaꞌi a God oto peꞌieu, aena aana e lio hilisieu huni tarohaꞌinie Tataroha Diana hunie mo iinoni meitale. E uusungeꞌinieu huni tarohaꞌinie uri mo iini kire hoꞌosire i nume ni hoꞌo uri kire ke iiꞌo luhetaꞌi oto, na huni haꞌarongoa mo ulu uri kire ke lio loꞌu, Aesaea 61:1 na huni unue hunie mo iini kire iiꞌo i mamalutana mwala e sai haꞌamweꞌu-mweꞌu uri kire ke iiꞌo luhetaꞌi loꞌu, Aesaea 58:6

Tataroha Diana I Sulie A Jisas Kraes Nge A Luk E Uusue 9:6

Oto mo hurulaꞌaa e tauleꞌi, kire ko si lae i sulie ahutana mo henue huni tarohaꞌinie Tataroha Diana, na kire ko haꞌa-uurie mwala aana taꞌena nga leu.

Palonga 10:38

Na omu saie oto uri a God e lio hilisie a Jisas ni Nasaret na e da e toꞌo aana Liꞌoa Maaꞌi na nanamanga. Oto aena aana a God e iiꞌo susu peꞌie, a Jisas e lae-lae hailiu aana taꞌena nga leu, na e asuie mo ola diana, na e haꞌa-uurie mo iini nge kire iiꞌo i hahana nanamanga a Satan.

Palonga 13:32

Na iꞌemereꞌi ni oto mere iiꞌo huni tarohaꞌinie Tataroha Diana huniꞌomu. Aena nga taa nge a God e haiholotaꞌinie hunie mo weuwaka i naꞌo,

Uusu-uusu A Pol Hurula'aa Hunie Mo Rom 10:15

?Na tarohaꞌinilana mei wala ngeena kei lae hunire uri taa, na nga iini huni lae i saada haꞌike, wa nga iini uusungeꞌinilana haꞌike? Taꞌe a God e uusungeꞌinie ngaeta mo iini taane, na mo Uusu-uusu Maaꞌi ko ere i sulire maholo ko unue uuri, Hulanga mo iini ko tarohaꞌinie mai tataroha diana, mei ola ni ilenimwaꞌenga oto paine ni ngeena. Aesaea 52:7