Tataroha Diana I Sulie A Jisas Kraes Nge A Luk E Uusue 3:3 - Tataroha Diana

³ Oto a Jon ko lae oto i sulie ahutana mo henue kali-kelie wai peine i Jodan na ko tarohaꞌinie hunie mwala uri kire ke aaliꞌu toꞌohuu mwaanie oorahaꞌaa, nge kire ke si loto maaꞌi hunie a God ke saeꞌaasie mo oorahaꞌaa ikire.

Tataroha Diana I Sulie A Jisas Kraes Nge A Luk E Uusue 3:3 Iomraidhean Croise

Matiu 3:11

“Ineu no ko loto maaꞌi eemiu aani wei huni haataꞌinie uri omu oonisae oto mwaanie mo oorahaꞌaanga iꞌomu. Taꞌe iini nge kei lae mai puriku, ingeie e paine loꞌu liutaa aaku, hule aana ineu na nou kaꞌa diana malisine ne ke asu mala koni-konihe huni luhesie hoꞌohaahiꞌae ingeie. Ingeie ke si loto maaꞌi aana ngaeta mwala aana Liꞌoa Maaꞌi, na ngaeta mwala kei lotohire aana dunge ni haꞌamotaahinge.

Tataroha Diana I Sulie A Jisas Kraes Nge A Luk E Uusue 1:16

Kei peꞌie mo iini hunge aana mwala ni Israel huni haꞌa-aaliꞌure takoie a God, Aalaha ikire.

Tataroha Diana I Sulie A Jisas Kraes Nge A Luk E Uusue 1:77

Na huni haꞌarongoa mwala ingeie uri ingeie kei haꞌa-uurire aani saeꞌaasilana mo roroꞌanga ikire.

Tataroha Diana I Sulie A Jisas Kraes Nge A Luk E Uusue 4:1

Oto a Jisas e aalihoꞌi mwaanie wai i Jodan, na Liꞌoa Maaꞌi e iiꞌo oto peꞌie, e si toolea taꞌau i henuesala.

Tataroha Diana I Sulie A Jisas Kraes Nge A Jon E Uusue 1:28

Walu erenga ienini kire rau oto wau aana leu a Jon e loto maaꞌi aana, nge e karaꞌinie huilume i Betani poꞌo wau hatarie sato pwaa aana wai i Jodan.

Tataroha Diana I Sulie A Jisas Kraes Nge A Jon E Uusue 3:26

Lae-lae, kire lae mai i saana Jon na kire ko haꞌarongoa uuri, “?Haꞌa-uusuli, o saie mwane nge e oꞌoꞌo peꞌiꞌo i reune wai i Jodan aana aapa poꞌo wau, nge o ere-ere i sulie? A mwaena ko loo-loto maaꞌi oto, na ahutana mwala ko meni lae oto i saana.”

Palonga 13:24

Na a Jon e dau aakau aana laenga mai a Jisas, aana e holaꞌi laengaꞌinie hunie ahutana mwala ni Israel uri kire ke oonisae mwaanie mo oorahaꞌaa ikire na kire ke tohungei loto maaꞌi oto.

Palonga 19:4

Oto a Pol ko teꞌuri loꞌu, “A Jon e loto maaꞌi aana mwala nge kire oonisae mwaanie mo oorahaꞌaa ikire. Na e unue hunie mwala uri kire ke hiiwalaimoli aana iini nge kei lae loꞌu mei puri, na ingeie oto a Jisas.”

Palonga 22:16

?Oto nga taa ue o ko maaꞌoohie? Taꞌelaꞌi na o ke aarengaꞌi aana satana Aalaha hunie a God ke saeꞌaasie mo oorahaꞌaanga iꞌoe, na o ke loto maaꞌi.’