Tataroha Diana I Sulie A Jisas Kraes Nge A Luk E Uusue 17:2 - Tataroha Diana

² Oto mala nga iini ko haꞌatataroa nga kele iini aana mo iini ko hiiwalaimoli eeku ienini, e lae otoi diana hunie iini urine pwarolana nga hau peine ke lae mola i luana, oto kulu-aasilana ke lae mola i laona aasi.

Tataroha Diana I Sulie A Jisas Kraes Nge A Luk E Uusue 17:2 Iomraidhean Croise

Matiu 17:27

Taꞌe aana ke urine, na kolu kaꞌa saetoꞌo aana ike uri mwalana ke neꞌisae aaelasikolu. Oto o ke lae, na o ke lai aasie walo hai laona aasi ngeena. Ho iiꞌe o kei holaꞌi weꞌinie, o ke lio i laona wawana, na i leune o kei lio oodoie nga seleni malisine nga taa kire ko sukaa mwaanikure. O ko hele aana, oto o ko lai niie hunire arengakarue.”

Matiu 18:10

Oto a Jisas ko heꞌi teꞌuri loꞌu, “Omu ke lio talamiu mwaanie omu lio tolingeꞌinie nga kele iini aana mo iini e hiiwalaimoli eeku. Aana no ko unue oto huniꞌomu uri ikire kire toꞌo aana mo ensel huni kakalire, na mo ensel ngeena kire sai ere mola peꞌie Aamaku i Lengi aana taꞌena nga maholo.

Matiu 18:14

E urine loꞌu aana Aamaku i Lengi, e kaꞌa saetoꞌo aana ike uri nga taꞌa-taꞌa kele iini aana mo iini e hiiwalaimoli eeku ke takalo.”

Matiu 26:24

Ineu a Kale Ni Iinoni ne kei mae taane oto mala mo Uusu-uusu Maaꞌi e unue. Taꞌe aama-aamasilana a mwane ngeena nge kei pweloau a Kale Ni Iinoni, aana kei lae otoi diana hunie iinoni ngeena mala uri ke suꞌuri hute.”

Tataroha Diana I Sulie A Jisas Kraes Nge A Mak E Uusue 9:42

Oto a Jisas ko heꞌi ere uuri loꞌu, “Oto mala nga iini ko haꞌatataroa nga kele iini aana mo iini ko hiiwalaimoli eeku ienini, e lae otoi diana hunie iini urine pwarolana nga hau peine ke lae mola i luana, oto kulu-aasilana ke lae mola i laona aasi.

Tataroha Diana I Sulie A Jisas Kraes Nge A Jon E Uusue 21:15

Maholo kire ngau mango oto, nge a Jisas ko si teꞌuri hunie a Saemon Pita, “?Saemon, kalena Jon, uri o manata diana taane hunieu liutaa aana mo iini ie kire manata diana hunieu?” Oto a Pita e aalamie ko teꞌuri, “Iau, Poro paine, o saie kaꞌu oto uri nou manata diana huniꞌo.” Oto a Jisas ko si teꞌuri hunie, “O ke nii-nii ana mo kalei sipu ineu.”

1 Korinit 9:15

Taꞌe maꞌalana e toꞌohuu taane oto urine, no ko tohalaꞌi mola aana uri nou kaꞌa toolea ike taꞌena nga mei ola mwaaniꞌomu. Oto ie nou kaꞌa uusu-uusu ike hunie omu ke nii-nii nekue urine. !Nou sereꞌi! Aana e lai diana hunieu uri hunie ne ke mae oto, taꞌe nga iini eemiu ke suꞌuri unue uri no ko esu mola huni toꞌoha. Mala uri omu ko ere urine, nge omu ko da uri toohaꞌinileku ke totowai mola.

1 Korinit 9:22

Na maholo nou iiꞌo peꞌie mo iini nge ko lulu i sulie mola mo haꞌatolanga ni iinoni aana hiiwalaimolinge ikire e mamaelaꞌa, nou iiꞌo noꞌone mala ikire hunie ne ke peꞌire hunie kire ke hiiwalaimoli toꞌohuu. Oto nou iiꞌo oto i sulie ahutana mo tolahai iinoni nge kire toꞌo aani huni deu aahonga huni peꞌire hunie kire ke toꞌo aana maurihe huu.