Tataroha Diana I Sulie A Jisas Kraes Nge A Luk E Uusue 16:2 - Tataroha Diana

² Oto e soie mai na ko teꞌuri hunie, ‘?Nga taa ni no ko rongoa mwala ko unue aamu? O ke uusu samangaꞌinie kaꞌu mei nga moi taa o esuiꞌi aana o lio-lio i sulie toꞌo-toꞌolaku, aena aana o saꞌa lio i suli ike loꞌu.’

Tataroha Diana I Sulie A Jisas Kraes Nge A Luk E Uusue 16:2 Iomraidhean Croise

Matiu 12:36

“No ko unue oto huniꞌomu uri aana dinge ni leinge taꞌena nga mei wala oto mola mo iinoni ko talei unu-unue, iidumileni kei lae.

Matiu 20:8

“Oto i seulehi, naꞌohai mwane paine ngeena ko unue hunie naꞌohana mwala auꞌesu uuri, ‘Soie mai mwala auꞌesu, na o ke niie mo toꞌoha ikire hunire. O ke talaꞌae aana mo iini kire hule haꞌi puri, o si lai haꞌamango aana mo iini kire hule holaꞌinaꞌo.’

Tataroha Diana I Sulie A Jisas Kraes Nge A Luk E Uusue 12:20

Taꞌe a God e teꞌuri hunie a mwaena, ‘!O tohungei pweu! Siꞌiri rodo, oto o kei mae. ?Haꞌalaa, a tei nge kei toꞌo aana ahutana walu ola nge o ko duduruꞌi mola namue maraamune eena?’ ”

Tataroha Diana I Sulie A Jisas Kraes Nge A Luk E Uusue 12:42

Oto a Jisas ko aalamie a Pita uuri, “No ko unue huniꞌomu na hunie taꞌena nga iini e saenanau. ?Aana a tei kaꞌu e saenanau na e neꞌi koni-konihe diana? Ingeie oto iini nge aalaha ingeie e neꞌie hunie ke lio i sulie ngaeta mwala auꞌesu aana maholo ko lae, na hunie ke nii-niie waaitada hunire i suli maholo.

Tataroha Diana I Sulie A Jisas Kraes Nge A Luk E Uusue 16:1

Na a Jisas e teꞌuri loꞌu hunie mo pwaarongoisuli ingeie, “Ngaeta mwane toꞌo-toꞌo e toꞌo aana nga naꞌohai mwane auꞌesu huni lio i sulie mo esunge ingeie. Mwane toꞌo-toꞌo ngeena, e oꞌoꞌo na ko rongoa mwala ko unue uri naꞌohai mwane ngeena ko waelie mola mo toꞌoha ingeie.

Tataroha Diana I Sulie A Jisas Kraes Nge A Luk E Uusue 16:3

“Oto naꞌohai mwane lio-lio i suli ngeena ko loꞌongaꞌi mola i saena maraana uuri, ‘E lio mala poro paine ineu kei haꞌamangoau oto mwaanie mei esunge ineu ni ngeena. ?Nga mei taa ni ne kei da? Ineu, nou kaꞌa adona oto elilana nga ineli, na no ko mamasa huni suke toꞌoha mwaanie mwala.

Uusu-uusu A Pol Hurula'aa Hunie Mo Rom 14:12

Oto i leune kie saie uri a God hahaiteli ni kei leie ahutana mo iinoni.

1 Korinit 1:11

No ko ere urine, maeni eesiku, i sulie ngaeta mwala aana uluhe kira Kloui ni kire haꞌarongoau uri omu ko talei haꞌa-ere oto mola tarau.

1 Korinit 4:2

Na omu saie taane e taꞌa-taꞌa mei ola mola ni e roroꞌa oto liutaa. E roroꞌa mola hunie mo koni-konihe kire ke asu toꞌohuu nana mo poro paine ikire.

1 Korinit 4:5

Oto omu ke suꞌuri leie mwala, aena aana e kaꞌa hule ue aana maholo a God kei lae mai huni leie mwala. Oto omu ke maaꞌoohie kaꞌu Aalaha ikie kei lae mai, aana ingeie nge ke si haataꞌinie mo ola kire oꞌoꞌo mumuni rorodoꞌa hunie kire ke iiꞌo haadaꞌi. Ingeie oto kei haataꞌinie saehaahinge mo iinoni, na kei lahera i sulie nga taa nga iini e asuie.

2 Korinit 5:10

Aana kie mani manataꞌinie oto uri ahutaka mo iinoni, kie kei meni lae i uure i naꞌona naunekume ni leinge a Kraes taꞌau i Lengi hunie ingeie kei waaikie oto i sulie helelaka mai aano i leu e diana wa e aaela.

1 Timoti 4:14

Na o ke aamasitoꞌo kaꞌu aana maholo mo naꞌohai mwane aana soihaadaꞌinge kire hele i pweumu na ngaeta mo propet aada kire unu tahangaꞌinie walana a God i suliꞌo. Aana maholona a Liꞌoa Maaꞌi e niie nanamanga huniꞌo hunie o ke asu diana nana. Oto mwaanie o pupulongosie mei niinge ngeena, taꞌe o ke asu diana mola aana nanamanga ngeena.

1 Timoti 5:24

Iau, mala nou si unue kaꞌu huniꞌo, o ke holaꞌi loꞌo-loꞌongaꞌi diana i naꞌona o ke si haꞌamaaꞌie nga iini. Aana mo oorahaꞌaa ngaeta mwala kire iiꞌo haadaꞌi mola huni leesiꞌi, na maꞌalana leilada e kaꞌa lae ike ue, taꞌe mwala kire sai leesie oto uri kire dau aaela. Na loꞌu mo oorahaꞌaa ngaeta mo iini kire iiꞌo mumuni, taꞌe leesileni ko si lae taane mai i puri.

1 Pita 4:10

Iau, omu ke peꞌiꞌomu heiliu, aana a God e niie oto hunie taꞌena nga iini eemiu mei nanamanga huni deu esunge nana. Oto taꞌena nga iini eemiu ke asu diana aana taungei nanamanga a God e niie oto nana, hunie mo niinge hai aaopaꞌi nge a God e niiꞌi nana soihaadaꞌinge ke mani eehu diana.

1 Pita 4:5

Taꞌe mwaanie omu rongo hunire, aana a God kei haro leire taane haahie leune. Aana a God kei leie taane ahutana mwala, mo iini e mauri ue na mo iini e mae oto.

Haataꞌinge 20:12

Na nou leesie mo iini e mae oto, mo iini peine na mo iini mwei-mwei, kire mani uure i naꞌona naunekume. Aasi e niie taꞌau ahutana mo iini nge kire mae i laona, na mwakano e niie taꞌau mo iini e mae na kire oꞌoꞌo i laona, na ahutana mo iini kire mae kire mani taꞌelaꞌi oto taꞌau. Oto kire ko tahanie mo uusu-uusu, na kire tahanie uusu-uusu aana maurihe, nge e toꞌo aana satana ahutana mo iini kire kei meuri oto huu. Na kire tahanie mo uusu-uusu loꞌu nge ko unue nga taa mwala kire asuie mai aano. Oto leilada e lae oto i sulie nga taa kire asuie nge uusulana e lae i laona mo uusu-uusu ngeena, nga iini oto i sulie nga taa ingeie maraana e asuie.