Tataroha Diana I Sulie A Jisas Kraes Nge A Luk E Uusue 12:4 - Tataroha Diana

⁴ Oto a Jisas ko heꞌi teꞌuri loꞌu, “Maeni malahuku, omu ke suꞌuri meꞌuteꞌinie mwala ko sare horoꞌiꞌomu, aana kire saꞌa da loꞌu nga mei ola aaela huni waeliꞌomu mei puri.

Tataroha Diana I Sulie A Jisas Kraes Nge A Luk E Uusue 12:4 Iomraidhean Croise

Matiu 10:28

Mwaanie omu meꞌu-meꞌuteꞌinie mo iini ko sare horoꞌiꞌomu, aana kire sai horoꞌie mola sapemiu, taꞌe e aasa hunie kire ke horoꞌie maurihaꞌamiu. Taꞌe omu ke maꞌuteꞌinie mola a God aana taꞌe ingeie haliꞌite nge e toꞌo aana nanamanga huni deu tekelaꞌinie sape na maurihaꞌai i laona dunge ni haꞌamotaahinge.

Tataroha Diana I Sulie A Jisas Kraes Nge A Jon E Uusue 15:13

Nga iini e kaꞌa haataꞌinie ike nga mei manata-diananga ke paine loꞌu liutaa aana iini ko niie maurihaꞌana hunie mo malahune.

Palonga 20:24

Taꞌe mauringe ineu e kaꞌa roroꞌa ike hunieu, aana mei naꞌohai ola e roroꞌa hunieu oto uri ne ke haꞌamangoa asunge nge a Jisas Aalaha ikie e niie hunieu hunie ne ke asuie. Na mei esungena oto uri ne ke tarohaꞌinie Tataroha Diana i sulie aamasinge na manata-diananga a God hunikie.

Palonga 4:13

Oto mo mwane aana pulitaa ni lei-lei ngeena kire ko si tohungei pangataꞌi aana kire leesie a Pita na Jon kirerue kaꞌa maꞌu loꞌu, maꞌalana uri kirerue e ro mei iinoni reu mola na kirerue kaꞌa sukulu diana ike. Na i leune nge kire si lio saie uri ikirerue ni kire lae-lae tarau peꞌie a Jisas holaꞌinaꞌo.

Pilipae 1:28

Omu ke suꞌuri meꞌuteꞌinie mo maelonga iꞌomu, taꞌe omu ke uure aꞌailaꞌa, hunie ke haataꞌinie aada uri a God ni kei haꞌa-uuriꞌomu, na kei haꞌaloire.

Jemes 2:23

Na e haꞌa-oaie mo wala aana Uusu-uusu Maaꞌi nge unue uuri, A Ebraham e hiiwalaimoli aana God, na aena urinena nge e neꞌi iinoni oodotaꞌi i maana a God. Jenesis 15:6 Oto mwala e si haaraꞌinie uri ingeie malahune a God.

1 Pita 3:14

Taꞌe maꞌalana uri omu ko sapesalu i tehulaꞌana oodotaꞌinge, omu ke ile-ilenimwaꞌe mola aana a God kei haro haꞌadianaꞌaꞌomu taane. Oto omu ke suꞌuri tolahiꞌe i sulie mei sapesalunge, na omu ke suꞌuri meꞌuteꞌinie nga iini.

Haataꞌinge 2:10

Mwaanie omu meꞌu-meꞌuteꞌinie nga mei ola aana walu ola nge karaꞌinie oto kire kei reu eemiu ngeena. !Omu ke rongo kaꞌu! A Pwelu Eero-eero kei malaahongamiu na kei aasie ngaeta mo iini eemiu i laona nume ni hoꞌo, na taungeꞌinilemiu kei lae mola i sulie aawalai hei dinge haahuu. Omu ke hele susuleꞌi mola aaku lai hule aana maenga, oto ne kei niie huniꞌomu rorodara ni meurihe.