Tataroha Diana I Sulie A Jisas Kraes Nge A Luk E Uusue 11:2 - Tataroha Diana

² Oto a Jisas ko teꞌuri hunire, “Maholo omu ko aarengaꞌi, omu ke ere uurini. Mamaꞌa, Mwala ke haꞌamaꞌu aana satamu. Aalahanga iꞌoe ke lae mai.

Tataroha Diana I Sulie A Jisas Kraes Nge A Luk E Uusue 11:2 Iomraidhean Croise

Matiu 10:32

“Oto mala uri nga iini nge ko unu tahangaꞌinie i naꞌona mo iinoni uri ingeie iinoni ineu, nge ineu noꞌone ne kei unu tahangaꞌinie i naꞌona Aamaku i Lengi.

Matiu 3:2

“Omu ke aaliꞌu toꞌohuu mwaanie oorahaꞌaa aena aana Aalahanga a God ko karaꞌini oto mai.”

Matiu 5:16

Oto iꞌomu, omu ke urine noꞌone. Raa-raa iꞌomu ke raangie ahutana mwala, hunie kire ke lio saie mo ola diana nge omu ko esuiꞌi na kire ke soi haꞌamanikuluꞌaa Aamamiu i Lengi i tehulaꞌani.”

Tataroha Diana I Sulie A Jisas Kraes Nge A Luk E Uusue 11:1

Ngaeta hai dinge a Jisas e lai iiꞌo aana ngaeta leu, oto ko aarengaꞌi. Maholo e aarengaꞌi mango oto, nge ngaeta iini aana mo pwaarongoisuli ingeie ko si teꞌuri hunie, “Aalaha ineu, o ke haꞌasaiꞌemeelu noꞌone aana tolahana aarengaꞌinge, oto mala a Jon e haꞌasaie kaꞌu mo pwaarongoisuli ingeie.”

Uusu-uusu A Pol Hurula'aa Hunie Mo Rom 1:7

Oto ie no ko uusu-uusu hunie ahutemiu weu i Rom, mwala nge a God e manata diana huniꞌomu na e soiꞌomu hunie omu ke neꞌie oto mo tohungei iinoni maaꞌi ingeie. No ko eitanaie a God Aamaka na a Jisas Kraes Aalaha ikie, uri kire ke haataꞌinie hahuꞌana manata-diananga huniꞌomu, na uri ke niie hanuelamanga huniꞌomu.

Uusu-uusu A Pol Hurula'aa Hunie Mo Rom 8:15

Aana Liꞌoa Maaꞌi nge a God e niie oto huniꞌomu ngeena, e kaꞌa asuie ike hunie omu ke maꞌu-meꞌu oto tarau mala koni-konihe nge e dau aaela. !Haꞌike! Taꞌe a Liꞌoa Maaꞌi ko si da mola omu ke neꞌi kalena God, na aana omu saie uri a God ko manata diana huniꞌomu urine, nge omu sai soie aana, “!Mamaꞌa! !Mamaꞌa!”

1 Korinit 1:3

Mere ko eitanaie a God Aamaka na Aalaha ikie a Jisas Kraes uri hahuꞌana manata-diananga na hanuelamanga ingeie ke iiꞌo peꞌiꞌomu.

2 Korinit 1:2

Mere ko eitanaie a God Aamaka na a Jisas Kraes Aalaha ikie, uri kire ke haataꞌinie hahuꞌana manata-diananga huniꞌomu, na uri kire ke niie hanuelamanga huniꞌomu.

Kalesia 1:4

Mala a God Aamaka e saetoꞌo aana, a Kraes e toliꞌaasie maraana uri hunie ke mae huni taꞌaasie mo oorahaꞌaa ikie, na hunie ke haꞌa-uurikie hunie kie ke iiꞌo luhetaꞌi mwaanie tolaha tataꞌala ni welumalau.

Epesas 1:2

No ko eitanaie a God Aamaka na Aalaha ikie a Jisas Kraes uri hahuꞌana manata-diananga na hanuelamanga ingeie ke iiꞌo peꞌiꞌomu.

Pilipae 1:2

Mere ko eitanaie a God Aamaka na Aalaha ikie a Jisas Kraes uri hahuꞌana manata-diananga na hanuelamanga ingeie ke iiꞌo peꞌiꞌomu.

Pilipae 4:20

Aena urine, kie ke haꞌamanikuluꞌaa God Aamaka taraureꞌi. !Iau, ke urine oto!

Kolosi 1:2

mere ko uusu-uusu ienini huniꞌomu, maeni eesiku maaꞌi, nge omu ko lulu i sulie a Jisas toꞌohuu wau aana huilume i Kolosi. Melu ko eitanaie a God Aamaka uri hahuꞌana manata-diananga na hanuelamanga ingeie ke iiꞌo peꞌiꞌomu.

1 Tesalonaeka 1:1

Saediananga mwaanieu a Pol na a Saelas na a Timoti huniꞌomu aana soihaadaꞌinge wau i Tesalonaeka. Iꞌomu oto mo iinoni a God Aamaka na Aalaha ikie a Jisas Kraes, na melu ko eitanai uri hahuꞌana manata-diananga na hanuelamanga ingeie ke iiꞌo peꞌiꞌomu.

1 Tesalonaeka 1:3

Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.

2 Tesalonaeka 2:16

Oto melu ko eitanai uri Aalaha ikie a Jisas Kraes na a God Aamaka, ke haꞌasusue saemiu na ke haꞌa-aꞌailaꞌaꞌomu hunie taꞌena nga mei ola diana omu ko esuie wa omu ko unue. Na kei toꞌohuu oto aana melu saie oto uri e tohungei manata diana hunikie na haꞌasusulaka e saꞌa mou-mou ike oto ooꞌoo, na haiholotaꞌinge ingeie hunikie e tohungei diana na kie sai nou-norue oto mola haliꞌite.

Haataꞌinge 11:15

Oto hiune nga ensel e uuhie aahuri ingeie, na mo wala paine uure taꞌau i Lengi ko teꞌuri, “A God ikie na iini e lio hilisie hunie ke neꞌie a Haꞌa-uuri, ikire oto kire toꞌo aana nanamanga haahie ahutana walu ola aana walumalau na huni aalaha haahie oto huu.”

Haataꞌinge 15:4

?A tei e kaꞌa sai meꞌuteꞌiniꞌo, Aalaha? ?Na a tei e saꞌa haꞌamanikuluꞌaa satamu? Sulie taꞌe iꞌoe oto o maaꞌi, ahutana mwala kei meni paalaheꞌo aana o haataꞌinie oto oodotaꞌinge iꞌoe.”

Haataꞌinge 19:6

Oto nou heꞌi rongoa loꞌu mei wala paine domana oto uri mwala hunge ko ere, na domana oto kou-kouhaꞌana naho paine, na domana oto ho lou-lou ko kakahite, na kire ko teꞌuri, “Lahea God ikie, aana God Aalaha Hahuꞌana Nanama e aalaha oto.

Haataꞌinge 20:4

Na nou leesie noꞌone ngaeta mo neunekume, na mo iini kire iiꞌo i lengini kire toꞌo aana nanamanga hunie leinge. Nou leesie noꞌone mangona mo iini nge horoꞌilada e lae oto i naꞌo, aena aana kire tarohaꞌinie a Jisas na walana a God. Kire kaꞌa haꞌapainaꞌaa ike ola loo-looꞌa ngeena wa nunune, na kire kaꞌa toꞌo aana ike haꞌa-ara ingeie i naꞌona darada wa i nimada. Oto kire mauri eelihoꞌi, na kire ko aalaha peꞌie a Kraes hunie sinolai helisi ngeena.