Tataroha Diana I Sulie A Jisas Kraes Nge A Jon E Uusue 3:2 - Tataroha Diana

² e lae mai saana Jisas aana ngaeta hai rodo, oto ko teꞌuri, “Haꞌa-uusuli, melu leesie tolimaa aana mo huꞌi-huꞌite o ko esuiꞌi ngeena, na melu manataꞌinie uri iꞌoe nga haꞌa-uusuli uure oto mwaanie a God. Aana nga taꞌa-taꞌa iinoni e saꞌa roroꞌa ni esuie ike mo huꞌi-huꞌite o ko esuiꞌi ngeena, na uri a God kaꞌa peꞌie.”

Tataroha Diana I Sulie A Jisas Kraes Nge A Jon E Uusue 3:2 Iomraidhean Croise

Matiu 22:16

Oto kire ere tararuru peꞌie pulitaa a Herod Inemauri, na kire ko uusungeꞌinie taꞌau mo pwaarongoisuli ikire i saana a Jisas peꞌie ngaeta mo mwane aana poꞌo ni mwane a Herod. Oto mo mwaena kire ko unue hunie a Jisas uuri, “Haꞌa-uusuli, melu saie uri walaimolinge ni oto o ko unu-unuena, aana o ko haꞌa-uusuli i sulie hari-huninge a God hunie mo iinoni. Oto o kaꞌa aapwasu ike aana nga taa mwala ko loꞌo-loꞌongaꞌinie, aena aana o kaꞌa lio ike hunie maana mo iinoni.

Matiu 23:7

Saeda noꞌone uri mwala ke haꞌamaꞌu aada maholo kire ko walo liu i laona mo leu ni uusiꞌe, na saeda noꞌone uri mwala ke haaraꞌinire aana, ‘Haꞌa-uusuli.’ ”

Matiu 23:8

“Taꞌe iꞌomu, omu ke suꞌuri toliꞌaasie mwala ke haaraꞌiniꞌomu aana, ‘Haꞌa-uusuli,’ aena aana omu toꞌo aana mola e taꞌa-taꞌa haꞌa-uusuli, na iꞌomu mo mwaasine haliꞌite.

Tataroha Diana I Sulie A Jisas Kraes Nge A Mak E Uusue 12:14

Kire lae mai saana a Jisas, oto kire ko teꞌuri, “Haꞌa-uusuli melu saie uri walaimolinge ni oto o ko unu-unuena. Oto o kaꞌa aapwasu ike aana nga taa mwala aaopa ko loꞌo-loꞌongaꞌinie aena aana o kaꞌa lio ike hunie maana mo iinoni, taꞌe o ko haꞌa-uusuli mola i sulie hari-huninge a God hunie mo iinoni. Oto o ke unue oodoiꞌemeelu. ?Uri e adona taane huni niie takis hunie aalahanga ni Rom wa haꞌike?”

Tataroha Diana I Sulie A Jisas Kraes Nge A Jon E Uusue 1:38

A Jisas e aaliꞌu na ko leesie e ro mwane ko lae i sulie. Oto ko dolosi aadarue uuri, “?Nga taa more saetoꞌo aana?” Oto kirerue ko aalamie uuri, “?O ko oꞌoꞌo i tei, Rabae?” (Mei wala “Rabae” ngeena, ngaeta mei wala aana erenga mo Jiu, loꞌongaꞌinge aana uri “Haꞌa-uusuli.”)

Tataroha Diana I Sulie A Jisas Kraes Nge A Jon E Uusue 10:38

Taꞌe mala uri no ko esuie taane mo esunge Aamaku, nge e malisine uri omu ke hiiwalaimoli aana mo ola no ko esuiꞌi, maꞌalana omu kaꞌa hiiwalaimoli ike aana walaku. I leune nge omu kei sai diana aana uri a Mamaꞌa taane i lalo aaku, na ineu i lalo aana a Mamaꞌa.”

Tataroha Diana I Sulie A Jisas Kraes Nge A Jon E Uusue 12:37

A Jisas e talei esuie kaꞌu mo huꞌi-huꞌite hunge huni haataꞌinie mo tolimaa i naꞌona mwala, taꞌe kire kaꞌa sare hiiwalaimoli ike mola aana.

Tataroha Diana I Sulie A Jisas Kraes Nge A Jon E Uusue 14:10

?Uri o kaꞌa hiiwalaimoli ike, Pilip, aana uri ineu i lalo aana a Mamaꞌa na uri a Mamaꞌa noꞌone i lalo aaku? Mo wala nou unuꞌi huniꞌomu ngeena, nou kaꞌa unuꞌi ike tohuku, taꞌe a Mamaꞌa ni e iiꞌo aaku nge ko esuie walu ola omu leesie nou esuiꞌi ngeena.

Tataroha Diana I Sulie A Jisas Kraes Nge A Jon E Uusue 15:24

Mala uri ne ke suꞌuri lae mai esuie mo ola nge nga iini aaopa e kaꞌa asuiꞌi ue ngeena i matolada, haꞌalaa mo oorahaꞌaanga ikire saꞌa iiꞌo haadaꞌi ike urine. Taꞌe oto ie kire leesie taane mo huꞌi-huꞌite, na kire saronai ngiduupu mola ue huniꞌemereꞌi Aamaku.

Tataroha Diana I Sulie A Jisas Kraes Nge A Jon E Uusue 2:11

Eetana nga mei tolimaa aana nanamanga a Jisas ienini, e asuie i Kena aana poꞌo ni henue i Kalili. I leune e haataꞌinie manikuluhaꞌana, nge mo pwaarongoisuli ingeie e si hiiwalaimoli aana.

Tataroha Diana I Sulie A Jisas Kraes Nge A Jon E Uusue 20:16

Oto a Jisas e soie aana satana uuri, “!Meri!” A Meri e si eeliꞌu takoie na ko ere aana erenga mo Jiu uuri, “!Raboni!” (Loꞌongaꞌinge aana uuri, “Haꞌa-uusuli.”)

Tataroha Diana I Sulie A Jisas Kraes Nge A Jon E Uusue 3:26

Lae-lae, kire lae mai i saana Jon na kire ko haꞌarongoa uuri, “?Haꞌa-uusuli, o saie mwane nge e oꞌoꞌo peꞌiꞌo i reune wai i Jodan aana aapa poꞌo wau, nge o ere-ere i sulie? A mwaena ko loo-loto maaꞌi oto, na ahutana mwala ko meni lae oto i saana.”

Tataroha Diana I Sulie A Jisas Kraes Nge A Jon E Uusue 4:31

Taꞌe mo pwaarongoisuli, maholo a keine e lae mwaanire ngeena, nge kire ko haꞌatohu aana a Jisas uuri, “Haꞌa-uusuli, o ke ngau keꞌu.”

Tataroha Diana I Sulie A Jisas Kraes Nge A Jon E Uusue 5:36

“Taꞌe iini no ko ere i sulie ngeena e haataꞌi diana loꞌu liutaa aana a Jon, uri a Mamaꞌa ni oto e uusungeꞌinieu mei. Na mo esunge no ko euꞌesuiꞌi kire haataꞌi diana aana taane uri ineu a tei, aena aana mo ola a Mamaꞌa e niiꞌi hunieu huni esuiꞌi ni otona.

Tataroha Diana I Sulie A Jisas Kraes Nge A Jon E Uusue 7:31

Taꞌe mo iini hunge aana mwala ngeena kire hiiwalaimoli aana Jisas, na kire ko dodolosi aada hailiu uuri, “?Maholo a Kraes kei lae mai, uri kei esuie nga mo tolimaa hunge liutaa aana mo iini a mwane ie ko esuiꞌine?”

Tataroha Diana I Sulie A Jisas Kraes Nge A Jon E Uusue 9:16

Oto ngaeta mo Parise ko teꞌuri, “Mwane nge e asuie mei ola ienini, e kaꞌa uure ike aana God, kaꞌu e kaꞌa kinetaꞌinie ike haꞌatolanga aana Dinge Maaꞌi.” Taꞌe ngaeta mo iini ko unue uuri, “Iinoni oorahaꞌaala e saꞌa asuie ike mo huꞌi-huꞌite mala ienini,” Oto mei oopanga ko reu i matolada mo Jiu i tehulaꞌana mo wala ienini.

Palonga 10:38

Na omu saie oto uri a God e lio hilisie a Jisas ni Nasaret na e da e toꞌo aana Liꞌoa Maaꞌi na nanamanga. Oto aena aana a God e iiꞌo susu peꞌie, a Jisas e lae-lae hailiu aana taꞌena nga leu, na e asuie mo ola diana, na e haꞌa-uurie mo iini nge kire iiꞌo i hahana nanamanga a Satan.

Palonga 2:22

“!Iꞌomu mo Israel, omu ke pwaarongo diana aana mo wala ienini! A Jisas ni Nasaret ngeena, a God e haataꞌi diana aana oto aamiu uri ingeie ni e uusungeꞌinie mai. Omu saie oto maraamiu uri a God ni e haataꞌinie mei olana aana mo huꞌi-huꞌite na mo tolimaa a Jisas e asuiꞌi i matolamiu.

Pilipae 1:14

Na loꞌu, iiꞌonga ineu i nume ni hoꞌo ie, e haꞌasusue mwala hunge aana mwala e hiiwalaimoli aana Kraes, uri hunie kire ke aꞌailaꞌa na mwaanie kire maꞌu huni laeliwala aana Tataroha Diana.