Jemes 4:8 - Tataroha Diana

⁸ Omu ke iiꞌo karaꞌinie a God, nge a God kei iiꞌo karaꞌiniꞌomu. Iꞌomu mo iini nge omu oorahaꞌaa, omu ke loto aasie oorahaꞌaa mwaanie manatamiu. Na iꞌomu mo iini omu ko sare lulu i sulie a God na walumalau aana taꞌa-taꞌa maholo, omu ke asuie neꞌisaenga iꞌomu ke rereꞌa.

Jemes 4:8 Iomraidhean Croise

Matiu 12:33

Oto a Jisas e heꞌi teꞌuri loꞌu, “Ai e mauri diana nge kei hungu eeni hue-huei ei diana, taꞌe ai aaela kei hungu oto aani hue-huei ei aaela, aana lio sailana ai ko lae-lae oto aana hue-huana.

Matiu 15:2

“?Aana e ue ni mo pwaarongoisuli iꞌoe kire ko heitohea mola mo haꞌatolanga mo weuwaka i naꞌo? Aana kire ko ngeu mola, na kire kaꞌa holaꞌi hoda rereꞌa aana nimada i sulie tolaha diana.”

Matiu 27:24

A Paelat e lio-lio na ko lio aasaie oto uri kei uure honosire uri taa, na maaola-olanga ko karaꞌi reu oto. Oto e si da nimei wei, ko hodalie nimana i maadaelu na ko unue uuri, “!Lio kaꞌu! No ko hodalie nimeku mwaanie nou roroꞌa aana horo-maesilana a mwane ie. Nga roroꞌanga ineu haꞌike, taꞌe roroꞌanga oto iꞌomu maraamiu.”

Palonga 15:9

E kaꞌa asuie ike nga mei ola ke aaopa i matolakaelu. E taꞌaasie mo oorahaꞌaanga mo Aapoloa Aaopa aena kire hiiwalaimoli mala e asuie kaꞌu aakaelu mo Jiu.

2 Korinit 7:1

Maeni iinoni maaꞌi, ahutana mo heiholotaꞌinge ngeena a God e niiꞌi oto hunikie. Aena urine kie ke kinetaꞌinikie maraaka mwaanie walutana nga ola madaꞌa nge e sai haꞌamadaꞌaa maurihaꞌaka, na mwaanie kie asuie taꞌena nga ola aaela wa kie neꞌisae aaela hunie nga iini. Na aena aana kie haꞌamaꞌu aana God, kie ke lulu i sulie oto tolahana e maaꞌi.

1 Timoti 2:8

Oto nou saetoꞌo aana uri ahutana mwane aana taꞌena nga leu kire ke aarengaꞌi. Mwaanie kire hele ni kumu aani saewasunge wa kire haataꞌinie kiꞌide aani haꞌa-erenga, taꞌe kire ke asuie mola nga taa e oodo aana kiꞌide, na kire ke susueꞌinie nimada i lengi aani aarengaꞌinge.

Hibru 7:19

E asuie leune aana Haꞌatolanga a Mosis e kaꞌa sai haꞌa-oodohie ike nga iini. Taꞌe oto ie, a God e tahanie hunikie tala nge kie sai norutoꞌo aana. Na tala ngeena e diana loꞌu liutaa aana Haꞌatolanga a Mosis aana e sai toolekie mai karaꞌinie a God.

Jemes 1:8

Sulie neꞌisaenga ingeie e rue-ruaꞌa, nge tolahana e sai esu olo-olo mola i sulie taꞌena nga ola.

Jemes 3:17

Taꞌe saenanaunge nge e lae mai mwaanie a God e uuri. E rereꞌa, na e honu aana hanuelamanga, na e mamae, na e sai tola i suli, na e sai hei-aamasi, na ko peꞌi. Saenanaunge urine e kaꞌa sai lupweꞌi deu-deu na e kaꞌa sai rara ike haahie nga iini.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

1 Pita 3:21

Na haꞌa-uurilada ngeena, nga tolimaa aana haꞌa-uurilaka nge ko lae mai hunikie aana loto-maaꞌinge. Loto-maaꞌinge nge ko haꞌa-uurikie ngeena e kaꞌa neꞌie ike mei ola mola aana wai ko hoda aasie mo mada mwaanie sapeka, taꞌe kie ko loto maaꞌi oto toꞌohuu maholo kie haiholotaꞌinie hunie a God aani sae manola uri kie kei lulu i sulie oto aani norutoꞌonga aana. Na loto-maaꞌinge urine e toꞌo aana nanamanga huni haꞌa-uurikie aena aana a Jisas Kraes e taꞌelaꞌi eelihoꞌi mwaanie maenga.

1 Jon 3:3

Na ahutaka nge kie ko lio-lio peꞌie maaꞌoohinge loosie maholo ngeena, kie ko kinetaꞌinikie hunie kie ke iiꞌo rereꞌa oto mala a Kraes e rereꞌa.