Jemes 3:2 - Tataroha Diana

² Aana ahutaka, kie sai meni deu pele aana mo ola hunge. Na mala nga iini nge kaꞌa ere-ere aaela ike, nge e sai kinetaꞌinie oto ahutana sapena noꞌone.

Jemes 3:2 Iomraidhean Croise

Matiu 12:34

!Iꞌomu oto mo mwaa! ?Omu kei roroꞌa unue mo ola diana uri taa, na hule aana iꞌomu maraamiu na omu kaꞌa diana? Aana wawana iinoni oto ko unu-unue nga taa saena e honu aana.

Matiu 12:37

Aana leilemu kei lae oto i sulie walamu, huni haataꞌinie uri o oodotaꞌi taane wa o takalo oto.”

Uusu-uusu A Pol Hurula'aa Hunie Mo Rom 3:10

Mala oto unulana e lae i laona mo Uusu-uusu Maaꞌi, Nga iini e kaꞌa oodotaꞌi ike, maꞌalana nga taꞌa-taꞌa iini na haꞌike loꞌu.

Uusu-uusu A Pol Hurula'aa Hunie Mo Rom 7:21

No ko si lio saie uri tolahai ola aaela ni oto ko peine haahieu. Kaꞌu, maꞌalana nga mo maholo no ko sare asuie nga mei ola diana, taꞌe mo ola aaela mola no ko esuiꞌi.

1 Korinit 9:27

Oto no ko deu rarahie sapeku maraaku hunie ke lae i sulie neꞌisaenga ineu, mwaanie da maholo nou tarohaꞌinie Tataroha Diana hunie ahutana mwala, oto purihaꞌana no ko si mamaelaꞌa mola.

Kalesia 3:22

Taꞌe e kaꞌa urine ike, aena aana mo Uusu-uusu Maaꞌi e unue uri oorahaꞌaa e roroꞌie ahutana mwala aana walumalau. Oto aena urinena nga tala loꞌu hunie kie ke helesie mo heiholotaꞌinge a God haꞌike loꞌu, taꞌe hiiwalaimolinge aana a Jisas Kraes oto haꞌalaa.

Kalesia 5:17

Aana nga taa nge tolahai iinoni aaela e saetoꞌo aana, e tohungei aaopa oto hiitoꞌo mwaanie nga taa nge Liꞌoa Maaꞌi e saetoꞌo aana. Na nga taa nge Liꞌoa Maaꞌi e saetoꞌo aana e tohungei aaopa oto loꞌu mwaanie nga taa nge tolahai iinoni aaela e saetoꞌo aana. Aena urine nge kirerue ko maelonga hunirerue hailiu, na halinge ikirerue ngeena ko toꞌohie taꞌena nga mei ola o ko sare asuie.

Kolosi 1:28

Aena urine, melu ko tarohaꞌinie Tataroha Diana ienini i sulie a Jisas Kraes hunie taꞌena nga iinoni. Oto aana saenanaunge diana a God, melu ko lae peꞌi haꞌapasulire na peꞌi haꞌananaure uri hunie kire ke lae mai saana God, na hunie kire ke mani neꞌi rato i sulie tolahana a Kraes.

Kolosi 4:12

A Epapras noꞌone ko niie wau mei wala ni saediananga huniꞌomu. Ingeie nga koni-konihe toꞌohuu a Kraes Jisas na ngaeta iini eemiu. Ingeie ko esu namiu tarau aani eitanailana a God hunie omu ke sai diana aana walu ola a God e saetoꞌo aana omu ke asuiꞌi, na hunie omu ke asuiꞌi oto toꞌohuu mala mo rato aana tolahana Kraes.

Jemes 1:26

Mala nga iini ko loꞌongaꞌinie uri ingeie nga mwane aana soihaadaꞌinge, taꞌe e kaꞌa kinetaꞌinie erenga aana meana, nge urine ko talei haꞌapweue mola maraana, na asunge ingeie aana soihaadaꞌinge, nga ola toꞌohuu haꞌike.

Jemes 1:4

Na e malisine omu ke asu susuleꞌi taraureꞌi hunie omu ke iiꞌo oodotaꞌi na walamango, na nga mei ola aana tolaha diana e saꞌa ooreꞌomu ike.

Jemes 2:10

Mala taꞌena nga iini ko hele i sulie ahutana mo Haꞌatolanga a God, taꞌe ko liu haahie nga taꞌa-taꞌa leu hikeni, nge e liu haahie oto ahuteni.

1 Pita 3:10

Oto mala mo Uusu-uusu Maaꞌi e unue uuri, Nga iini ko heri hunie mauringe diana na uri hunie ke iiꞌo ni ilenimwaꞌenga mola i suli dinge, nge ke kinetaꞌinie meana mwaanie erenga aaela, na ke suꞌuri unu-unue nga mei wala ni eeronga.

1 Pita 5:10

Maholo ienini, omu ko sapesalu mola hunie kele maholo oꞌoruꞌe, taꞌe a God e manata diana huniꞌomu oto liutaa. Ingeie ni oto e soiꞌomu huni lado peꞌie a Kraes na huni iiꞌo peꞌie aana manikuluhaꞌana nge e saꞌa mango ike loꞌu aana taꞌena nga maholo. Oto a God maraana kei haꞌasusue taane hiiwalaimolinge iꞌomu na kei niie nanamanga huniꞌomu hunie omu ke uure maꞌutaꞌa tarau mala iini e neꞌi rato oto aana oodo-oodonga.