Jemes 2:8 - Tataroha Diana

⁸ Taꞌe mala omu ko hele i sulie haꞌatolanga a Inemauri ikie aana mo Uusu-uusu Maaꞌi, nge e unue uuri, O ke manata diana hunie mo iinoni mala o ko manata diana huniꞌo mola maraamu, Levitikas 19:18 nge urine haꞌalaa omu ko deu oodo.

Jemes 2:8 Iomraidhean Croise

Matiu 22:39

Na ruana nga haꞌatolanga e urihana loꞌu eetana, O ke manata diana hunie auhenue iꞌoe oto mala o manata diana huniꞌo maraamu. Levitikas 19:18

Matiu 25:21

“Oto aalaha ingeie ko aalamie uuri, ‘O tohungei deu diana, na iꞌoe oto mwane auꞌesu diana, iini ni nou-norue. O lio i suli diana aana mo ola kaꞌa hunge, oto ne kei neꞌiꞌo o ke lio i sulie loꞌu mo ola hunge. Lae mai na o ke ilenimwaꞌe peꞌieu.’

Matiu 25:23

“Oto aalaha ingeie ko aalamie uuri, ‘O tohungei deu diana, na iꞌoe oto mwane auꞌesu diana, iini ni nou-norue. O lio i suli diana aana mo ola kaꞌa hunge, ne kei neꞌiꞌo o ke lio i sulie loꞌu mo ola hunge. Lae mai na o ke ilenimwaꞌe peꞌieu.’

Matiu 7:12

“Mo ola nge saemiu mwala ke dauꞌi huniꞌomu, nge iꞌomu noꞌone omu ke dauꞌi hunie mwala. Aena aana loꞌongaꞌinge aana ahutana mo Haꞌatolanga a Mosis na haꞌa-uusulinge mo propet ni otona.”

Uusu-uusu A Pol Hurula'aa Hunie Mo Rom 13:10

Iinoni e manata diana hunie mwala, e kaꞌa sai da ike nga mei ola huni waelire. Aena urine, nge manata-diananga oto tala huni haꞌa-oaie mo Haꞌatolanga a God.

Kalesia 5:14

Ahutana walu ola i laona mo Haꞌatolanga a Mosis, kire mani loko mola i laona taꞌa-taꞌa haꞌatolanga nge e unue uuri, O ke manata diana hunie auhenue iꞌoe oto mala huniꞌo maraamu. Levitikas 19:18

Kalesia 6:2

Omu ke peꞌiꞌomu heiliu aana walu ola ko hite-hite aamiu, aana urine nge omu ko tola i sulie haꞌatolanga a Kraes toꞌohuu eena.

Pilipae 4:14

Oto aana maꞌalana e urine, na e tohungei diana aana omu peꞌi diana aaku i laona maholo e aasa hunieu.

1 Tesalonaeka 4:9

Oto leu mala manata-diananga hunie mo eesimiu kira hiiwalaimoli, nga mei ola hunie melu ke uusu-uusu i sulie huniꞌomu haꞌike, aena aana a God ko haꞌa-uusuliꞌomu taane oto uri hunie omu ke mana-manata diana huniꞌomu heiliu urine.

Jemes 1:25

Taꞌe a God e sai haꞌadianaꞌaa mo iini nge ko lio hahuroto i laona haꞌatolanga ingeie. Haꞌatolanga ngeena e tohungei diana, na e sai luhesie mo iinoni hunie kire ke iiꞌo luhetaꞌi mwaanie oorahaꞌaa. Oto iinoni nge ko rongo hunie mo haꞌananaunge a God, na ko loꞌongaꞌi i suliꞌi taraureꞌi, na e saꞌa pulongosie nga taa e rongoa, taꞌe ko hele i sulie nga taa a God e unue, nge a God e sai haꞌadianaꞌaa aana nga taa nge ko esuie.

Jemes 2:12

Oto o ke loꞌo-loꞌongaꞌi i sulie ahutana mo ola nge o ko unu-unuꞌi na o ko euꞌesuiꞌi, hunie kire ke sada peꞌie haꞌatolanga a Inemauri. Aena aana haꞌatolanga ngeena haꞌalaa e sai luhesie mo iinoni mwaanie oorahaꞌaanga ikire, na leilemiu kei lae aana haꞌatolanga ngeena.

Jemes 2:19

Mala uri o ko hiiwalaimoli uri e taꞌa-taꞌa God mola, nge e diana. Taꞌe aamasitoꞌo uri mo liꞌoa aaela kire hiiwalaimoli noꞌone urine, na kire ariri peꞌi meꞌunge aana.

Jemes 4:11

Maeni eesiku, omu ke suꞌuri sisiho aana nga iini. Mala omu ko siho aana nga iini i lalo aana Kraes, wa omu ko leie, nge omu ko ere waelie oto haꞌatolanga kire ko lulu i sulie. Urine nge e haataꞌinie omu kaꞌa hele ike i sulie mo haꞌatolanga, taꞌe omu ko sare haꞌapainaꞌaꞌomu loꞌu liutaa aana haꞌatolanga ngeena huni leie.

1 Pita 2:9

Taꞌe iꞌomu oto, a God e lio hilisiꞌomu nana. Iꞌomu oto mo pris a Inemauri, na iꞌomu oto mwala maaꞌi ingeie. Iꞌomu oto mo tohungei iinoni a God maraana, nge e lio hilisiꞌomu huni tarohaꞌinie tolahai esunge diana ingeie. Aana a God oto e soiꞌomu mei mwaanie rodohono na omu lai sili i laona raa-raa ingeie e manikuluꞌe.