Jemes 2:6 - Tataroha Diana

⁶ Taꞌe iꞌomu, omu kaꞌa haꞌamaꞌu ike aana mo meitale aana walumalau ie. Omu ko haꞌapainaꞌaa mola kira toꞌo-toꞌo. ?Aana e ue nge e urine? ?Kira tei nge kire ko haꞌasiꞌohaꞌaꞌomu? ?Na kira tei nge ko tooleꞌomu i laona leinge?

Jemes 2:6 Iomraidhean Croise

Tataroha Diana I Sulie A Jisas Kraes Nge A Jon E Uusue 8:49

Oto a Jisas e aalamire uuri, “Nga liꞌoa aaela haꞌike aaku. Ineu no ko haꞌamaꞌu aana Aamaku, taꞌe iꞌomu omu ko si ere aaelasieu mola.

Palonga 13:50

Taꞌe mo rato ni Jiu kire ko haꞌa-olaa mo naꞌohai mwane aana huilume ngeena na mo naꞌohai keni nge kire ko hele maꞌutaꞌa aana palonga uri kire ke leledie noꞌone a Pol na Banabas. Oto aena mei olana nge mwala ko teungeꞌinirerue, na kire oohe aasirerue oto mwaanie poꞌo ni henue ngeena.

Palonga 17:6

Taꞌe maholo kire kaꞌa lio oodoie e ro mwane ngeena, oto kire si tapolie mola a Jeson na ngaeta mo mwaasine i lalo aana Kraes, na kire ko weꞌi ookera oto wau i naꞌona mo rato ni mwane aana huilume ngeena. Na kire ko soi oto paine, kire ko teꞌuri, “E ro mwane nge kire ko hurosie ahutana mo henue, kirerue hule loꞌu mei laona huilume ikolu ie.

Palonga 18:12

Oto aana maholo nge a Galio e aalaha haahie poꞌo ni henue i Akaea, mo rato ni Jiu kire ruru, kire si tapolie a Pol na kire toolea i saana a Galio hunie ke leie.

Palonga 8:3

Taꞌe a Sol ko tohungei deu aahonga huni horoꞌie mo iini aana soihaadaꞌinge, oto ko si silihie ahutana mo nume huni tapolie mo mwane na mo keni nge kire hiiwalaimoli huni lai neꞌire i laona nume ni hoꞌo.

1 Korinit 11:22

?Uri omu kaꞌa toꞌo nume ike huni ngeu-ngeu na ni inu-inu aana? ?Wa omu ko sare maaleledie mola soihaadaꞌinge a God na huni haꞌamasaa mola mo iini nge nga mei ngeulaa haꞌike ada? ?Oto nga taa nge omu ko loꞌo-loꞌongaꞌinie uri ne ke unue huniꞌomu? ?Uri ne ke laheꞌomu? !Haꞌike oto ooꞌoo!

Jemes 2:3

Oto mala omu ko neꞌisae haꞌamaꞌu aana iini nge e hoꞌosie toꞌoni lauleuniꞌe, na omu ko ere uuri hunie, “Mwane paine, o ke iiꞌo i leu aana iiꞌo-iiꞌoha diana ie.” Na omu ko si ere uuri loꞌu hunie iini nge e maitale, “O ke uure mola wai leune,” wa “O ke iiꞌo mola hoi mwakano i saana aeꞌaeku.”

Jemes 5:4

Omu ko haꞌapoteꞌomu maraamiu mala poo huni horoꞌilana. Omu eeroa mwala kire auꞌesu nemiu, aana omu kaꞌa holire ike. Kire soꞌo konie mo hohola iꞌomu peꞌie ngaranga aana omu kaꞌa holire. Na a God Hahuꞌana Nanama e rongoa oto ngaranga ikire. Mauringe iꞌomu mai aano e honu oto mola aana toꞌo-toꞌonga, na omu ko deu mola i sulie ahutana mo ola mala saemiu.

Jemes 5:6

Omu leie kira oodotaꞌi hunie maenga, na omu horoꞌire, taꞌe ikire, kire kaꞌa uure honosiꞌomu ike.