Jemes 2:5 - Tataroha Diana

⁵ Omu ke rongo kaꞌu, maeni eesiku maaꞌi. A God e lio hilisie mo iini e maitale aana walumalau ie hunie kire ke toꞌo-toꞌo aana hiiwalaimolinge, na huni toꞌo aana aalahanga nge e haiholotaꞌinie hunie mo iini nge kire manata diana hunie.

Jemes 2:5 Iomraidhean Croise

Matiu 11:5

Aana mo ulu ko lio-lio oto, mo rarasi ko lae-lae diana oto loꞌu, mo iini ko sapesalu aana maelaa ni osa kire mola oto, mo iini e pungu ko rorongo oto loꞌu, na mo iini e mae kire ko meuri eelihoꞌi oto loꞌu. Na laeliwalanga aana Tataroha Diana ko lae oto hunie mo meitale.

Matiu 25:34

“Oto ineu, a Inemauri, ne ke si unue hunie mo iini oodotaꞌi nge ikire i pwalo-pwaloku uuri, ‘Omu ke lae mai mo iini nge a Mamaꞌa e niie haꞌadianaꞌanga ingeie oto huniꞌomu. Omu ke hele huu oto namiu aana aalahanga nge a Mamaꞌa e dau aakau aana loosiꞌomu, uure oto aana haꞌaholalana walumalau.

Matiu 5:3

“Deidehie mo iini nge kire saie uri kire saetoꞌo aana a God, aena aana Aalahanga a God oto toꞌolada.

Tataroha Diana I Sulie A Jisas Kraes Nge A Mak E Uusue 7:14

Oto a Jisas e heꞌi soie loꞌu mwala i saana na ko teꞌuri hunire, “Omu ke pwaarongo diana aana nga taa ne kei unue hunie omu ke sai diana aana.

Tataroha Diana I Sulie A Jisas Kraes Nge A Luk E Uusue 12:21

Oto a Jisas ko si ere uuri, “Kei urine oto hunie mo iini nge ko dudurue mola dianahaꞌana mo ola aana walumalau ie nada maraada, taꞌe kire kaꞌa toꞌo-toꞌo ike aana tolahana a God.”

Tataroha Diana I Sulie A Jisas Kraes Nge A Luk E Uusue 12:32

“Maꞌalana omu kaꞌa hunge, taꞌe mwaanie omu meꞌu-meꞌu, maeni mwela, aena aana Aamamiu ko tohungei ilenimwaꞌe hunie omu kei aalaha peꞌie i laona Aalahanga ingeie.

Tataroha Diana I Sulie A Jisas Kraes Nge A Luk E Uusue 16:22

“A Lasaros e oꞌoꞌo, na ko mae. Oto mo ensel kire toolea na kire ko lai haꞌa-iiꞌosie oto peꞌie a Ebraham. Mwane toꞌo-toꞌo ngeena e mae noꞌone na kire haitoli oto aana.

Tataroha Diana I Sulie A Jisas Kraes Nge A Luk E Uusue 16:25

“Taꞌe a Ebraham e teꞌuri mola, ‘Kaleku, o ke aamasitoꞌo aana maholo o oꞌoꞌo mauri, o toꞌo aana oto dianahaꞌana ahutana mo ola, taꞌe a Lasaros e lae peꞌi siꞌohaꞌa oto hiitoꞌo. Oto ie, a Lasaros e iiꞌo ni ilenimwaꞌenga na iꞌoe ko motaahiꞌo. Oto e aasa hunie ke peꞌiꞌo.

Tataroha Diana I Sulie A Jisas Kraes Nge A Luk E Uusue 22:29

Na oto mala Aamaku e niie nanamanga nakue huni aalaha haahie mo iinoni, nge ineu no ko niie taꞌa-taꞌa taungei nanamanga ngeena noꞌone huniꞌomu.

Tataroha Diana I Sulie A Jisas Kraes Nge A Luk E Uusue 6:20

Na a Jisas e toꞌo-toꞌomaaie mo pwaarongoisuli ingeie, ko si unue hunire uuri, “Deidehiꞌomu mo iini nge omu meitale, aena aana Aalahanga a God oto toꞌolamiu.

Tataroha Diana I Sulie A Jisas Kraes Nge A Jon E Uusue 7:48

?Uri nga iini aana mo naꞌohai mwane wa mo Parise kire hiiwalaimoli aana?

Palonga 7:2

Oto a Stivin ko teꞌuri, “Maeni aamaku na maeni eesiku, omu ke pwaarongo kaꞌu. Maholo a weuwaka a Ebraham e kaꞌa lae ike ue hunie huilume i Haran, God ikie, iini e manikuluꞌe, e holaꞌi haataꞌi oto aana maholo e oꞌoꞌo aana poꞌo ni henue i Mesopotemia.

Uusu-uusu A Pol Hurula'aa Hunie Mo Rom 8:17

Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.

1 Korinit 2:9

Taꞌe leune ko haataꞌinie oto uri Uusu-uusu Maaꞌi ko ere toꞌohuu aana e unue uuri, A God e dau aakau aana mei ola nge e diana liutaa hunie mo iini nge a God maraana e manata diana hunire. Na mei ola diana ngeena nga iini e kaꞌa leesie ue, wa nga iini ke rongoa, wa ke loꞌo-loꞌongaꞌinie uri kei reu. Aesaea 64:4

2 Korinit 4:15

Melu ko mwaꞌe-mwaꞌe ni sapesalu urine huni peꞌiꞌomu, na hunie mwala oto hunge kire ke sai diana aana hahuꞌana manata-diananga a God hunire. Urine mwala oto hunge loꞌu kire ke si soi haꞌamanikuluꞌaa God peꞌi paalahelana.

2 Korinit 6:10

Aena aana mo aasanga ngeena, e malisine oto melu ke sae-saehuu, taꞌe melu ilenimwaꞌe mola tarau. Melu sai meitale taane, taꞌe melu ko peꞌie mola mwala hunge hunie kire ke toꞌo-toꞌo loꞌu. Melu kaꞌa toꞌo aana ike taane nga mei ola, taꞌe melu ko si toꞌo aana mola ahutana walu ola mango.

2 Korinit 8:9

Aana saeku hunie omu ke haimaanie hahuꞌana manata-diananga Aalaha ikie a Jisas Kraes. Omu saie mola uri e tohungei toꞌo-toꞌo kaꞌu oto taꞌau i Lengi, taꞌe e si lae mai neꞌi iinoni meitale mola i tehulaꞌamiu, uri hunie omu ke neꞌi iinoni toꞌo-toꞌo i tehulaꞌana maitalenga ingeie ngeena.

Epesas 1:18

Nge no ko eitanaie a God hunie ke tahanie saemiu, hunie omu ke lio saie taꞌena nga ola diana nge e haiholotaꞌi huni niiꞌi hunikie, mwala ingeie. Na kie ko maaꞌoohi susutoꞌo peꞌi norutoꞌonga aana God hunie walu ola ngeena.

Epesas 3:8

Maꞌalana uri nou mwai-mwei loꞌu mwaanie ahutana mwala a God, a God e tohungei diana oto hunieu, hule aana e niie mei esunge ngeena hunieu. E uusungeꞌinieu weu i saana mwala nge ikire nga mo Jiu haꞌike, huni tarohaꞌinie Tataroha Diana i sulie mo tohungei ola diana nge a Kraes e niiꞌi hunikie—mo ola nge kire diana oto liutaa mwaanie taꞌena nga ola kie sai loꞌongaꞌiniꞌi.

1 Tesalonaeka 2:12

Aana melu ere-ere haꞌasusuꞌomu, na melu eitanaiꞌomu huni tola i sulie a Jisas, na melu ere hatongaꞌi huniꞌomu hunie omu ke iiꞌo aani iiꞌonga diana i maana a God. Aana e haaraiꞌomu hunie omu ke neꞌi iinoni aana aalahanga ingeie na hunie omu ke iiꞌo peꞌie aana manikuluhaꞌana.

2 Tesalonaeka 1:5

Aana omu ko sapesalu hiitoꞌo i tehulaꞌana a God oto ienini, nge a God ke si haataꞌinie uri omu tohungei melisine Aalahanga ingeie. Na aana nga maholo ue mai sapesalunge iꞌomu ngeena kei haataꞌinie noꞌone uri leinge a God e oodo taane mola.

1 Timoti 6:18

O ke unue hunire loꞌu uri kire ke asuie mola mo ola diana hunie kire ke toꞌo-toꞌo aana toꞌo-toꞌonga ni Lengi. Kire ke peꞌi-peꞌi, na kire ke iiꞌo aakau huni nii,

2 Timoti 4:18

Nou tohungei norutoꞌo mola aana uri a Aalaha kei lio i suli diana aaku maꞌalana mei aaelanga uri taa ke rau loꞌu eeku, na ingeie kei tola konieu taane oto taꞌau i laona aalahanga ingeie taꞌau i Lengi. !Iau! Kie ke haꞌamanikuluꞌaa taraureꞌi oto di. Ke urine oto.

2 Timoti 4:8

Na waaite nge ne kei toolea i maana halinge ngeena e iiꞌo aakau loosieu oto, aana ineu nou iiꞌo oodotaꞌi oto i maana God. A Aalaha kei lei oodotaꞌi aana ahutana mwala, na aana Dinge Ooreta ke si waaieu taane. E saꞌa da ike leune hunieu haliꞌite, taꞌe hunie ahutana mo iini kire manata diana hunie na kire ko maaꞌoohie oolinge ingeie mai.

Hibru 11:26

A Mosis e loꞌongaꞌinie mola uri maꞌalana mwala ko teungeꞌinie i tehulaꞌana a Kraes nge ko lae mai, taꞌe leune e diana loꞌu liutaa aana mo ola diana hunge i Ijip. Na ko loꞌo-loꞌongaꞌi mola urine, aena aana ko toꞌo-toꞌomaaie oto nga taa a God kei niie hunie aana waaitana mai puri.

Jemes 1:12

Mala uri nga iini nge oohongilana ko lae na ko uure maꞌutaꞌa mola, nge ke ilenimwaꞌe mola. Aena aana i purine oohongilana hiiwalaimolinge ingeie ko lae urine, nge a God kei waaie aana rorodara ni meurihe huu, nge e haiholotaꞌinie hunie mo iini nge kire manata diana hunie.

Jemes 1:16

Maeni eesiku diana, omu ke suꞌuri toliꞌaasie nga iini ke eeroꞌomu aana mo haꞌananaunge ienini.

Jemes 1:19

Maeni eesiku, omu ke loꞌongaꞌi kohi i sulie mo ola ienini. Omu ke mwaꞌe-mwaꞌe huni hehurongo, na haro loꞌongaꞌi omu ke si ere. Suꞌuri saewasu oto lau-leu,

Jemes 1:9

Mala uri nga iinoni a Kraes ko meitale, nge ke ilenimwaꞌe mola aana e saie uri a God e niie oto hunie mo toꞌo-toꞌonga ni Lengi.

1 Pita 1:4

Aena urinena a God e si da hunie omu ke helesie mo niinge diana ingeie huniꞌomu. Mo tohungei niinge diana ngeena kire saꞌa aiꞌaa loꞌu aana nga maholo, wa kire ke aaela loꞌu, wa kire ke waa, taꞌe kire iiꞌo aakau mola loosiꞌomu taꞌau i Lengi.

2 Pita 1:11

Oto a God ke si tohungei tola koniꞌomu oto taꞌau i Lengi aana walumalau haalu nge e saꞌa mango loꞌu. Walumalau ngeena, a Jisas Kraes Aalaha ikie na a Haꞌa-uuritaka, nge e aalaha haahie.

Haataꞌinge 2:9

“Nou saie taane mo aasanga iꞌomu na uri omu meitale. Taꞌe omu tohungei toꞌo-toꞌo taane aana hiiwalaimolinge. Nou saie taane mwala ko ere aaelasiꞌomu aana kire unue uri ikire oto mo iini a God e saetoꞌo aada. Taꞌe haꞌike. Ikire, kire ko haꞌapainaꞌaa mola a Satan ni ngeena.

Haataꞌinge 21:7

Taꞌena nga iini nge kei aꞌailaꞌa taraꞌasi honosie aaelanga kei toꞌo aana mo ola ienini. Na ne kei neꞌie oto God ingeie, na ingeie kei neꞌie oto kaleku.

Haataꞌinge 3:18

Oto no ko unue nga taa e diana liutaa hunie omu kei esuie. Omu ke toliꞌaasie ne ke niie namiu mo ola e aasa hunie omu kei holiꞌi. Toliꞌaasie ne ke luhesiꞌomu mwaanie mo oorahaꞌaa iꞌomu. Urine omu ke si lio oodoie maurihe huu na omu ke si toꞌo-toꞌo toꞌohuu. Oto omu ke toolea loꞌu mwaanieu mo toꞌoni rereꞌa aana oodo-oodonga ineu, huni hoꞌosiꞌi haahie maurihaꞌamiu mwaanie omu masa aana omu iiꞌo oto mola mwaakule. Na loꞌu omu ke toolea noꞌone mwaanieu mo ei ni ulu huni huiꞌi i laona maamiu, hunie omu ke lio taataha aana a God.