Jemes 1:9 - Tataroha Diana

⁹ Mala uri nga iinoni a Kraes ko meitale, nge ke ilenimwaꞌe mola aana e saie uri a God e niie oto hunie mo toꞌo-toꞌonga ni Lengi.

Jemes 1:9 Iomraidhean Croise

Tataroha Diana I Sulie A Jisas Kraes Nge A Luk E Uusue 1:52

E haꞌasihoa mo aalaha mwaanie mo neunekume ikire, na e sulu alaꞌa aana mo mei iinoni reu.

Tataroha Diana I Sulie A Jisas Kraes Nge A Luk E Uusue 10:20

Omu ke ile-ilenimwaꞌe mola. Taꞌe suꞌuri ilenimwaꞌe haahie uri mo liꞌoa aaela ko meꞌuteꞌiniꞌomu. Omu ke ilenimwaꞌe haahie a God e uusue oto satamiu taꞌau i Lengi.”

Tataroha Diana I Sulie A Jisas Kraes Nge A Luk E Uusue 14:11

Aana taꞌena nga iini ko haꞌapainaꞌaa maraana, haꞌamwai-mweiꞌalana kei lae. Na nga iini ko haꞌamwai-mweiꞌaa maraana, nge haꞌapainaꞌalana ke si lae.”

Tataroha Diana I Sulie A Jisas Kraes Nge A Luk E Uusue 9:48

na ko teꞌuri hunire, “Taꞌena nga iini nge ko tola konie nga kele mwela mala ienini aana sataku, nge ko tola konieu eena. Na taꞌena nga iini nge ko tola konieu, ko tola konie noꞌone iini e uusungeꞌinieu mei eena. Aana a tei hikemiu nge ko haꞌamwai-mweiꞌaa toꞌohuu, ingeie ni oto e paine liutaa.”

Uusu-uusu A Pol Hurula'aa Hunie Mo Rom 8:17

Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.

2 Korinit 6:10

Aena aana mo aasanga ngeena, e malisine oto melu ke sae-saehuu, taꞌe melu ilenimwaꞌe mola tarau. Melu sai meitale taane, taꞌe melu ko peꞌie mola mwala hunge hunie kire ke toꞌo-toꞌo loꞌu. Melu kaꞌa toꞌo aana ike taane nga mei ola, taꞌe melu ko si toꞌo aana mola ahutana walu ola mango.

Pilipae 3:14

Oto no ko huru aꞌailaꞌa hunie uri ne ke hele aana waaite taꞌau i Lengi, nge a God e soieu hunie ne ke hele aana i tehulaꞌana a Jisas Kraes.

Pilipae 3:3

Taꞌe ikolu, a God e asuie torihesiꞌonga toꞌohuu i saekaelu. Oto ikolu mo iinoni a God toꞌohuu, na ikire haꞌike, aena aana kolu ko paloa a God toꞌohuu aana peꞌinge a Liꞌoa Maaꞌi. Kolu norutoꞌo mola aana a Jisas Kraes huni haꞌa-uurikolu, na kolu kaꞌa norutoꞌo ike aana mo ola poꞌoi sinaha aana sape mala torihesiꞌonga.

1 Pita 2:9

Taꞌe iꞌomu oto, a God e lio hilisiꞌomu nana. Iꞌomu oto mo pris a Inemauri, na iꞌomu oto mwala maaꞌi ingeie. Iꞌomu oto mo tohungei iinoni a God maraana, nge e lio hilisiꞌomu huni tarohaꞌinie tolahai esunge diana ingeie. Aana a God oto e soiꞌomu mei mwaanie rodohono na omu lai sili i laona raa-raa ingeie e manikuluꞌe.

Haataꞌinge 2:9

“Nou saie taane mo aasanga iꞌomu na uri omu meitale. Taꞌe omu tohungei toꞌo-toꞌo taane aana hiiwalaimolinge. Nou saie taane mwala ko ere aaelasiꞌomu aana kire unue uri ikire oto mo iini a God e saetoꞌo aada. Taꞌe haꞌike. Ikire, kire ko haꞌapainaꞌaa mola a Satan ni ngeena.