Jemes 1:5 - Tataroha Diana

⁵ Taꞌe mala nga iini hikemiu ko saetoꞌo aana saenanaunge, nge ke suke aana a God. Sulie a God e mwaꞌe-mwaꞌe huni nii, na e sai niie saenanaunge huniꞌomu, na e saꞌa asuie ike omu ke hii aaela aani sukanga.

Jemes 1:5 Iomraidhean Croise

Matiu 11:20

Mo henue nge a Jisas e lae peꞌi esuie mo huꞌi-huꞌite aani, mwala kire kaꞌa aaliꞌu ike mwaanie mo oorahaꞌaa ikire, oto a Jisas e si aehota ere aaelasire na ko teꞌuri,

Tataroha Diana I Sulie A Jisas Kraes Nge A Mak E Uusue 16:14

Oto loꞌu i puri a Jisas ko heꞌi haataꞌi loꞌu aana aawalai pwaarongoisuli mwana eeta aana maholo kire ko ngeu. E ere aada aena kire kaꞌa hiiwalaimoli ike aana, na i sulie saeda e hau hule aana kire kaꞌa hiiwalaimoli ike aana mo iini nge kire leesie a Jisas e taꞌelaꞌi.

Tataroha Diana I Sulie A Jisas Kraes Nge A Jon E Uusue 14:13

Na mala uri omu ko sukaa nga mei ola i tehulaꞌana hiiwalaimolinge iꞌomu eeku, ne kei da mola huniꞌomu, hunie mwala ke si soi haꞌamanikuluꞌaa a God i tehulaꞌaku a Kale.

Tataroha Diana I Sulie A Jisas Kraes Nge A Jon E Uusue 15:7

Mala uri omu ke iiꞌo susu oto aaku na walaku ke iiꞌo susu oto aamiu, nge omu sai sukaa taꞌena nga mei ola saemiu hunie, na niilana kei lae oto huniꞌomu.

Tataroha Diana I Sulie A Jisas Kraes Nge A Jon E Uusue 4:10

A Jisas e aalamie ko si teꞌuri hunie, “Iꞌoe o kaꞌa saie ike mei niinge a God ko sare niie huniꞌo, na o kaꞌa saie noꞌone uri a tei nge ko suke wai eemu ienini. Haꞌalaa, o sukaa oto mei wei meuri emue mwaanieu, na nou niie oto huniꞌo.”

2 Korinit 2:16

Hunie mo iini nge a God ko haꞌa-uurire, tataroha ngeena e tohungei rongo diana hunire, aana ko naꞌoda hunie maurihe, na kire ko ilenimwaꞌe haahie mala mwala nge ko nonowasune dango wau-wesu. Taꞌe mo iini nge kire kei eiꞌaa mwaanie a God, kire kei sereꞌi rongoa tataroha ngeena, aana ko da kire ko loꞌongaꞌi mola i sulie leinge na maenga, mala mo iini nge kire ko nonowasune kasuhaꞌana rae. Mei esunge aana tarohaꞌinilana a Kraes urine hunie mwala e tohungei aasa. ?Oto a tei keꞌu ke si melisine asunge ngeena?

Jemes 1:17

Ahutana mo ola diana na mo ola oodotaꞌi kire uure mai mwaanie i Lengi, mwaanie iini nge e haꞌaholaa sato, na waro-waro, na mo heeꞌu. Na raa-raangana e kaꞌa urihana ike mo ola ngeena aana kire ko hei-hei-oolisi mola, taꞌe tolahai ola diana ingeie e saꞌa kele hai-oolisi ike oto ooꞌoo.

Jemes 3:17

Taꞌe saenanaunge nge e lae mai mwaanie a God e uuri. E rereꞌa, na e honu aana hanuelamanga, na e mamae, na e sai tola i suli, na e sai hei-aamasi, na ko peꞌi. Saenanaunge urine e kaꞌa sai lupweꞌi deu-deu na e kaꞌa sai rara ike haahie nga iini.

Jemes 5:16

Aena urinena, nge omu ke haꞌahoue mo oorahaꞌaa iꞌomu oodoiꞌomu heiliu, na omu ke aarengaꞌi talamiu heiliu hunie omu ke awaa. Sulie aarengaꞌinge mwane oodotaꞌi e tohungei nanama, na e sai esuie mo ola paine.

1 Jon 3:22

Na a God kei niie mola nga taa kie ko sukaa aana, aena aana kie ko tola i sulie mo haꞌatolanga ingeie, na kie ko esuie mo ola e saetoꞌo aani.