Jemes 1:21 - Tataroha Diana

²¹ Oto omu ke neꞌi aasie mwaaniꞌomu ahutana mo ola tataꞌala na taꞌena nga ola aaela nge ko peine hailiu. Na omu ke haꞌamwai-mweiꞌaꞌomu hunie omu ke tola i sulie mo haꞌananaunge maaꞌi a God nge hasileni e lae oto i manatamiu, aana kire sai haꞌa-uuriꞌomu.

Jemes 1:21 Iomraidhean Croise

Matiu 5:5

Deidehie mo iini nge kire ko haꞌamwai-mweiꞌara, aena aana kire kei toꞌo aana oto mo ola diana a God e haiholotaꞌi huni niiꞌi hunie mwala ingeie.

Tataroha Diana I Sulie A Jisas Kraes Nge A Jon E Uusue 6:63

Liꞌoa Maaꞌi mone ko niie maurihe, nge mei ola mo iinoni saꞌa roroꞌa ni hele aana ike aana nanamanga ikire maraada. Oto omu ke rongo diana mola hunie walaku, aana kire toꞌo aana nanamanga a Liꞌoa Maaꞌi hunie maurihe.

Tataroha Diana I Sulie A Jisas Kraes Nge A Jon E Uusue 6:68

A Saemon Pita e aalamie oto ko teꞌuri, “?Melu ke si lae loꞌu i tei, Poro paine? Iꞌoe oto o toꞌo aana mo wala nge ko niie maurihe huu hunie iinoni.

Palonga 10:33

Na oto mola aana maholona nge nou uusungeꞌinie mo mwane wau i seemu, na e diana oto liutaa aana o lae oto mai. Na maholo ienini melu meni ruru oto i naꞌona God huni rongoa mo ola a Aalaha e niiꞌi huniꞌo huni tola tahangaꞌiniꞌi huniꞌemeelu.”

Palonga 13:26

“Rongo kaꞌu, iꞌomu mo weuwana a Ebraham na mo Aapoloa Aaopa nge omu lae mai huni aarea God. Ikie oto, a God e lio hilisikie huni haataꞌi diana aana tala ni haꞌa-uuringe hunikie.

Uusu-uusu A Pol Hurula'aa Hunie Mo Rom 1:16

Nou tohungei norutoꞌo aana Tataroha Diana a Jisas na nou saꞌa roroꞌa masa ike huni tarohaꞌinie, aana e toꞌo aana nanamanga paine a God huni haꞌa-uurie ahutana mo iini e hiiwalaimoli aana, maꞌalana ikire mo Jiu wa ikire mo Aapoloa Aaopa nge ikire nga mo Jiu haꞌike.

Uusu-uusu A Pol Hurula'aa Hunie Mo Rom 11:17

Kira Ebraham kire urihana mo imi-imine nga tohungei ei hungu-hungu nge a God e saetoꞌo aana oto liutaa. Taꞌe maꞌalana mo Jiu kire neꞌie ai diana a God urine, a God e hali aasie oto mo sasarai ola hunge mwaanie ai ngeena, aena aana e leledie oto mo Jiu nge kire sereꞌinie a Kraes. Na iꞌomu, maꞌalana uri omu urihana mola mo sasarai ola aana ai ni meꞌesu, taꞌe a God e neꞌiꞌomu aana leu oolisie mo sasarai ola e taꞌaasiꞌi oto, na e ladoꞌomu oto aana ai diana ngeena. Oto aana maholo ienini, iꞌomu noꞌone omu sai helesie taꞌena nga ola diana ko lae-lae mai uure mwaanie mo Jiu.

Uusu-uusu A Pol Hurula'aa Hunie Mo Rom 6:17

Holaꞌinaꞌo, iꞌomu mo koni-konihe a oorahaꞌaa ni ngeena. Taꞌe ienini omu ko tohungei lulu i suli diana aana oto walaimolinge nge haꞌa-uusulilemiu e lae aana, na aena leune kie ko tohungei paalahea God.

1 Korinit 15:2

Tataroha Diana ngeena haꞌa-uurilemiu ko lae oto aana, mala uri omu ko hele susuleꞌi oto aana mala nou laeliwala namiu aana, na omu kaꞌa neꞌisae rue-ruaꞌa loꞌu aana.

2 Korinit 7:1

Maeni iinoni maaꞌi, ahutana mo heiholotaꞌinge ngeena a God e niiꞌi oto hunikie. Aena urine kie ke kinetaꞌinikie maraaka mwaanie walutana nga ola madaꞌa nge e sai haꞌamadaꞌaa maurihaꞌaka, na mwaanie kie asuie taꞌena nga ola aaela wa kie neꞌisae aaela hunie nga iini. Na aena aana kie haꞌamaꞌu aana God, kie ke lulu i sulie oto tolahana e maaꞌi.

Epesas 1:13

Oto iꞌomu mo Aapoloa Aaopa noꞌone, omu neꞌi iinoni a God aana maholo omu rongoa mei wala toꞌohuu aana Tataroha Diana uri a God ko sare haꞌa-uuriꞌomu. Omu hiiwalaimoli oto aana Kraes ni ngeena, na huni haataꞌinie uri a God oto e toꞌo aamiu, e niie Liꞌoa Maaꞌi nge e haiholotaꞌinie oto huniꞌomu.

Epesas 4:22

Oto omu ke toliꞌaasie oto tolahai ola aaela lalahuꞌe nge omu lae-lae i sulie kaꞌu aana mau-meuringe lalahuꞌe iꞌomu. Aana tolahai ola ngeena e sai waeliꞌomu mola, aana ko heri hunie mola aaelanga, na mo heri-huninge ngeena kire ko haꞌapweuꞌomu oto toꞌohuu.

Epesas 4:25

Oto omu ke toliꞌaasie tolahai ola ni eeronga, na omu ke mani ere toꞌohuu mola huniꞌomu heiliu, aena aana ahutaka kie mani neꞌi sasarai ola mola aana taꞌa-taꞌa mei sape.

Epesas 5:4

Na e kaꞌa adona ike noꞌone uri omu ke talei unu-unue mo wala aaela, wa mo erenga ni pweu, wa mo haꞌa-eeronga aaela. Taꞌe nga taa e malisine uri omu ke ere i sulie oto, huni paalahea mola a God.

1 Tesalonaeka 1:5

Aana maholo melu toolea mai Tataroha Diana huniꞌomu, melu kaꞌa toolea ike mai mola aani wala, taꞌe peꞌie nanamanga a Liꞌoa Maaꞌi, aana e haataꞌi diana aana aamiu uri e toꞌohuu. Na omu lio saie noꞌone urine aena aana mo ola melu euꞌesuiꞌi maholo melu iiꞌo peꞌiꞌomu, mo ola mola huni peꞌilemiu haliꞌite ni ngeena.

1 Tesalonaeka 2:13

Melu ko lae peꞌi paalahea God oto liutaa haahie maholo melu lae mai haꞌarongoꞌomu aana walana God, omu rongo peꞌi hiiwalaimolinge aana uri walana God toꞌohuu na e kaꞌa walana ike mola iinoni. Na walana God ngeena ko esu taane oto i lalo aamiu mo iini omu hiiwalaimoli aana.

Taetas 2:11

Oto kie ke iiꞌo oto urine aena aana manata-diananga a God hunie walumalau e haataꞌi oto, aana e asuie oto tala hunie taꞌena nga iini ni welumalau ke hele aana maurihe huu.

Hibru 12:1

Oto pulitaa oto paine ienini kire haataꞌi diana aana tala aana hiiwalaimolinge ngeena, na kire loko kali-kelikie oto huni toꞌo-toꞌomaaie hurunge ni hiiwalaimolinge ikie. Aena urine, kie ke toliꞌaasie taꞌena nga ola ko liu-liu honosikie mwaanie hiiwalaimolinge aana God, na kie ke toliꞌaasie noꞌone mo walo ni oorahaꞌaa nge ko hiriꞌikie oto tarau. Oto kie ke huru aꞌailaꞌa taraꞌasi aana hurunge nge a God e totohoa oto naka huni huru aana.

Hibru 2:3

Taꞌe mei wala ni haꞌa-uuringe nge a God e niie mai naka siꞌiri ie, e paine loꞌu liutaa aana iini i naꞌo ngeena. ?Oto mala uri kie kaꞌa sare rongo ike hunie tataroha ngeena, nge kie kei tehisie kaꞌu haꞌaloinge uri taa? !Kei aasa mwae! Aalaha ikie a Jisas maraana oto e holaꞌi unu tahangaꞌinie tataroha ngeena, na mo iini kire rongo hunie, kire unu tahangaꞌinie oto oodoikie uri mei wala ngeena e tohungei toꞌohuu oto.

Hibru 4:2

Aana kie rongoa kaꞌu oto mei tataroha diana mala ikire mwala oto i naꞌo kire rongoa noꞌone. Taꞌe aana maꞌalana kire rongoa kaꞌu tataroha ngeena, e kaꞌa peꞌire ike, aena aana kire kaꞌa rongo peꞌi hiiwalaimolinge aana.

Jemes 4:8

Omu ke iiꞌo karaꞌinie a God, nge a God kei iiꞌo karaꞌiniꞌomu. Iꞌomu mo iini nge omu oorahaꞌaa, omu ke loto aasie oorahaꞌaa mwaanie manatamiu. Na iꞌomu mo iini omu ko sare lulu i sulie a God na walumalau aana taꞌa-taꞌa maholo, omu ke asuie neꞌisaenga iꞌomu ke rereꞌa.

Jemes 5:20

Sulie omu saie oto uri mala nga iini ko tola aalihoꞌi mei aana nga iini e oorahaꞌaa mwaanie mo takalonga ingeie, nge ko haꞌarereꞌaa mwaanie taꞌena nga oorahaꞌaa ingeie na ko haꞌa-uurie maurihaꞌana mwaanie maenga.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

1 Pita 1:9

Na e lae oto urine, aena aana a God ko lae peꞌi haꞌa-uurie maurihaꞌamiu aana omu hiiwalaimoli aana.

1 Pita 2:1

Oto aena urinena, mwaanie omu heꞌi lulu i sulie loꞌu mo neꞌisaenga aaela huni waelie ngaeta iini. Omu ke suꞌuri heꞌi eero loꞌu, na omu ke suꞌuri lupweꞌi eeroa mwala, na omu ke suꞌuri saehanalie mo ola ngaeta iini, wa omu ke lae peꞌi ere aaelasie ngaeta mwala.

1 Pita 2:11

Maeni iinoni maaꞌi, iꞌomu nga mo iinoni ni welumalau haꞌike na omu iiꞌo mola mai mala mo awataa, na tohungei henue iꞌomu oto taꞌau i Lengi. Aena urine no ko unue oto huniꞌomu uri omu ke suꞌuri lae loꞌu i sulie mo saehanalinge aaela iꞌomu. Aana mo neꞌisaenga aaela ngeena kire sai ooho honosie maurihaꞌamiu.