Jemes 1:16 - Tataroha Diana

¹⁶ Maeni eesiku diana, omu ke suꞌuri toliꞌaasie nga iini ke eeroꞌomu aana mo haꞌananaunge ienini.

Jemes 1:16 Iomraidhean Croise

Matiu 22:29

Oto a Jisas ko aalamire uuri, “Neꞌisaenga iꞌomu e tohungei takalo oto hiitoꞌo, aena aana omu kaꞌa saie ike mo Uusu-uusu Maaꞌi wa nanamanga a God.

Tataroha Diana I Sulie A Jisas Kraes Nge A Mak E Uusue 12:24

Oto a Jisas ko aalamire uuri, “Neꞌisaenga iꞌomu e tohungei takalo oto hiitoꞌo, aena aana omu kaꞌa saie ike mo Uusu-uusu Maaꞌi wa nanamanga a God.

Tataroha Diana I Sulie A Jisas Kraes Nge A Mak E Uusue 12:27

Kie mani saie oto uri mo iini e mauri mola kire ko palo-paloa God. Oto uusu-uusu ie ko haataꞌinie uri maꞌalana Ebraham, na Aesak na Jekob kire mani mae oto, taꞌe kire mauri mola ue taꞌau i Lengi. !Neꞌisaenga iꞌomu mo Sadiusi ko lae takalo oto hiitoꞌo!”

Palonga 1:15

Oto aana mo dingena, aana ngaeta maholo ola mala tangalai iinoni peꞌie nga ro aawala aana mo iini kire hiiwalaimoli kire mani loko. Oto a Pita e uure i lengi ko si teꞌuri,

1 Korinit 6:9

?Uri omu kaꞌa saie ike mo iini nge helelada e tataꞌala kire saꞌa roroꞌa ni hele aana ike Aalahanga a God? Mwaanie omu neꞌi-neꞌisae takalo. Mo iini nge kire ko mei-mesi, wa kire ko palo-paloa mo ola aaopa mwaanie a God, wa kire ko aeꞌaeni ola, wa mo mwane nge kire ko deu mala mo repi, wa kire ko aeꞌaeni ola peꞌinie mo mwane mala ingeie,

Kalesia 6:7

Na mwaanie omu loꞌo-loꞌongaꞌi takalo i sulie leinge a God. Nga iini e saꞌa roroꞌa pweloa ike a God wa ke eeroa haahie nga mei ola e asuie. Iinoni kei soꞌokonie mola nga moi taa e hasiꞌi.

Pilipae 2:12

Aena urine, maeni eesiku, mala omu lae kaꞌu peꞌi tola i sulie a God aana omu rongo hunie walaku maholo ineu ue peꞌiꞌomu, omu ke hele susuleꞌi aani lulu i sulilana walaku oto urine, oto liutaa aana maholo mala ienini nge nou kaꞌa iiꞌo ike peꞌiꞌomu. Aana e roroꞌa toꞌohuu uri omu ke mani meꞌuteꞌinie a God hunie omu ke asu aꞌailaꞌa huni haꞌa-oaie leune a God e aehotaa, aana e haꞌa-uuriꞌomu mwaanie haꞌamotaahinge.

Pilipae 4:1

Maeni eesiku maaꞌi, nou manata diana huniꞌomu toꞌohuu, na saeku uri ne ke tohungei lae kaꞌu mei leesiꞌomu. Iꞌomu oto domana rorodara manikuluꞌe nakue, na no ko tohungei ilenimwaꞌe hiitoꞌo haahiꞌomu. Oto aena aana walu ola urine, maeni eesiku maaꞌi, nge omu ke iiꞌo susu mola peꞌie hiiwalaimolinge aana a Aalaha.

Kolosi 2:4

No ko ere urine huniꞌomu, mwaanie uri nga iini e haꞌatakaloꞌomu aani eeronga, maꞌalana uri ke rongo kohi loꞌu uri taa.

Kolosi 2:8

Omu ke lio talamiu noꞌone mwaanie nga iini e haꞌatakaloꞌomu aana mo haꞌa-uusulinge eero-eero na mo loꞌongaꞌinge ni iinoni mola. Aana maꞌalana mo loꞌongaꞌinge mala ngeena ke rongo ni saenanau oto uri taa, taꞌe kire kaꞌa uure ike mai mwaanie a Kraes, taꞌe mo ola mola aana nanamanga ni welumalau.

2 Timoti 2:18

Kirerue toliꞌaasie oto mo erenga toꞌohuu, na kirerue ko si lae peꞌi unu heiliu mola aana uri taꞌelaꞌinge kira hiiwalaimoli mwaanie maenga e rau oto. Na peꞌie mo wala takalo urine, kirerue ko waelie mola hiiwalaimolinge ngaeta mwala.

Hibru 13:1

Omu ke mana-manata diana huniꞌomu heiliu oto mala iꞌomu mo mwaasine toꞌohuu i lalo aana a Kraes.

Jemes 1:19

Maeni eesiku, omu ke loꞌongaꞌi kohi i sulie mo ola ienini. Omu ke mwaꞌe-mwaꞌe huni hehurongo, na haro loꞌongaꞌi omu ke si ere. Suꞌuri saewasu oto lau-leu,

Jemes 1:2

Maeni eesiku maaꞌi, omu ke ilenimwaꞌe mola maholo mo malaahonga hai-aaopaꞌi kei haro hite aamiu,

Jemes 2:1

Maeni eesiku, omu hiiwalaimoli oto aana Jisas Kraes Aalaha ikie. Oto omu ke suꞌuri waelie manikuluhaꞌana peꞌi loꞌongaꞌinie uri ngaeta mo iinoni kire kohi loꞌu liutaa aana ngaeta mo iini.

Jemes 2:14

Maeni eesiku, mala nga iini ko unue uri e toꞌo aana hiiwalaimolinge, taꞌe e kaꞌa haataꞌinie aana asunge ingeie, nge hiiwalaimolinge ingeie ola mwaakule mola. ?Uri hiiwalaimolinge urine kei haꞌa-uurie taane?

Jemes 2:5

Omu ke rongo kaꞌu, maeni eesiku maaꞌi. A God e lio hilisie mo iini e maitale aana walumalau ie hunie kire ke toꞌo-toꞌo aana hiiwalaimolinge, na huni toꞌo aana aalahanga nge e haiholotaꞌinie hunie mo iini nge kire manata diana hunie.

Jemes 3:1

Maeni eesiku, e kaꞌa malisine ike mo iini hunge aamiu ke neꞌi haꞌa-uusuli, aena aana omu saie uri mo iini nge kolu ko haꞌa-uusuli, leilakaelu kei peine liutaa aana ngaeta mo iini.

Jemes 3:10

Haꞌapainaꞌanga na haiꞌuesinge ko meni uure mola mwaanie taꞌa-taꞌa mea. Na urine maeni eesiku, nga mei ola urine ke suꞌuri reu loꞌu.

Jemes 4:11

Maeni eesiku, omu ke suꞌuri sisiho aana nga iini. Mala omu ko siho aana nga iini i lalo aana Kraes, wa omu ko leie, nge omu ko ere waelie oto haꞌatolanga kire ko lulu i sulie. Urine nge e haataꞌinie omu kaꞌa hele ike i sulie mo haꞌatolanga, taꞌe omu ko sare haꞌapainaꞌaꞌomu loꞌu liutaa aana haꞌatolanga ngeena huni leie.

Jemes 5:12

Maeni eesiku, ngaeta mei ola loꞌu e paine liutaa, nge uri omu ke suꞌuri tohe aana nga taa omu ko unue. Suꞌuri tohe takoie taꞌau i Lengi, wa takoie mai aano, wa taꞌena nga ola loꞌu. Taꞌe mala omu ko neꞌisae ni unue, “Iau,” nge omu ke unue mola, “Iau,” wa mala omu ko neꞌisae ni unue, “Haꞌike,” nge omu ke unue mola “Haꞌike,” mwaanie leilemiu e lae.

Jemes 5:19

Maeni eesiku, mala uri nga iini hikemiu ko lae takalo mwaanie walaimolinge, nge omu ke tola aalihoꞌi loꞌu mei aana.